﷽
الحلقه الثالثه
_يوم جعل حياتي جحيم _
❥ حنين الموسوي❥
لطفاً لاتنسون التصويت ⭐ + متابعه لحسابي
والتفاعل بين الفقرات♥ I Love all of you♥
انا جروحي محطه وناس تدفع ناس
ركب بيه الحزن والنوح والدمعه
وجرى بروحي الحزن مجرى النهر لو فاض
وغرق ناعور حزني وما نشف نبعه
انقفل باب الفرح واسئلت عالمفتاح
اضنه بير يوسف وياهو الي يطلعه
صبح خشبه الكَلب يتونس عالنار
حرك هندام روحي وياهو الي يصلحه༺༻
مها: نمشي بالسرة وصلت لأم التفتيش سلمت وجانت جنطتي مفتوحه فتحتهة من طبينه
ام التفتيش گامت ادور بالجنطه طلعت منه باكيت اكلنس...اني صفنت وتفاجأة بوجودة لان اني ماخليه كلنس بجنطتي.. گلت يجوز أمي لو زهراء خاف يحتاجنه وخلنه.... ام التفتيش باوعتلي وگالتلي بتساؤل
_ هذا شبي الأكلنس ليش هيج ثگيل اكو شي بداخله
_اني من الخووف وجهي گام ينطي الوان جريت نفس بقوة وخليت ايدي ع گلبي وهزيت راسي انفي وجود شي هيه صاحت للمفتشه الي بصفهة گال
_ام زمن تعاليلي عيني بسرعه .
_ اني من الخوف احس رجليه بعد مايشيلني اريد احچي ما اگدر ثگل لساني من التوتر والخووف ضلت بس صافنه خفت حيل لان بقيت وحدي وهنه نخبصن وأمي و وزهراء فتشوهن وطلعن قبلي...
حسيت گلبي يريد يطلع من مكانه اول مره بحياتي اصير بهيج موقف وفوكاهة وحدي لان احنه متعودين ما نطلع من البيت ابد لو للأمام علي عليه السلام وبالسنه مرة... اجتهة المرة وگامن يهزن بي بعدين اخذته منهة گال
_ شو انطيني خل افتحه
... لج هاي شنوو حاطه بنص الأكلنس
مخدرات ومدري شنو تريد ادخلهن للحضرة وتبيعهن..
_ اني بس صافنه ودموعي تجرري شنو مخدرات شنو ابيع بيهن منين أجن ذني وشلون وليش.... احس گلبي راد يوكف بلحضتهة ما مستوعبه الصار...بس دموعي تنزل هنه يصيحن عليه گالن
_منين جبتي ذني وشلون دخلتيهن لهنا
_خاله ولله ما اعررف شي انتِ عن شنوو تحچن ولله مامسويه شي....شفت وحده منهن طلعت تصيح للشرطه اني تخبلت گمت اصيح وراهة
خاله وين رايحه لاتصيحين للشرطه ابوس ايدج ولله ما اعرف شي والنبي محمد ما اعرف وحگ موسی بن جعفر ما اعرف عن شنو تحچن..كمت احچي والدموع تصب وأرجف مثل السعفه من الخوف بس لاحياة لمن تنادي.. راحن صاحن للشرطه وصارت هوسه اجت شرطه الموجودة بالأمام والضباط احس الدنيا ضلمت بعيني گلبي يريد يطلع من مكانه من الخوف .. خطيه أمي شافتني اجت تركض وتفرفح عليه وتصيح بيتي اجت ع أم التفتيش گالتلهة
_شكو شصاير يممه ولكم عوفوا بنتي ليش كلكم ملتمين عليهة شسوت خاله فدوه يالشرطه ولله بنيتي تخاف عوفوهة ادري شمسويه ولكم
أنت تقرأ
يوم جعل حياتي جحيم
De Todoتبدأ حكايتنا من يوم مشؤم يوم جعل حياتي جحيم الذي انقلبت فيه الموازين لتغير مجرى حياتي رأساً ع عقب، تشتت، ضياع، ظلم ، وحق مغصوب، قاروره من زجاج وأئوهن من ذلك تكسرها حتى الرياح...... 🦋 فهل ستنصفها الأيام.... أم يبقا الحال كما هو... أم للقدر حكاي...
