﷽
الحلقه السادسه وثلاثون
_يوم جعل حياتي جحيم _
❥ حنين الموسوي ❥
مها: وصلنه للمركز تقريبا با 11
بس بعد وكت لان الزفه بليل بس رحنه علمود الحجز ساعه وبدن يشتغلن بيه وني الفرحه ماوسعتني
ساعتين وكملني بس طلعت حيل حلوه سولي تسريحه تجنن
بس نص شعري نازل ومكياج حيل حلوو ولبست بدله فضيه طلعت اخبل اجت هاجر گالت
هاجر: اللهم صلِّ على محمد وآل مُحَمَّد شنوو هاي الأميره الحلوه اويلي الله يعين گلبك ياحيدر شلون راح تتحمل كل هاذه الجمال.... وضحكت
نسرين: فدوه الهاي العابه الحلوه عيني بارده عليج
حبيبت گلبي الله يهنيج
مهاا: صدك من شفت روحي ضليت صافنه طالعه شكل ثاني عن حفله الخطوبه
المهم كملنه بدن نسرين وهاجر هم سون مكياج وتسريحه وكملن با 3 ونص طلعنه من المركز اجه حسام اخذنه ودانه للقاعه وصلنه نزلني من السياره طبيت للقاعه تخبل احله من مالت الخطوبه سولي استقبال لدوخلي يجنن
ولكيت نسوان هواي يعني قاعه حيل چبيره وضخمه اله ماخذتهن جايبين ثنين ملالي يسولي مولد وجلوه.
.... شويه اجن نسوان اهواي فوگ الذني جانن موجودات بدت الحنه والمله بدت تقره وسولي جلوه بدلت بدلتين.... ام علي بس تخازر ماعجبهة الوضع جايباتهة گوه عليهة
والباقيت كلهن يركصن حتى ساره صح اول ماشفتهة ماحبيتهة بس اليوم تركص وماعدهة شي
بس هاجر ونسرين ذبن لحم..اني عايشه احله لحضات بعمري.. فرحانه گومني اركص ركصت شويه ما اعرف جايبين مصورات يصورن الحفله
صارت الحفله تجنن تقريبن راد يصير اذان المغرب هنه سدن الاغاني وره ساعه شغلن وكملن ردح واني هلكت من التعب
كسرتني الكعده با 9 عشو النسوان بالقاعه وبا العشره الزفه
اني متت كاعده من 3 ونص لسه عله فرد كعده
شويه وراح تجي الزفه
اني سمعت بالزفه لو رجليه كامن يطگطگن وثلجّـن صرت اختض من كل اكتاري اووف ياليله العمر اليوم
متت فرحانه وخايفه ومتوتره وخجلانه
اليوم راح انجمع با اغلى انسان بحياتي بس شعور الخوف والخجل من هاي اليله لابد منه
شويه سمعنه صوت سيارات عالكه
حيدر: اليوم حنه وزفه فخلصنه الحنه من وكت اذا همه مسويهة
من العصر طربكه بدت الحنه والركص والخبصه بالقاعه عزمت اهواي لان جماعتي حيل هوايه وگرايبنه هم اهواي المهم
عشينه الزلم وطلعنه بالعشره بليل
طلعت الزفه رحنه للقاعه... طبعا اليوم ما اكدر اوصف الفرحه الي دا أمر بيهة مهاوي اموت عليهة صارت حبيبتي ومرتي وشريكة حياتي
طلعنه وصلنه سياره الزفه وگفنه باب القاعه
اول مادخلت رحت للغاليه امي بوستهة وبست اديهة هاي العشگ الاصلي والقديم ولأولويه الهة
انوبه رحت المهاوي
مها: اني شفت حيدر لو ڪلبي طلع من مكانه كمت ارجف وشتغلت الهلاهل والأغاني يمه متت من الخجل اجه يمي اني وڪفت باس كصتي والأبتسامه تخبل عله وجهة رغم بتسامته حيل خفيفه... بس تجنن اني احس جسمي كله يرجف سوولنه جلسه تصوير وحيدر لزم ايدي ايدي قالب ثلج وارجف قربني اله صرت بأحضان حيدر ونركص ع غنيه اغنيه عبالي حبيبي ليله الي ألبسلك الأبيض وأصير ملكك والدنيا تشهد
أنت تقرأ
يوم جعل حياتي جحيم
Randomتبدأ حكايتنا من يوم مشؤم يوم جعل حياتي جحيم الذي انقلبت فيه الموازين لتغير مجرى حياتي رأساً ع عقب، تشتت، ضياع، ظلم ، وحق مغصوب، قاروره من زجاج وأئوهن من ذلك تكسرها حتى الرياح...... 🦋 فهل ستنصفها الأيام.... أم يبقا الحال كما هو... أم للقدر حكاي...
