"قلب متمرد" الجزء الثانى من رواية "الرابط المجهول"

الفصل السادس عشر 💙🥀

رواية قلب متمرد

الفصل السادس عشر

"نعم يا روح أمك"
قالها فارس بغضب وصوت عالٍ ارتجفت على أثرة كارما لكنها سرعان مااستعادت ثباتها قائلة:ايوة فيها اي

إقترب منها وأمسك بمعصمها لينظر فى عينيها بغضب وهو يقول:كارما متستهبليش

نزعت يدها من بين كفة المطبق عليه قائلة:انا قولتلك من البداية ا..انا مش بحبك وهتخطب للشخص اللى انا عايزاه وخلاص قرينا الفاتحه

_ده انا أقرى الفاتحه على روحك وروحه قال قرينا الفاتحه قال

التفت كارما لتعود للسيارة وهي تقول:لو سمحت يا فارس وصلنى عشان عايزة ارتاح

ركبت السيارة فركب فارس هو الاخر بغضب وجلس بجوارها وهو يقول: هو مين الزفت اللى متقدملك ده

_لو سمحت متشتموش

ضرب على المقود بغضب وهو يقول:انتِ هتشلينى م تنطقى

_شيء ميخصكش يا فارس الله

مسح وجهه بكفة ثم قال:ماشى يا كارما بس أقسم بالله م هتكونى لحد غيرى حتى لو اضطريت انى اخطفك

داعبت جملته قلبها رغم أنه قد قالها بغضب فأشاحت بوجهها للجانب وهي تقول:اعمل اللى عايزة ميفرقش معايا

صمتٌ تام خُيم عليهم ولم تتحرك السيارة فانتابها القلق فحركت رأسها لتنظر اليه فوجدته يضع يده على رأسه بألم فقالت بلهفه:ف..فارس انت كويس
ضغط فارس على رأسه أكثر وهو يقول:خليكى فى حالك

غضبت من جملته فردت قائلة:اخلينى فى حالى ازاي وانت موجوع كده

_على أساس انه يفرق معاكى

قالها بغضب فلم تأبه به ومدت يدها تتفحص رأسه فوجدت جرحاً ينزف فشهقت بقلق قائلة:انت بتنزف

أبعد يدها وأدار محرك السيارة وقال:ملكيش فيه

_طب مينفعش تسوق وانت بالحالة دى انت مش شايف راسك بتنزف ازاي

مسح فارس حبات العرق التى بدأت تتصبب من جبينه وهو يواصل السير فحاولت كارما تهدئته قائلة:طب اوقف عند اي صيدليه أجيب منها حاجه وأخيطلك الجرح ده

واصل عناده ولم يأبه بها فتسارعت دقات قلبها بخوف تخشى أن يصيبهما مكروهٌ جراء سرعته المفرطه وهو يتألم أوقف فارس السيارة فجأه فأحتك اطارها بالطريق جعلهما يرتدان للخلف نظرت اليه بقلق فوجدته يغمض عينيه بألم فنظرت الى الطريق فوجدت صيدلية على الجانب الاخر فنزلت مسرعة من السيارة ودخلت اليها ثم طلبت بعضاً من الادوات الطبية وعادت الية مرة أخرى وهي تلتقط أنفاسها بصعوبة نتيجة جريها وهي قادمة اليه مدت يدها الى رأسه بأبعادها وهو يقول:شيلى ايدك

انقلبت ملامح وجهها بالغضب وقالت:مش وقت عنادك يا فارس ورينى كده عشان أخيطهولك

_وانا مش عايزك تيجى جمبه