Unicode
ကြိတ်မှိတ်ပြီး မျက်လုံးကိုမှိတ်ထားပေမဲ့ အိပ်လို့မပျော် ။ ဘေးက Digitalနာရီကိုလှမ်းကြည့်လိုက်တော့ 1:03AMတောင်ရှိနေပြီ။
စောင်စလေးကိုဆုပ်ကိုင်ရင်း ခပ်ဟဟဖွင့်ထားတဲ့တံခါးအပြင်ကိုချောင်းကြည့်မိတော့လဲ လူခြေတိတ်နေသေးတယ်။
"အခုထိပြန်မလာသေးဘူးလား"
Taehyung ဒီအိမ်ကိုစရောက်လာတည်းက Jungkookက Taehyungမနိုးခင်ထွက်သွားတတ်ပြီး
Taehyungအိပ်ပျော်သွားတဲ့အချိန်မှပြန်လာတတ်သည်။
ခါတိုင်းဆိုလျှင် 12ကျော်နောက်ဆုံးထားပြီးပြန်လာတတ်သည် ။
ဒီနေ့တော့ တကယ်နောက်ကျနေသည်။
တစ်အိမ်လုံးမှာ အခန်းကျယ်ကြီးတွေနဲ့ဖွဲ့စည်းထားပေမဲ့ အိပ်ခန်းကတစ်ခန်းထဲသာပါသည်။
နှစ်ယောက်အိပ်ကုတင်နဲ့ အခန်းကျယ်အိပ်ခန်းကြီးက ဒီအိမ်အကျယ်ကြီးမှာမှတစ်ခန်းသာပါသည်။
အိပ်ခန်းဘေးမှာစာကြည့်ခန်း ၊အရှေ့ဘက်မှာ ဧည့်ခန်း ဘေးတစ်ဘက်တစ်ချက်စီက မီးဖိုခန်းနဲ့ရေချိုးခန်း အိမ်သာ ။ အဲ့လိုခပ်ရှင်းရှင်းအပြင်အဆင်မှာမှ
ထပ်ခိုးမှာ မှန်လုံဥယျာဉ်ငယ်တစ်ခုရှိသေးသည်။
အိပ်ခန်းက ပင်လယ်ဘက်ရှူခင်မြင်ရအောင် မှန်ပြူတင်း အကြီးကြီးလဲရှိသေးသည်။ လိုက်ကာအဖြူနှင့်ကာထားသော်လဲ လေအေးတို့ဝှေ့လာလျှင် ပင်လယ်နဲ့လကို တွဲဖက်မြင်ရတဲ့မြင်ကွင်း။
အိမ်အပြင်အဆင်က အဖြူရောင်တွေချည်းသာဖြစ်ပြီး ဆိုဖာနဲ့တံခါးများကတော့ မီးခိုးရောင်။
အခန်းဘေးတစ်ဖက်စီမှာလဲ စိမ်းရင့်ရင့်အပင်လေးတွေကိုအိုးနှင့်စိုက်ထားသည်။
အပန်းဖြေအိမ်နဲ့လဲမတူသလို မိသားစုနဲ့နေမဲ့အိမ်နဲ့လဲမတူ။ တစ်ယောက်တည်းနေမှာလဲဖြစ်နိုင်ပေမဲ့
အသုံးအဆောင်တွေက တစ်စုံစီရှိနေပြန်သေးသည်။
မဟုတ်မှလွဲ ဟန်းနီးမွန်းအိမ်များလား လို့ Taehyungတွေးမိပါ၏။
နှစ်ယောက်အိပ်ကုတင်ပါပေမဲ့ Jungkookက အပြင်ဘက်ကဆိုဖာတွေပေါ်မှာသာအိပ်သည်။
တစ်ခါတလေ စာကြည့်ခန်းထဲက ဆိုဖာပေါ်လဲအိပ်သေးသည်။
