"قلب متمرد" الجزء الثانى من رواية "الرابط المجهول"

الفصل الثانى والعشرون💙

رواية قلب متمرد

الفصل الثانى والعشرون

أشرقت الشمس وملأت الارض بنورها كان الجميع ملتف حول المائدة يتناولون افطارهم بهدوء تام على عكس كل مرة كانو يتناولون إفطارهم بها تنظر نور ناحية زوجها بحزن بينما هو يغلفة الهدوء والبرود الشديدين اما يامن وعشق فلم يكونا أقل حالاً منهما فولدهما غائب عن البيت منذ أيام بينما ماريا مازالت بغرفتها لم تنزل بعد....بعد قليل تفاجأو بدخوله الى البيت بصحبة فتاة تستند على ذراعه مع صعوبتها فى التحرك ابتسمت عشق ببشاشه ثم اتجهت اليه مسرعة واحتضنته قائلة:وحشتنى اوى يا مراد كده تغيب ده كله

ربت على كتفها بإبتسامة وقال:معلش يا امى انتِ عارفه اللى فيها

اتجه يامن ليسلم على والدة وعمه بينما نظرت عشق الى الفتاة وقالت: هي دى يا مراد

اتجه مراد اليهم مسرعاً وقال:اي يا ماما مش عارفاها دى سارة مراتى

اتسعت عيناها بصدمة فقال مراد كي ينقذ الموقف:ماما سارة فقدت ذاكرتها ومش فاكره حد مننا حاولو تعرفوها على نفسك

بدأ الجميع بتفهم الموقف بينما نظرت عشق الى ولدها بغضب مكتوم ثم قالت:طلع سارة اوضة اروى وتعالى عايزاك

استندت الفتاه على يد مراد الذى أوصلها الى غرفة اروى وبعد قليل من الوقت وتأكده من نومها نزل الى الاسفل كما طلبت منه والدته فوجد والدية ينتظراة بغضب بدى على وجهيهم فقال قبل ان يتحدثا:مبدأياً كده انا خبطتها زي م قولتلكم انا معرفش عنها حاجه ومكنتش اعرف هتصرف معاها ازاي عشان كده جبتها معايا وقولتلها انها مراتى ولما ترجعلها الذاكرة هرجعها لأهلها

ردّ يامن بغضب قائلا:وانت ملقيتش غير انك تقول كده

تابعت عشق كلامه قائلة:طب بعيدا انك ضحكت على البنت قولى يا اللى من المفترض انك جوزها هتنام معاها ازاي فى نفس الاوضه طب البنت معتبراك جوزها اكيد هيحصل بينكم تجاوزات مراد انت مفكرتش فى الكلام ده انا مش معارضة وجود البنت هنا لكن معارضة الكلام اللى قولته

تنهد مراد بقلة حيلة وقال:طب اعمل اي يا ماما

_لازم تقولها الحقيقة

_مينفعش ممكن يحصلها انهيار عصبى او حاجه بصى انا هتصرف ومش هاجى جمبها صدقينى هتصرف

نطق يامن وهو يخرج قائلاً بغضب:اعمل اللى تعمله بقى م انت عكيت الدنيا

نظرا اليه عشق بغضب هب الاخرى وصعدت الى غرفتها
اما بالخارج اوشك مروان على ركوب سيارته فأوقفته نور قائلة:استنى يا مروان

استدار لها وهو يعلم انها ستذكر نفس الموضوع فقال:نعم يا نور اي تانى

نطقت بحزن قائلة:انا عايزة ابنى يا مروان ابنى له تلت ايام غايب عن البيت ومعرفش عنه حاجه انا قلبى واجعنى عليه انت ازاي بتتعامل ببرود كده