"قلب متمرد" الجزء الثانى من رواية "الرابط المجهول"

الفصل التاسع💙🥀

رواية قلب متمرد♥️

الفصل التاسع♥️

فتحت عيناها بنعاس فوجدته يجلس بحوارها على الفراش يحدق فى الفراغ فإعتدلت بجلستها ثم وضعت يدها على يده وقالت:صباح الخير

التفت اليها بإبتسامة بشوشة وقال:صباح الخير على عيونك يا قلبى

ابتسمت سلمى وقالت:سرحان فى اي

تنهد وقال:ولادنا هيتجوزو النهاردة مش مصدق ان ماريا هتبعد عنى

_طب م يوسف هيتجوز هو كمان

_يوسف عايش معايا لكن مش متخيل حياتى بدون ماريا بدون جنانها وضحكتها وكل حاجه فيها يعنى افضل اربيها واهتم بيها وتاخد مكان كبير فى قلبى ويجى واحد ياخدها كده ع الجاهز

ضحكت سلمى وقالت:دى سنة الحياة

_هتوحشنى الجذمه

سلمى:بعدين م انا معاك اهه احلى من ماريا

امسكها احمد من وجنتيها وقال:انتِ اجمل حد فى الدنيا كلها
كادت بالرد ليسمعو صوت طرقات على الباب قام احمد لفتح الباب فوجد من ترتمى بأحضانه وهي تقول:باااابى

شدد أحمد من احتضانها ثم قال:اي يا قلب بابى

ماريا:جيت اقولك انى بحبك اوى

احمد:وانا بموت فيكى

اغتاظت سلمى من كلامهم فقامت من فراشها وهي تتجة اليهم ثم أبعدت ماريا عن زوجها واحتضنته وهي تقول:وانا بحبك اوى يا حبيبي

كبتت ماريا ضحكاتها بصعوبة على والدتها التى تغار على أبيها منها فأرادت أن تثير غيظها أكثر فقالت:طب وسعى كده يا ماما

أبعدتها عن والدها ثم قبلته فى وجنته كل هذا واحمد يكبت ضحكاته بصعوبة ثم قالت:يا حبيبى يا بابا انت عارف انك احلى واحد فى الدنيا وانك هتوحشنى اوى وان مهما بعدت هتفضل فى قلبى وهتفضل الشخص الوحيد اللى مستحيل مكانته فى قلبى تنقص

تأثر احمد بكلماتها فماريا تحتل مكانة كبيرة بقلبه بينما سلمى اغتاظت اكثر وقالت:خلصتى يا اختى يلا اتكلى على الله بقى

_الله فى اي يا ماما

نظرت اليها سلمى بغيظ ثم قالت:انتِ اللى فى اي يا جذمة ده لو انتِ مش بنتى كنت جبتك من شعرك ده ولاكإنك انتِ اللى متجوزاه اوعى تفكرى انى غيرانه منك تؤ تؤ تؤ انا بس هولع من الغيرة فعديها على خير يا ماريا يا بنتى

انهت كلماتها بعصبيه ثم نظرت اليهم فوجدتهم قد انفجرو ضاحكين عليها فقالت بغضب: بتضحكو على اي

أمسكت ماريا بوجنتيها ثم قالت:بتغيرى يا بيضه

سلمى: وسعى يابت كده وروحى جهزى نفسك عشان فرحك