﷽
الحلقه السابعه
_يوم جعل حياتي جحيم _
❥ حنين الموسوي ❥
حساب الأنستگرام hhn2_001
قناة التلي Han2001hh
حيدر: شفتهة حيل تعبت فقدت الوعي ..
صحت للشرطي بسرعة اخذوهة للمستوصف مال المركز.........
... وصحت للضابط محمد گتله:٠
_ محمد أسمعني هاي البنيه الچانت هنا تضل بالمستوصف تعالجوهة لحد ماتصير زينه... اني راح انزل للبيت أرجع الگاهة واكفه ع حيلهة وقسماً بالله اذا عرفت أحد لامس شعرايه منهة بدون علمي المركز احرگة ع راسه أني اريد احقق وياهة...
_ حاظر سيدي
مهاا : فتحت عيوني بتعب... لگيت حاطيني بغرفه بيهة سديات هواي ومعلگيلي مغذي ورجليه ملفوفات بشاش وراسي ملفوف درت انضاري شفت ممرضه يمي گتلهة:٠
_ اني وين..؟
_ لا تخافين حبيبتي انتِ هسه بالمستوصف جروحج عالجناهن و هسه وضعج احسن بس لازم تاكلين لأن عندج فقر دم حاد.
_ ذكرت اني جنت اخر شي بغرفه العقيد بليل وفقدت وعي وهسه الصبح... يمكن هو الخلاهم هيج يسوللي لان چنت لو أموت ما ياخذوني ويعالجوني...
حيدر : طلعت بليل متأخر گبل للحله وصلت للبيت الفجر مو ع بعضي ضايج ع هاي البنيه ما اعرف شنوو قصتهة.... نمت وگعدت الصبح رحت للحجيه تفاجأة بيه.. شافتني بتسمت بوجهي وجه الخير گالت:٠
_ ياااا يممه يا هلا بهذه الصباح الحلوووو... صباااح الخير يالغالي.. شوكت اجيت يايبعد امك
_ صباح النور يالعافيه... أجيت الفجر ولگيتج نايمه
انتِ شلونج
_ اني هسه صرت زينه يوليدي بشوفتك.... بس وضعك ما عاجبني شبيك حبيبي
_ ولله يممه اكوو شغله مدوختني صار وياي بالمركز وافكر بيهةة... تعااي خل نتريگ واحچيلج
... اني الحجيه عندي مو بس أمي وبس لا هاي صديقتي وحبيبتي وبير اسراي ما اضم عليهة شي تريگنه وحجيتلهة شويه ع موضوع هاي البنيه الحجية گلبهة حيل طيب بسرعه تبچي..... شويه وطلعت يم جماعتي..خلصت الأجازة بس يوميه أخابر ع المركز وأسئلهم عنهة وتأكد محد متقرب الهة ع ما اجي وعرفت صارت زينه وضعهة احسن..
مهاا :بقيت أسبوع بالمستوصف يمي الممرضه تنطيني علاج ويجيبولي أكل بس الحراس واكفين باب الغرفه بس ع اقل محد يضربني ولا يعذبوني ولا اشوف سوزان وجماعتهة شويه ارتاحيت بس بالي كله يم اهلي ما اعرف شصار بيهم........ !
_____________✧
زهراء : مر ع غياب مهاا اكثر من شهر واحنه وضعنه للأسوء أمي صار عدهة سكر ابويه نايم بالفراش من صابته جلطه قويه بعد مايگدر يتحرك..... أمير يركض منا ويرد منا بس حتى يوفرلنه اللگمه لان من يطلع الوادم تاكل وجهة لزموهة علينه عيار....
ام قصي جانت تجينه زوجهة گام يمنعهة عنه من گد مايسمع حچي الناس علينه.. والمرة هم مو بيدهة بعد أمي گامت تهتم بأبوي بس حيل تعب كسرة نكسر ع مهاوي وبعد حتى ماعدنه احد يروح لبغداد يسئل عليهة.... عود ابو جعفر الرجال كل فتره هم يروح ويرجع نفس الشي محد يخلي يشوفهة واحنه مانعرف عنهة شي....
والله حياطيين البيت تشهد ع الحزن والدموع الصارت بهذا البيت اني المدرسه عفتهة صرنه بوضع ينكسر خاطر العدو علينه... عمامي ولا مهتمين گاموو يصيحولنه بيت العار المنطقه كلهة تعيرنه باختي بس اختي شنووو ذنبهة ياربي .............وصار ع غياب مهاوي شهر ونص....
أنت تقرأ
يوم جعل حياتي جحيم
Randomتبدأ حكايتنا من يوم مشؤم يوم جعل حياتي جحيم الذي انقلبت فيه الموازين لتغير مجرى حياتي رأساً ع عقب، تشتت، ضياع، ظلم ، وحق مغصوب، قاروره من زجاج وأئوهن من ذلك تكسرها حتى الرياح...... 🦋 فهل ستنصفها الأيام.... أم يبقا الحال كما هو... أم للقدر حكاي...
