﷽
الحلقه الرابعه
_يوم جعل حياتي جحيم _
❥ حنين الموسوي ❥
حساب الأنستگرام hhn2_001
قناة التلي Han2001hh
مها : ابوس ايدك سيدي عووووفني خليني اروح بطلت حتى زيارة ما ازور بس اريد ارجع البيتنه.. سيدي ولله مامسويه شي ولله اخاف سيدي اخاف من المراكز والسجون ولله ابووووس ايدك عوووفني
... احچي ودموعي تصب احس بعد ماعندي طاقه صوتي راح..... هو گال
_ بابه لاتخافين بس باعي ارفعي راسج واهدئي شويه ورتاحي .....
.. تقربت يمهة ماعرف ليش تعاطفت وياهة كان مبين عليهة فقيره وحالتهم الماديه تعبانه من ملابسهة العاديه... شفتهة حيل تعبت گاعده ع الأرض تبچي وشرطه والناس ملتمين عليهة ومنا امهة تملخ بروحهة فحاولت اهدئهة شويه حتى ناخذهة للسجن ونستجوبهة هناك.. هيه گامت تناشغ گالت
_سسسسسييدي بروح الحسين صدگني ولله اني مامسويه شي.. اصلاً ذني الي لگوهن مو الي والعباس مو الي اني ما اعرف شي والقرأن ماعرف شي وحگ ام البنين بس خلوني اروووح ما اريد شييي...
اكو ضابط واكف يمه يباوعلي ويحجي بأستهزاء گال:٠
_ گالوو للحرامي احلف كال اجاني الفرج...
سيدي ولله هاي أتعبك خل ناخذهة للمركز وهناك نتفاهم وياهة..
_ سمعت راح ياخذوني لو تخبلت كمت أصيح اگلهم
.. لا لا لا ماا اروح لا تاخذوني وخرووو عني عوفوني
وخررررو اني مامسويه شي ولله ليش محد يصدگني
اني معليه ماسويت شي عوفوني............
تهسترت گمت اصيح والدموع تجري وأزحف بالگاع زحوف والناس كلهة ملتمه عليه والشرطه تخبلت احس راح اموت گلبي گام يسعر من الحرگه والتشحرج گمت ادگ ع راسي واصيح
وينك ياكاظم الغيض حلهة وطلعني منهة يابوالجوادين يابو الشدايد اجيت ازورك مو اوصل يمك ويتهموني وياخذوني للسجون ..... !
حيدر: ماعجبني الوضع ابد احنه ملازم انخوف المتهم لازم نستدرجه وبعدين نفهم الحقيقه منه اذا هيه گاعدة وتصرخ وادگ ع راسهة ومن تسمع بطاري المراكز تتخبل بالزايد...
.... رحت يمهة گعدت ع رجليه وباوعتلهة گتلهة
_ بابه انتِ مو تردين تبررين نفسج
ردت بصوت تعبان ومبحوح من الصياح گالت
_ اييي سسيدي
_ خلص لعد اسكتي يابويه خل نتفاهم
مها : جنت گاعده ودموعي تجري وانضارة ع الگبه وأشتكي لأبو الجوادين أگله
... حلهة حلهة يابو الجوادين لا تفشلني جايتك طلابه ع بابك واعرفك ماتردني
...شويه واتقرب يمي نفس الرجال الضخم اجه عليه گعد وصل الحدي من حچه وياي بهدوء مو مثل الشرطه والضباط الباقين يزمخون ويصيحون وكأنهو صدگ اني مجرمه.... شويه گلبي أطمئن شفته يباوع بعيوني المغرگهن الدمع حسيت جسمي كله يرجف ما اسيطر عليه.... هذا العقيد گال للشرطي انطيني الجنطه اخذ جنطتي لزمهة بأيدة وگال
_ هاي الجنطه الچ...؟
أنت تقرأ
يوم جعل حياتي جحيم
Randomتبدأ حكايتنا من يوم مشؤم يوم جعل حياتي جحيم الذي انقلبت فيه الموازين لتغير مجرى حياتي رأساً ع عقب، تشتت، ضياع، ظلم ، وحق مغصوب، قاروره من زجاج وأئوهن من ذلك تكسرها حتى الرياح...... 🦋 فهل ستنصفها الأيام.... أم يبقا الحال كما هو... أم للقدر حكاي...
