﷽
الحلقه الحاديه عشر
_يوم جعل حياتي جحيم _
❥ حنين الموسوي ❥
حيدر ؛: سمعت صوت بنيه تصيح وكان صوتهة عالي وخابصه الدنيا بالصياح حسيت الصوت مو غريب عليه...عفته وطلعت گلت من أرجع اعرف شكو طلعنه توجهنه لكذا منطقه بقيت للعصر اله رجعت دخلت للمكتب تعباان بس بقه صوووت البنيه براسي صحت للشرطي گتله:
_ اليوم الصبح أني وطالع سمعت صووت بنيه تصيح منوو هاي...؟
_سسسسيدي هاي سجينه بالسجن لأنفرادي چانت تصيح وتريد تشوفك...
_منوو هاي الي التريد تشوفني شنوو اسمها...؟
_ سسيدي هاي وحده أدبسز صارلهة تقريباً ثلاث اشهر ونص بالسجن وماتقبل تعترف... اليوم تصيح دخلولهة الحرس أنطوهة كتله زينه وسكتت..
اسمهة مها قيس...
_ تفاجأة من گال مهاا هااي شتريد بس يمكن لأن عرفت نكشفت كذبتهة تريد تسويلهة سيناريو جديد..
گتله:
_مااااشي خل تولي بعد اذا طلع صوتهة أنطوني خبر أني اتصرف وياهة
_ حاضر سيدي
مهاا :تعبت وأني أصيح وأتوسل بالشرطه حتى بوست أحذيتهم بس ردت أشوف العقيد مرة وحدة وأحچيله كل الصار لأن هو الوحيد الي راح يصدگني بس همه مارحموني بقوا يدفرون بيه حيل أخر شي واحد ضربني بخاصرتي ضربه شهگت شهگه وصلت للسماء...ولله الكافر يبچي ؏ حالي بقيت أرافس بالگاع من الألم لازمه خاصرتي وادگ براسي بالگاع وابچي وأردد ذني الكلمات
نادی علياً مضهر العجائب تجدهُ عونن لك في النوائب كل همٍ وغمٍ سينجلي بولايتك يامحمد ياعلي ياعلي...
اقره بيهن وعيوني بلسگف أريد وگفت علي ابو الحسن وياي.... أباوع الأيدي الحروق البيهة كلهة تزلغت و رجليه هم تزلغت ويحرگني حيل يلسع بگلبي الألم... عفت خاصرتي بقيت انفخ ؏ أيدي
وجبت شال نضيف ولفيتهن يحرگني حيل انفخ عليهن مايفيد يسعرن بگلبي.. بقيت أون من الألم محد جابلي أكل للعصر دخلت شرطيه جايبه صمونه وگفت من بعيد شمرتهة عليه حتى گاموا يعاملوني مثل الحيوان... أني من القهر والألم حتى الجوع نسيته عفته ماأكلتهة هيه عافتني وطلعت هيه وطالعه سحگت رجلي بحذائهة أني شاغت روحي لله رجليه جانت كلهة بطبابط مال حروق من سحگتهن طگن وگامن يحرگني اني من شدة الوجع گمت ادگ براسي ع الحايط لحد مافقدت الوعي.....
.. فزيت گوه افتح عيوني بتعب شفت الصمونه يمي لگيتهة يابسه خليت عليهة ماي وأكلتهة... گمت ما اعرف شسوي عقل ماضل براسي كل الي أريدة اشوف العقيد لو بأي وسيله لو اشبع كتل هو حلي الوحيد ماعندي غير الله وغيره... چانت الدنيا الصبح أني ما اگدر أمشي ؏ رجليه زحفت رحت غسلت وجهي وگعدت يم الباب گمت ادگ ع الباب وأصيح
هم دخل الشرطي يضرب ويسب ويشتم أني بعد تعودت ع الضرب بقيت أصيح....
أنت تقرأ
يوم جعل حياتي جحيم
Randomتبدأ حكايتنا من يوم مشؤم يوم جعل حياتي جحيم الذي انقلبت فيه الموازين لتغير مجرى حياتي رأساً ع عقب، تشتت، ضياع، ظلم ، وحق مغصوب، قاروره من زجاج وأئوهن من ذلك تكسرها حتى الرياح...... 🦋 فهل ستنصفها الأيام.... أم يبقا الحال كما هو... أم للقدر حكاي...
