﷽
الحلقه السابعه عشر
_يوم جعل حياتي جحيم _
❥ حنين الموسوي ❥
حساب الأنستگرام hhn2_001
قناة التلي Han2001hh
سعاد : سسسيييدي اني اصلاً مهااا مااعرفهة
ولا ملتقيه بيهة من قبل اني ستغليتهة ورطتهة وياي لان جنت خايفه ولله نجبرت اسوي هيج
سسسيدي ولله اني مجبورة اشتغل هذا الشغل لأن اني مره مطلقه وعايشه وحدي أخوتي ذابيني مايردوني والعوز والجوع كتلني..
.مره جنت يم اختي ابچي واشكيلهة ؏ وضعي اختي هم حالتهة تعبانه مابيدهة شي عليه بيومهة چان ابن اخوي الچبير يمهة سمعني ابچي أجه يمي انطاني فلوس وگال عمه اني اوصلج للبيت كومي رحت وياه بالطريق گال:
- عمه كسرتي خاطري ومايهون عليه اعوفج هيج راح الگالج شغله هم تحصلين منهة فلوس هواي واتعيشين بكرامه وهم تخلصين من الفكر والعوز مابيهة شي بس لأزم تكونين حذره وتشتغلين صح اني بذاك الوقت فرحت ماصدگت أحصلي شغله أطلع منهة فلوس گتله عمه كول اي شي اشتغل المهم ما اموت من الجوع گال:
_عمه اني مو عندي محل بالسوگ اشتغل بي بس بنفس الوقت اكو جماعه يجيبولي مواد أبيع بيهن بس بسريه تامه واريد مره تساعدني بهاي الشغله
بس ماجنت اعرف هاي المواد هيه مخدرات..
حيدر: هيه تحچي أني گوة لازم اعصابي وأبين گدامهة هادء حتى استدرجهة واخذ كل الحچي منهة گتله:
- زين منوو ذوله الي يشتغل وياهم...؟
- ولله سسسيدي ما اعرف جنت أستلم بس منه وحتى من اسئله هم مايگلي...
_ كملي.... ؟
_اي سيدي گال اريد مره تشتغل وياي لان المره محد يشك بيهة بهيج شغلات... وانتِ عمتي وأثق بيج وحالتج تعبانه و تفيدين وتستفادين شدگولين كتله... بس اني ما اعرف بهيج شغلات گال:
اني اعلمج.... اريدج تستغلين فئات من البنات و التجمعات وتشوفين منوو النفسيتهة تعبانه الضايجه المخنوكه الي كارهة اهلهة الي طالعه عن الطريق أكعدي يمهة وقنعيهة گليلهة شي يريحج وينسيج كلشي وتحسين بنفسج طايرة بالجو.... وبقيت اشتغل وياا فترة
-منوو يجيبلج المادة وهو بالبصرة وانتِ بغداد
_ سيييدي نوبات اني اروحله للبصره للمحل مالته الي بالسوك علمود محد يشك وما اكدر اروح للبيتهم لان اخوتي
_كملي
_ اي سييدي مره منهن كلت اروح لأمام الكاظم جنت اهناك امواعده بنات وهم من اروح للأمام الي الكاهة تبچي وضايجه أگعد يمهة وأقشمرهة حتى تشتري مني ... لأن اذا أشترت مره بعد ماتگدر تعوفه اتضل تنجبر تشتري بعد..
_ أنتِ تبيعين هواي...؟
_اي سسييدي الكميات الأبيعهة الرجال مايگدر يبيع مثلي لأن اني مره ومحد يشك بيه...
أنت تقرأ
يوم جعل حياتي جحيم
Randomتبدأ حكايتنا من يوم مشؤم يوم جعل حياتي جحيم الذي انقلبت فيه الموازين لتغير مجرى حياتي رأساً ع عقب، تشتت، ضياع، ظلم ، وحق مغصوب، قاروره من زجاج وأئوهن من ذلك تكسرها حتى الرياح...... 🦋 فهل ستنصفها الأيام.... أم يبقا الحال كما هو... أم للقدر حكاي...
