"قلب متمرد" الجزء الثانى من رواية "الرابط المجهول"

الفصل الخامس💙🥀

رواية قلب متمرد الفصل الخامس

فى اليوم التالى

دخلت عشق الى غرفة ابنتها بعدما طرقت على الباب فوجدتها كعادتها يوم العطله تمسك كتاباً تقرأة وتضع مشغل الموسيقى فى أذنها وضعت كف يدها على كتفها لتجعلها تنتبة لوجودها انتفضت اروى بعد تلك اللمسه وقالت:ماما اي ده حد يخض حد كده

عشق:انتِ اللى سرحانه

اروى:انا بقرأ رواية

سحبت عشق الكرسي المقابل لها وجلست عليه قائلة:طب ممكن بقى تسيبك من الرواية دى شوية وتركزى معايا

نظرت اروى الى الكتاب مرة اخرى وقالت:اخلص الصفحه دى  بس

سحبت عشق الكتاب من يدها قائلة:بقولك اسمعينى

زفرت اروى بضيق ثم وضعت يدها اسفل ذقنها قائلة:نعم يا ماما

عشق:متقدملك عريس

اروى:مرفوض

عشق:طب اعرفى هو مين

اورى:هيكون مين يعنى

عشق:يوسف
اروى بصدمه:اي يوسف ابن عمو احمد

عشق:ايوة ووالدك موافق وعايزين رأيك

اروى:بس انا مش موافقه يا ماما

عشق:لية بس يا اروى هو يوسف يترفض
اروى:يا ماما يوسف شاب طيب ومحترم والف من تتمناه بس مش انا

قامت عشق من مكانها ثم قالت:انا حاسه انك متسرعه هسيبك شوية تفكرى على الله تعقلى

امسكت الكتاب مرة اخرى وقالت: لا متسبنيش انا اصلا مش هفكر

هدرت بها عشق قائلة بغضب:فى اي يا اروى فكرانى عبيطه ومش عارفه بمشاعرك ناحية ريان

ارتبكت اروى وقالت:ا..انا

قاطعتها عشق قائلة:انا عارفه انك معجبة بريان من نظراتك ليه انا كنت فى نفس سنك فى يوم من الايام يا اروى وفاهمه تفكيرك ومشاعرك كويس جدا بس نصيحه منى يا بنتى متعلقيش نفسك بأحبال دايبه ريان مش بيحبك ليه معلقة نفسك بيه ركزى مع الشخص اللى حبك وجه يتقدملك وشوفى مستقبلك بقى انا مش هضغط عليكِ يا اروى فى النهاية ده قرارك بس انا بقولك فكرى ومتحكميش قلبك حكمى عقلك

خرجت عشق من الغرفة بينما جلست اروى على الفراش تفكر فى حديث والدتها....

●●●●●●●●●●●●●●●●●●●●

كان اليوم اول يوم لها بالعمل لم تعلم كيف لها بالعمل بجوارة وتحديداً انه من سيتولى امر تدريبها تذكرت نصيحة كارما حينما اخبرتها ان تضع مشاعرها جانباً وان تفكر فى عملها الان قطع تفكيرها صوت فتح الباب فوجدته يدلف الى المكتب تعجب من وجودها فقال:ليان عامله اي،جاية بدرى يعنى
اجابت دون ان تنظر اليه قائلة: اول يوم ليا مكنتش حابه اتأخر