الحلقه الثامنه
_يوم جعل حياتي جحيم _
❥ حنين الموسوي ❥
مها: دنگت راسي خجلانه منه سحت بثوبي من المستحه گتله: اييي سسسيدي
هو صاااح للشرطي گاله:٠
_ اخذ المتهمه مهاا وخلوهة بسجن نفرادي..
_ اجو اخذوني للسجن الأنفرادي دخلوني بغرفه وحدي صح خفت لأن أول مره ابقه بمكان وحدي بس ع الأقل محد يضربني ومايعذبوني وخلصت منهن
الحمد لله بقه بس هذا الجحيم شوكت اطلع واخلص منه اخخ يايمه شصاير بحالكم هسه گعدت ابچي بحرگه گلبي... ما ادري الدنياااا وين ضيعتني بيش تورطت ياااربي بعد شيخلصني ما اعررف....
حيدر : بعد ما شفتهة وسمعت كلامهة شبه الي اقتنعت بيهة لان هيه مبينه وحدة فقيره حتى ماتعرف تسولف موو مال وحدة تدخل بهيج سوالف كبار... تعاطفت وياهة من شفت دموعهة وخوفهة من ذني السجينات الي وياهة عبالهة أني ما اعرف البنية من تدخل للسجن تغسل أيدهة ع شرفهة بس هيه شفت بيهة الأختلاف مو مثل الباقيات بس تريد تطلع من السجن خايفه وتتوسل وخوفهة ع شرفهة......
خليتهة بسجن أنفرادي وبلغت الكل ما أقبل اي أحد يدخل عليهة او يتقربلهة خليت حراسه ع السجن شرطياات... بنائاً ع كلامهة راح أوكف وياهة وأصدگهة بس أذا طلعت مكذبة عليه بكلمه وحده قسماً بالله اسحب ايدي منهة و ارجعهة اخليهة بيدهم وشيصير بيهة خل يصير هاااي مو مشكلتي بعد
بس گلت أنطيهة فرصة هاي المرة وكون تطلع صادقه.
مها : بقيت بالسجن وحدي خايفه كلش ضليت اليل كله أتفزز أحلم بس كوابيس بسبب الشفته بهذا السجن الجحيم من ضرب وتعذيب أگعد أضل بس أبچي مثل الطفل الي مضيع أمه.. مشتاقه لأمي حيل أريد اشوفهة گلبي طاگ عليهم عمري مافارگتهم يوم مشتاقة لأبوي ولأموري وزهرة احس گلبي يوجعني ونار فراكهم تلسع بگلبي مخنوووگه ما اعرف شسوي خليت أملي بالله وبهذا العقيد كون يصدگني ويخلصني منا ضليت عايشه ع أمل يطلعني مثل الغرگان ويچلبله بگشايه أريد اي حل يطلعني مناااا
.. ومرت الأيام واني بالسجن الأنفرادي لا أحد يدخل عليه و لا أحد أجه ضربني وعذبني ولا حققوا وياي بعد... بس بوقت الأكل يطوني أكل ويطلعون جنت متأكدة العقيد حيدر مراح يعوفني وراح يساعدني الله هدى عليه وجنت احسب يوم يوم شوكت اطلع واخلص من هذا جحيمي وهسه صارلي شهرين وأني بالسجن او أسمي گبر مو سجن .....
حيدر : ضليت ورة القضيه أحقق بيهة لأن چنه مركزين بس ع مهاا بعتبار هيه المتهمه والأدله عليهة بس من خلال كلام مهااا اذاً اكوو احد ورى هاي القضيه الي ورط مهاا مرت العشر ايام بالدوام وأني أحقق بالموضوع چان اخر يوم الي بالدوام وچنت گاعد بالمكتب اجه احد الضباط گال:٠
_ سيدي بعد التحقيق ومرور هاي الأيام الي نحقق بيه بالقضية واثناء التحرير شفنه بالكامرات وجود امرأة قبل لا تدخل التفتيش مرتبكه وخايفه وتتلفت وتحاول أخفاء شي وشكلهة مشتبه بيهة....
أنت تقرأ
يوم جعل حياتي جحيم
Randomتبدأ حكايتنا من يوم مشؤم يوم جعل حياتي جحيم الذي انقلبت فيه الموازين لتغير مجرى حياتي رأساً ع عقب، تشتت، ضياع، ظلم ، وحق مغصوب، قاروره من زجاج وأئوهن من ذلك تكسرها حتى الرياح...... 🦋 فهل ستنصفها الأيام.... أم يبقا الحال كما هو... أم للقدر حكاي...
