﷽
الحلقه الخامسه
_يوم جعل حياتي جحيم _
❥ حنين الموسوي ❥
ابو مها : الووو
ابوجعفر : السلام عليكم
_ وعليكم السلام تفضل منو وياي
_ خويه أني أبو جعفر ابو الحمله واكف باب بيتكم تگدر تجيني بسرعه لا تتأخر أخوي
_ خير خويه شصاير شنوو رجعتو وجايب اهلي وياك
.... بس شو ما تأخرتو رجعتوا بسرعه
_ولله خويه ما اعرف شلون اگلك بس أبو مها الصراحه رجعت بس بالنسوان أهلك مو وياهم بقوا
بغداد .... لان بنتك مها اتهموهة بالمخدرات اجيت اخذك ونرجع البغداد ... تعال خويه لا تتأخر النسوان عفتهن وحدهن بالمستشفی
_ اني من سمعت الحچي بعد ماضل عقل براسي أحس عيوني شاطن وسكري علگ بعد ما اشوف دربي عفت أمير ورحت اركض بالشارع و نگطع نعالي بالطريق نزعته واركض حافي ودموعي گامت تجري. يابويه يامهاوي رحتي من اديه..... وصلت للرجال بسرعه اخذني وتوجهنه البغداد ..
...............................
مها: ضلوا يضربون بيه لحد ما فقدت بعد ما ادري بشي فزيت لگيت حلگي مليان دم گبل گمت أتقيء نزل دم من حلگي وخشمي ينزف...درت انضاري اتفحص المكان اني وين لگيت روحي بغرفه بيهة ثلاث بنات يباوعلي بأشمئزاز ونوبه گعدن وظحكن اجت وحده عليه تتماوع وتظحك گال
سوزان : هااا حب اصحي عيني بعدج بالبدايه تتعودين لاتخافين انوبه يوميه كتله شكل بس هاي المره هيج انوبه الكتله الجايه غيررر.....
_ اني بس صافنه عليهة وعيوني ترمش بثگل وتعب. ما اعرف شنوو جانت تحچي وشنو قصدهة.. نوبه گامن يظحكن ويشاقن بيناتهن ويخلن مكياج
.. اني ردت اگوم اروح للحمام ما اگدر جسمي متكسر ضليت گاعده و ابچي ولأفكار موتتني ما اعرف هسه شصار بحال امي وابويه شصار بي من عرف....
لملمت روحي وغمضت عيوني غفيت من التعب
... طفرت ع دفرات الشرطيه بضهري جايبه أكل گالت
_ يله گومي أكلي وراج تحقيق
.. اني راسي ما اگدر أشيله من الگاع من شدة الألم گوة نهضت روحي بتعب أكلت اول لگمه... وحدة منهن باوعتلي وظحكت گالت:٠
عسل: أكلي حبي أكلي بعد شويه وراج شغل هواي يجون الشرطه يمنه لازم يوميه نسويلهم ضيافه
من الأخير حب لاتقصرين وياهم حتى همة مايقصرون وياج.... كلشي يجيچ ع الحاضر فلوس تحصلين منهم و يجيبولچ جگاير وأگل زين بس ندللهم تصيرين اميره هناااا....
_ بلعت اللگمه بالگوه من الخووف وبقيت ارجف خفت من سمعت كلامهة ما أكلت واني اصلاً بدون اكل من البارحه الصبح و من دخلوني للسجن بس يدگون عليه لميت رجليه ع صدري وبقيت ابچي بدون صوت بس ادموع تنزل .. شويه نفتح الباب دخلت شرطيه صاحت بصوت عالي
أنت تقرأ
يوم جعل حياتي جحيم
Randomتبدأ حكايتنا من يوم مشؤم يوم جعل حياتي جحيم الذي انقلبت فيه الموازين لتغير مجرى حياتي رأساً ع عقب، تشتت، ضياع، ظلم ، وحق مغصوب، قاروره من زجاج وأئوهن من ذلك تكسرها حتى الرياح...... 🦋 فهل ستنصفها الأيام.... أم يبقا الحال كما هو... أم للقدر حكاي...
