"قلب متمرد" الجزء الثانى من رواية "الرابط المجهول"

الفصل الخامس عشر💙🥀

شكرا لدعمكم وكلامكم الجميل💙وأسفه على عدم ردى بس انشغلت شويه💙
دمتم بخير💙

رواية قلب متمرد

الفصل الخامس عشر

"انا مش فاهمه حاجه...مش فاهمه"

قالتها ثم القت القلم من يدها ووضعت يدها على رأسها فضحك عليها قائلا:انا مش عارف انتِ دخلتى هندسه ازاي

_كان يوم اسود

اقترب منها وجلس بجوارها قائلاً:طب اهدى كده وورينى

نظرت اليه بدموع قائلة:هتشرحلى يعنى

_ايوة بس فى مقابل

عقد حاجبيها بتعجب قائلة:اي هو

أشار بسبابته على موضع شفتيها وقال: كل ما تحلى مسألة هاخد عليها بوسه

ابتعدت عنه قائلة:لا انا اسقط احسن

جذبها من يدها مرة ثانية وقال:ركزي

أخذ يوسف يشرح لها مالم تفهمه وبعد قليل ترك القلم من يده وهو يقول:فهمتى

ابتسمت ابتسامة بلهاء ثم قالت: انا اول مره افهم والله انت شكلك كنت من يهود الدفعه

ضحك قائلاً: انتِ لو تركزي شويه هتبقى احسن منى

_احسن منك اي يا عم الدحيح انت

رفع كفه امام وجهها قائلاً:خلاص كفاية قر

ضحكت ثم استندت على كفيها قائله: م تعرفش تيجى تحل بدالى اهو اخلص من السنه اللى مش باينلها اول من اخر دى

_لو ينفع مش هتأخر عشان حبيبتى هعمل أي حاجه

تنحنحت ثم قامت من مكانها قائلة:تشرب نسكافيه

قام هو الاخر ثم أمسك بيدها وقال:لا مش عايز خليكى هنا

_طيب

قالتها بخفوت بعدما رأت سهام أنظارة التى اخترقتها حباً سحبها من يدها ثم اجلسها على الفراش وقال:اروى

_نعم

_انتِ شايفه اخر علاقتنا اي

رفعت أنظارها اليه قائلة:مش عارفه حقيقى

حاوط وجهها بكفية وقال: طب حاسه ب اي معايا

نظرت فى عينيه وأردفت بتلقائية ودون تفكير:حاسه بأمان وعايزاك معايا دايماً

إبتسم يوسف بفرح ثم أخذها داخل أحضانه التى لم تقاومها وقال: خلاص هو ده اللى كنت عايز اوصله غير كده سهل بحبك يا اروى

إرتعش قلبها عند سماع تلك الكلمه هل لأنها استمعت  اليها منه أم انها استمعت اليها من الشخص الخطأ لبرهة جالت ذكريات ريان على خاطرها فأبعدتها سريعاً وهي تغمض عينيها بقوة وتحاول محوه من عقلها فهي الآن أصبحت متزوجة ولا تستطيع حتى خيانته لو فى عقلها أخرجها يوسف من أحضانه بعدما إستشعر سكونها فقال:فى اي