﷽
الحلقه واحـد وعشـࢪون
_يوم جعل حياتي جحيم _
❥ حنين الموسوي ❥
مهاا : باوعلي وبتسم وع لحضه أندفر الباب حيلل طبت عمتي سماح وبناتهة وبيدها قايش مال مبرده وصايره نار صاحت بغيث صووووت گلبي طلع من مكانه صاحت
_ غييييييث
كلب ابن الكلب شكم مره مانعتك تجي يم هاي القندرة بس انت ما اتوووب اله اطيح حظك اله ترتاح أياااات اخذي هسه لاحكتج
انتي يالعارررر بت الفگورررر خريجة السجون حتى ابني ماخلص منج أظحكين عليه و مستغلته حتى يجيبلج سم هاري ينااام بفادج..
مهاا : طبت عمتي سماح وراهة بناتهة
.... خطيه غيث كام يرجف من الخوف شبعته راجديات واخذته ايات تجرجر بي
ادور فتركت عليه لسوعتني تلسوع بالقايش مالت المبرده ملختني بي
تظرب وتفشر وتغلط وابتهال ونرجس اجن تفلن عليه وطلعن ( حشه وجه القارء) عمتي طلعت راحت لغيث اجت نرجس شالت ماعون التمن طشته بالمخزن وتباوعلي بخبث وگالت
_ ادبسززز بت الفگورر ماتلام امي وياج من تگول
ام الضبابيط... شكد اكرهج و اكره هاي الخلقه بدي اخنكج بثنين اديه واطلع قهري بعااار مثلج
وسم ومرض تاكلين انطي للفار ياكله ولا تاكلي انتِ
_ هنه طلعن واني بس الدموع تجري وگلبي نااار ناررر وتسعر بضلوعي عليمن شسويت علمود لگمه چا شلون اموت من الجوع وأخلص شسوي
شويه سمعت غيوثي يصرخ خطيه مرد گلبي
اكيد كتلنه الله ينتقم منهن صدك كرهتهن حيل.... ضليت اونن وابچي.. ابچي بگلب مليان همووم شيب من ضيم دنياي واگول
ليش عفتونه يهلنه
تدرون الوكت مابي محنه
ضليت ابچي... ما اكدر احرك جسمي اكثر شي الضرب بضهري يوجع كلش يوجع..... سلمت امري بيد الله ونمت حتى ماشربتلي اميه ريجي يابس وباجر اصبح صايمه ....
..... صبحت صايمه كوه گدرت اتحرك واشيل روحي گمت عندي شال قديم شديت بي ضهري حيل علمود يهده الألم وكمت اتوضيت رجعت للمخزن طبعا
اوشل عرگ حيل حاره عوده هسه الفجر
صليت كوه ودعيت اخذت شويه من التربه نكعتهة بمي ومشيتهة عله ضهري شويه صرت زينه
... بس من صبحت معدتي تمرد بي من الجوع همزين كلهم صايمين مايكعدون من وكت رجعت نمت
ضليت نايمه فزيت عله روحي اهدومي ناكعه مي والدود ملتم عله ايدي ومكرصهة فزيت مخروعه نكثت ايدي ورحت ركضت غسلتهة بالماي بالمطبخ كلهة ورمت من الكرص ما ادري بروحي بس ميته عطش.... اليوم اول يوم من رمضان رحت شفت الساعه لكيتهة ٢ الضهرر حيل لعد شكد نايمه حتى فاتتني صلاه الضهر اتعوذت الشيطان ورحت اتوضيت طلعت بالحوش الشمس تصكع صكع
رحت طبيت للمخزن ولله اليهودي ما يجعد بي من الحراره والبوخه البي نكثت الگونيه من الگاع طلعت بره تجيني سموم مال هوه تحرك وجهي حرك رجعت للمخزن اصلي والعرگ ايصب مني
كملت صلاه البيت نضيف من البارحه بليل نضفته لكيتهم كلهم نايمين بس عمي بالدوام طبيت للصاله بارده ثلج متغطين ونايمين كلت خل اجعد شويه بالبروده بعدين خفت رحت تمددت بصف الباب تطلع بروده تخبل منه وجهي صار بارد حلووو
اجتي عمتي سماح وراى طفرررت مثل المسودنه گالت
أنت تقرأ
يوم جعل حياتي جحيم
Randomتبدأ حكايتنا من يوم مشؤم يوم جعل حياتي جحيم الذي انقلبت فيه الموازين لتغير مجرى حياتي رأساً ع عقب، تشتت، ضياع، ظلم ، وحق مغصوب، قاروره من زجاج وأئوهن من ذلك تكسرها حتى الرياح...... 🦋 فهل ستنصفها الأيام.... أم يبقا الحال كما هو... أم للقدر حكاي...
