﷽
الحلقه التاسعه
_يوم جعل حياتي جحيم _
❥ حنين الموسوي ❥
عباس: اي ست سعاد يله احجيلي شنو علاقتج بهاي المخدرات الي لگيانهن... و وي منوو مشتركه ومنوو جماعتج....؟
سعاد : سيدي اني ولله مالي علاقه لا ابيع ولا أتاجر
.. ابن اخوي الي يجيبلي كميات چبيره من المخدرات واني عليه بس اوزعهن عدنه بنات يشتغلن ويانه...
_ وين هذا ابن اخوج ومنين يمول هاي الكميه...
_ سيدي ولله ما أعرف بس اني التقي بي بالبصرة وينطيني المادة واني عندي بنات يشتغلن وياي...
_ شنوووو اسمه ابن اخوج..؟
_مرتضی علي سيدي موجود بالبصرة عنده محلات مال ملابس بالسوگ
_ زين منو ذني البنات الي يشتغلن عندچ اريد أسمائهن وكل المعلومات عنهن...؟
_ سيدي هاي وحدة منهن اعرفهة من زمان تشتغل عدنه اسمهة مها قيس عبدلله من النجف
_ مها قيس تشتغل وياكم يعني ....؟
_ اي سيدي ويانه تشتغل..
_ شوكت اخر مره شفتيهة..؟
_ سيدي اخر مره شفتهة قبل شهرين بس بعدين وراهة اختفت ما ادري عنهة شي...
_ هااااا يعني ماتدرين صديقتج عدنه مستضيفينهة صارلهة شهرين..؟
_لا سيدي ما اعرف لان احنه بس من نريد نوزع المادة هيه تطلع وي عائلتهة اني أجي وأسلمهة..
_ زين ليش هاي البنيه شنو السبب الي يخليهة تشتغل وياكم وهيه من النجف وبعائلة متحفظه
_ سيدي لأن حالتهم المادية حيل تعبانه وأني انطيهة هواي فلوس...يعني مرغبيهة بالفلوس وتشتغل ويانه وبنفس الوقت محد يگدر يشك بيهة لان فقيره
_ زين خوش حچي ... وين صار اخر لقاء بينكم انتِ وهاي مها...
_ سيدي بلأمام الكاظم يم التفتيش قبل لا تدخل للتفتيش سلمتهة الماده...
_ ماشي عاشت أديچن.... هسه صاحبتج عدنه وانتِ لحگتيهة وباقي بس هذه الكو** مرتضی اجيبه لو يطير
حيدر : چنت واكف أسمع كلام هاي الساق** واعترافهة بس الصدمني كلامهة ع مهاا.. ومها طلعت تشتغل وياهم بنت الكلب وجانت تتمسكن يمي حسيت أعصابي وگفت بلحضتهة لو ألزم مهااا ادفنهة بمكانهة طفله بطول القندره تضحك عليه وتقشمرني...
عفتهم ورحت للمكتب وأحس ناار تطلع من عيوني من الغضب... صحت للنقيب عباس ومحمد يجون وراي... شويه دخلوا عباس گال:
_ نعم سيدي
_ عباس اعترفت المتهمه سعاد ع المتهمه مها انو هيه شريكه وياهم ...؟
أنت تقرأ
يوم جعل حياتي جحيم
Randomتبدأ حكايتنا من يوم مشؤم يوم جعل حياتي جحيم الذي انقلبت فيه الموازين لتغير مجرى حياتي رأساً ع عقب، تشتت، ضياع، ظلم ، وحق مغصوب، قاروره من زجاج وأئوهن من ذلك تكسرها حتى الرياح...... 🦋 فهل ستنصفها الأيام.... أم يبقا الحال كما هو... أم للقدر حكاي...
