﷽
الحلقه الثالثه عشر
_يوم جعل حياتي جحيم _
❥ حنين الموسوي ❥
حساب الأنستگرام hhn2_001
قناة التلي Han2001hh
مها: من شوغت الألم گمت بس ادعي ع روحي وألوب من الوجع والدم غرگ ملابسي اخذوني رجعوني للسجن طبيت للسجن شمروني وطلعوا وعساني ماطبيت نفس قذارة سوزان وجماعتهة هنااا شفتهة هم شافني يضحكن ويحچن كلام مو أخلاقي ولبسهن الفاضح أني بس أرجف من الوجع گتلني احس روحي خلصت تريد تطلع بعد مابيه حيل تعبت ما اتحمل شوغات بعد الوجع كتلني گعدت بالزاويه وأبچي وأصابعي يصبن دم... من شوغت روحي وأديه يرجفن من الألم أشيلهن وأضمهن بملابسي أريد الدم ينگطع
يوجعني حيل ألمهن يسعر بگلبي... هااي المره الحبابه أم وسن چانت نايمه فزت ع صوتي أبچي شافتني طفرت من مكانهة أجت عليه گالت:
_ كاااافي يييمه ليش تبچين وتفرفحين معليج بيهن أني يمج اعتبريني أمچ لاتخااااافين هيه هاي وضعيت السجن شعبالج يبنيتي يفرشن سجادتهن ويصلن جماعه....
_ هيه اجت عليه عبالهة أبچي خايفه منهن ومن شكلهن جنت ضامه أديه بصدري طلعتهن وابچي هيه شافتهن شهگت ذيج الشهگه گالت:
_ انه أمج يا وسن
شبيهن أدياتج غاطات بالدم
گمت ابچي وأفرفح گتلهة: خاله شششلعوا اضافري خاله شششلعوهن المايخافون الله
_ الله أكبر عليكم ادري ليش ولكم.. شلون هذا السجن مايطبله بريئ لازم حتى البريئ تسووا مجرم غصبن عليه..... حسبي الله ونعم الوكيل ع كل ظالم
دنگت راسي وابچي بحرگه هيه أخذتني خلتني يمهة جرت فراشي بصفهة... وهنه بغير عالم ولا يمنه اني تمددت بالفراش وعيني بالسگف عيوني مانشفت دموعي تچويني أم وسن بقت تقرالي أيات شويه ونامت المره شسوي...وهنه هم نامن بقيت بس اني شلون أنام والوجع يدگ بگلبي... ضليت گاعده وحدي ورافعه أديه علمود ينگطع الدم ابچي وأجوا ع بالي أهلي زادت دموعي ما أعرف هسه شصاير بحالهم وين صفه بيهم الوكت اتمنه لو بس اسمع اخبارهم اشتاقيت لحضن أمي اتمنه لو أرجع احضنهة مرة وحدة وانسى كل الألم وشوغات الدنيا كلهة
ياريت أشوف زهوره هسه ونگعد اني وياهة ونشاقه ونحشش...أذكر من چنه نتعارك ؏ الربع ويجي أمير ياخذه منه ثنينه واحنه نضل نبچي...أذكر وابچي
اخخ وينك يا أموري تعال شوف حال أخيتك جار عليهة الوكت وهيه بعز شبابهة تنام بالسجون ويوميه يعذبوهة يا أموري ...
أموري ولك خويه حتى أضافر اخيتك شلعوهن
ذكرت هذا النعي وگمت ابچي جنت هواي اسمعه
* خويه شحلاته شحلاته خويه لاخو ولله شحلاته *
*شحلاته شحلاته خويه وينامن بفيه خواته*
* اه اه يابن امي *
* خويه ايام حلوات گضيت وياك خويه ايام حلوات
*خويه ايام حلوات خويه ياماطولن كلش گصيرات .....
أنت تقرأ
يوم جعل حياتي جحيم
Randomتبدأ حكايتنا من يوم مشؤم يوم جعل حياتي جحيم الذي انقلبت فيه الموازين لتغير مجرى حياتي رأساً ع عقب، تشتت، ضياع، ظلم ، وحق مغصوب، قاروره من زجاج وأئوهن من ذلك تكسرها حتى الرياح...... 🦋 فهل ستنصفها الأيام.... أم يبقا الحال كما هو... أم للقدر حكاي...
