﷽
الحلقه الثامنه وعشـࢪون
_يوم جعل حياتي جحيم _
❥ حنين الموسوي ❥
حيدر: ام علاوي خويه عود هاي انتِ الچبيره لعد شخليتي للزغااار ولله من ضحكتي عبالي فرح ضحكت لان بس فرح عقلهة زغير وتتمضحك بنصنه عله اتفه شي وردت اركعهة راجدي اطلعهة من الشباج بس طلعت فرح عاقله تحترم اخوتهة كاعدين وتحترم النعمه كدامهة....
اني اترخص اكلوا انتم الف عافيه
. عفتهم وطلعت واني صاير نار حتى لو هيه اختي بس من يجاوزن احدودهن اصرف وياهن غير تصرف
و مهاا مسكينه وهيه فشلتهة هواي
اخذت السويج وشحطت السياره وطلعت....
مها: نهضمت حيل من فشلتني
ضليت عله وگفتي والدموع تجري
عفتهم وطلعت رحت غسلت وجهي وصعدت للغرفه سمعت عمتي تحجي عليهة وراي
بس ميته من المستحة فشلتني جدام الولد حيدر وحسام
.... نقهر قهره مو طبيعيه وين ما اروح سوده مصخمه اووف ياربي ... بس مادام حيدر يمي ووياي اتحمل كلشي علموده... حتى عمتي ام حيدر حجت عليهة ومارضت المره گالتلهة
_ ولله ماتستحين لونج تستحين جان ماحجيتي هاي الحجايه تتمضحكين مثل الفروخ بنص اخوتج
عيب عليج راح اطخين الاربعين
ولج طفله شمسويتلج ومتگابله وياهة فوك ضيم الله عليهة ولج جان استحيتي من الله هاي يتيمه
وانتِ الخطار سمعتي مهاا هاذه بيتهة واليحجي چلمه وياهة اكسر ظهره نصين
ماستحيتي من اخيج وكفت الكمه بزردومه حترگت روحه وعاف غديه وراح
وهوه مخبوص خبص عليج من البارحه واليوم بس ما اكول شي بس اكول امده البطن النگلتج اي ولله
هاجر: عمتي خوش رزلت ام علي رزاله ناشفه بس نقهرت هواي عله مها استحت هاي ثاني مره تفشلهة گدامنه شكد خبيثه يارسل بعد الله شيسوي بيج وجفين شرج عن الوادم
.. مارحت وره مهاا عفتهة براحتهة خطيه خليهة تبقه وحدهة لحد ماترتاح شلنه الغده
.... وللمغرب مها مانزلت خطيه تستحي منه اجه حيدر باليل جنه انصب عشه وطب حيدر گال
_سلام عليكم
نور وهاجر: وعليكم السلام
حيدر: اكولج ام رسول مهاا وين
هاجر: ولله خويه بغرفتهة بعد ماشفتهة من صعدت الضهر منزلت
حيدر: هاا ماشي
دخلت للبيت ردت احجي وياهة عله حجي ام علي الحجته الضهر
كالت هاجر بغرفتهة صعدت ليهة دگيت الباب
مها: جنت جاعده يم الجربايه ومنتجيه عله الكنتور وابچي ما نسه الفشله التفشلتهة مهضومه حيل
اندك الباب عبالي فرح لان اني وياهة جاعدين سوه
مسحت ادموع وگتلهة
... فوتي فرح
حيدر: دخلت لگيت مها كاعده يم الجربايه وجانت تبجي اعيونهة حمر گعدت عله الجربايه وباوعتلهة گتله
... هااا عيني شو مختفيه من الضهر لسه شبيج ليش كاعده هنا وحدج ماتنزلين يم البنات
مها: تفاجأة من طب حيدر عبالي فرح دنكت راسي
وگتله
أنت تقرأ
يوم جعل حياتي جحيم
Randomتبدأ حكايتنا من يوم مشؤم يوم جعل حياتي جحيم الذي انقلبت فيه الموازين لتغير مجرى حياتي رأساً ع عقب، تشتت، ضياع، ظلم ، وحق مغصوب، قاروره من زجاج وأئوهن من ذلك تكسرها حتى الرياح...... 🦋 فهل ستنصفها الأيام.... أم يبقا الحال كما هو... أم للقدر حكاي...
