﷽
الحلقه التاسعه وثلاثون
_يوم جعل حياتي جحيم _
❥ حنين الموسوي ❥
. في الصبر مشقه
يعقبها فرح جميل*
،،،،،،،،،،،،،،،،،
مها: بوجود ابني اتغيرت حياتي هواي صار هوه سر سعادتي عشت حياة حلوه بوجود حيدر وأموري
وحيدر يوم عن يوم حبه يزيد اليه أكثر
صار عمر أمير ٨ اشهر بس صار يجنن حلوو بشكل كل مايكبر يصير يشبه ابوه اكثر
چنه گاعدين اني وهاجر نسولف ونضحك
شويه ولزمتني الدوخه خطيه هاجر انتبهتلي گالت
_ مهاوي شبيج حبيبتي..
مهاا: بعد ما اشوف بعيوني اخذوني للمستشفى سيف وهاجر حيدر جان بالدام بيومهة
وطلعت حامل الحمدلله بس عندي فقر دم لان أكلي قليل.... اذا هوه بس أموري يرادله واحد بس اله واكف بي..... رجعنه للبيت الحمدلله كلهم اتباركولي فرحانه حيل راح اصير أم للمرة الثانيه واجيب طفل ثاني الحيدر طبعاً ثنينه حوامل اني وهاجر بس هاجر قبلي 5 شهر الحمدالله والشكر خابرنه حيدر وگناله طار من الفرح وبس يوصي لاتصعدين الدرج واكلي زين وأموري لاتشيلي موزين عليج
... المهم وره يومين اجه حيدر من الدوام
حيدر يموت عله أموري يجي مناك گبل عليه يسولف ويضحك وياه ويشيله نزلت جوه سلمت ؏ حبيبي حيل جنت مشتاقتله گتله
_ هاا حبيبي شونك الحمدلله ؏ سلامتك
_ هلا بشمامتي الله يسلمج.... شلونهة ام أموري الغاليه
مهاا: الحمد لله زينه اني بخير اذا انت بخير..
سيف: حيدر اول شي مبروك عله البيبي...
ثاني خل نتحضر شي راح يجينه الويق والواق....
حيدر: الله يبارك بيك ابو رسول بس لابد منهة شنسوي يخوي اهم شي يطلعون سالمين نتحمل
انريد ان شاءلله تجينه اخت لأموري...
أم حيدر: ان شاءلله ييمه الحمد لله
الله راوني هاي الفرحه قبل لا ياخذ امانته
يمه مامصدكه ازوج حويدر وشفت جهاله و الله انطاك زينة النسوان الحمدلله والشكر
حيدر: رحمله والديج يالغاليه الله يطول بعمرج
ان شاءلله.الحمد لله والشكر عندي بخت بيهة
سيف: اي ولله مهاوي ونعم منهة بت أصول حبابه ذهب صافي... فعلا عندك بخت بيهة.
مهاا: صدك من اسمع حجيهم وحبهم الي اكول الشكر لله لان هيج عوضني بأهل يحبوني
... طبعا حيدر زاد اهتمامه بيه ابد مايخليني اتحرك يتفداني تفدي وعمتي ونور وفرح ابد ماقصرن يخافن علينه اني وهاجر مايخلنه نسوي اي شي ومر عله حملي 4 اشهر
.. هجوره جابت بنوته حلوه مثل الكمر سمتهة ريحانه
خطيه اجت ام علي يمهة ونور وأمهة فتره وصارت زينه الحمدلله
اني اخذت سونر طلعت حامل ببنيه الشكر لله فرحوا كلهم بالخبر حيل يحبون البنات
حيدر حيل فرح جان يتمنه تجينه ابنيه ايحب البنات اهواي...
وهيج خلصت الاشهر الاولى وطبيت بشهر السابع الحمد لله.... أموري كبر حبيب أمه وبده يمشي بعده يكوم ويوكع بس چنه ملاك
طلعنه اني وحيدر وأموري رحنه جهزنه الزهوره اشترينالهة كومت ملابس وغراض ماخلينه شي.... شترينه هواي غراض.... نسرين هم صار عدهة ولد سمتة مهيمن بس اكبر من أموري با أشهر
عله طول يمنه قريبه علينه خلصت ذني لاشهر وطبيت بشهري وسويت عمليه وجبت زهرة أميرتي الزغيره.. خطيه ام علي بقت يمي وماعافتني
وفروحه ذبينه عليهة أموري... خبلاهة وهيه تدرس
اجه حيدر لگاني جايبه
شالهة وضل يبوس بيهة وفرحان بيهة بس ماتعبت بيهم أموري دائماً عد عمتي لو عد عمامه
وزوزه يمي
ربيتهم وكبرو وصارو يخبلون بس زوزه عليه تشبهني حته بحركاتهة نهار كوله تضحك... بنيتي صار عمرهة 3اشهر
..... مره جنه منتضرين حيدر يجي من الدوام بليل
بدلت وبدلت الجهالي منتضرين حيدر يجي شويه سمعنه اندك الباب شلت زوزه وأموري يمشي نزلنه تلكيناه
أنت تقرأ
يوم جعل حياتي جحيم
Randomتبدأ حكايتنا من يوم مشؤم يوم جعل حياتي جحيم الذي انقلبت فيه الموازين لتغير مجرى حياتي رأساً ع عقب، تشتت، ضياع، ظلم ، وحق مغصوب، قاروره من زجاج وأئوهن من ذلك تكسرها حتى الرياح...... 🦋 فهل ستنصفها الأيام.... أم يبقا الحال كما هو... أم للقدر حكاي...
