﷽
الحلقه عشـࢪون
_يوم جعل حياتي جحيم _
❥ حنين الموسوي ❥
حساب الأنستگرام hhn2_001
قناة التلي Han2001hh
مها : ردت انام ما حسيت اله ؏ أصياح بيت عمي واصل للضالين وعمي احمد يصيح صوته عالي كلش وهوسه.... اني حاولت أسد أذاني ما أريد أسمع شي همي كافي عليه شعليه بيهم اني بياحال بس الهوسه ماتخلي واحد ينام لأن المخزن يم الاستقبال بالحديقه
گمت اقرة قرآن واهدي لأهلي لأن حافظه ؏ گلبي هواي سور قريت سورة يسٓ هديتهة الهم وقريت سورة النور هم هديتهة... شويه وهدء الصوت سمعت صوت خطوات ناس مروا من يم المخزن وطلعوا يحچون... اني غمضت عيوني حتى أنام جان الوقت متأخر حطيت راسي تعباانه حيل... ضليت اقرة بسوره الكرسي والمعوذات وتسبيحه فاطمه الزهراء
لأن اخاف والمكان يخوف والفار كل شويه مفززني شويه نفتح باب المخزن كل حيله... أني طفرت من مكاني مرعوبه دخلت عليه سماح حرامات اگول عليهة عمه گامت گامت تصيح وعيونهة بگصتهة گالت:
_ولج بنت الفگر.. الله ينتقم منج ومن الساعه الشفتج بيهة بس طبيتي البيتي فگرتيني وجبتي الطلايب والمشاكل وياج اني صوچي خليتج بيتي..... الله لايرحمج يا أحلام نمتي بالگبر وشمرتي هاي الفگر علينه..!
اني صافنه عليهة عيوني ماترمش بعد هيه أجت عليه بعودت الماسحه تضرب بية واني أدفع بيهة تعبت من الضرب والضغط العليه حچيت بكل حرگه كتلهة:
- كاااافي عمه كاااافي حرااام عليج ولله حرررام....
اني بشر حالي حالكم مو حيوان كل اليجي يضربني شسويت اني شنووو ذنبي... مو اني يتيمه وعندي حوبه عد الله وحوبتي ماتتخطاكم... شمسويتلج وهيج تكرهيني انتِ هم عندج بنااات خافي الله بيه
_ ولج خريجة السجون طلع عندج السان وتحچين بنت النعال .... أبوج راح ولى نام بگبرة وذب العار علينه.... أرتاحي من فگرتيني وجابوا بنتي نرجس وذبوهة عليه راح تطلگ من وراج يابومه
الله لايوفقج لا دنيه ولا أخره...
-اجت ضربتني بكل قساوة وبدون رحمه وكأنهوا اني مو بشر گدامهة... عودة الماسحه قويه توجع ضربتهة لحد ما انكسرت صارت نصين اله عافتني وطلعت اتفشر وتغلط ؏ أمي وأني ألوج من الوجع والدموع تجري والغصه وصلت البلعومي... سلمتهة بيد الله وبقيت بس ابچي واشهگ...
اني شعليه بالصار... شنوو الذنب السويته ما ادري
بقيت ابچي ماگدرت انام ولله جسمي يون عليه كل مكان بي يوجعني تعبتت من الضرب والتعذيب بعد ما بيه اتحمل.... ولله المر عليه الحديد مايتحمله
ابچي وأشتكي الرب العالمين اني يتيمه ومالي احد وأمي فقيره گظت عمرهة فارشه سجادتهة وتصلي معليهة بالعالم ولامأذيتلهة أحد ...وهيه حتى وهمه ميتين تسبهم وتشتمهم اريد الله ياخذ حوبتي وحوبت أمي وابوي منهم بجاه كلمن عنده جاه يم ربي... بعدين غفيت ماحسيت ؏ روحي من التعب واني هم وراي گعده الفجر دعيت الله أگعد قبل ما تجي وتضربني الظالمه...
فزيت لگيت الدنيه بعدهة ضلمه بس كاتلني الحر والعرگ... والمخزن حار يسمط سمط طلعت الگونيه وعباتي فرشتهة بالحديقه الجو حلوو زين بره... تمددت وضليت اباوع للنجوم شگد حلوات النجوم ؏ اقل هنه فوگ عاليات خلصانات من حقارة البشر وظلمهم وخباثتهم...
أذكرت قبل من چنه أنام فوك السطح بالصيف لان جانت تنطفي الكهرباء بليل ويصير البيت حار چنه نصعد فوك نفرش العصر اني وزهرة
ونضل نسولف ونضحك شكد حلوه ذيج الأيام راحت بعد ماترجع شيعودهم اعزاز گلبي
اخخخ يا يييمه ولله خسارتي چبيره ماتنحمل أكبر من عمرري وينج ييمه اني خسرت چلمه اليمه بعد المن اكولهة.. بعد منو يحن عليه خسرت حظنج الدافي يييمه خسرت ملگاج الحلوو وضحكتج بعد ما اشوفهة يممه نحرمت منج ومن عطرج الطيب...
أنت تقرأ
يوم جعل حياتي جحيم
Randomتبدأ حكايتنا من يوم مشؤم يوم جعل حياتي جحيم الذي انقلبت فيه الموازين لتغير مجرى حياتي رأساً ع عقب، تشتت، ضياع، ظلم ، وحق مغصوب، قاروره من زجاج وأئوهن من ذلك تكسرها حتى الرياح...... 🦋 فهل ستنصفها الأيام.... أم يبقا الحال كما هو... أم للقدر حكاي...
