Unicode Ver
ဖြစ်ပျက်သွားသမျှကို မယုံကြည်နိုင်သေးသော်လဲ
နှုတ်ခမ်းပေါ်က အနွေးဓာတ်ကမပြယ်သေးလေတော့၊
လက်ဖျားတွေအေးစက်လာပြီး ရင်ထဲကလှိုက်ပြီးတုန်လာသည်၊ အသက်ရှူရာမှာပါ ခက်ခဲလာပြီး တောင့်တင်းနေတဲ့
ခန္ဓာကိုယ်ကြောင့်လှုပ်လို့လဲမရ၊
အသိစိတ်က နှုတ်ခမ်းကနေပြန်ခွာလာမှ အကြည့်တို့က
ပြန်လှုပ်ရှားလာသည်၊
သူ့ရှေ့မှာ အောက်နှုတ်ခမ်းကိုဖိကိုက်နေရင်း
မျက်ဝန်းနက်တွေနဲ့ စိုက်ကြည့်နေတဲ့ သူ့အချစ်ရဆုံး
အမြတ်နိုးရဆုံး အတွယ်တာရဆုံး သူငယ်ချင်း
Taehyung။
လက်နှစ်ဖက်ကိုလဲ ဆုပ်နယ်ရင်း မဝံ့မရဲကြည့်နေသည်က
ရင်ထဲကိုပိုလှိုက်မောလာစေသည်၊
"Tae..Taehyung..မင်း..."
ဒီစကားတွေမေးဖို့သူ့အာခေါင်တွေခြောက်လာတယ်၊
ဘယ်လိုမေးရမှာလဲ?မေးမထွက်။
"အ..အွန်း!!"
Taehyungက ရင်ဘတ်ကိုကော့ရင်းမျက်လုံးပြူးနဲ့
ထအော်လိုက်တယ်။ သူက ဘာကို အွန်းတာလဲ?
"ငါ ငါမင်းကို ကြိုက်တယ် Jeon Jungkook!!"
နေဦး သူ...သူဘာတွေပြောနေတာလဲ?
ထွက်မလာတဲ့စကားလုံးတွေက အခုဆို ပျောက်ရှကုန်ပြီ
"ငါ မင်းကိုအရမ်းကြိုက်တယ် ၊ သူငယ်ချင်းလိုမဟုတ်ပဲ
ကောင်လေးလို မင်းကိုသဘောကျတယ်၊
ရင်ခုန်တယ်၊ သဝန်တိုတယ်၊ ပိုင်ဆိုင်ချင်တယ်၊
မင်းကို အခုလိုမျိုး အမြဲတမ်းနမ်းနေချင်တယ်"
Jungkookမှာ အံ့ဩမှူတွေအပြင် ဘာမှလဲမပြောနိုင်၊
ဘာမှလဲမလုပ်နိုင်၊ ပါးစပ်အဟောင်းသားနဲ့ပဲ ကြည့်နေမိတယ်၊
"အရမ်းအံ့ဩနေတာလား၊ ငါက ငါကgayပါလို့ဝန်ခံတဲ့နေတည်းက မင်းသိမယ်ထင်နေတာ ၊ ငါမင်းကိုသဘောကျနေတာလဲ တခြားသူတွေအကုန်သိတယ်၊ မင်းလဲသိနေမယ်ထင်ခဲ့တာ"
ခေါင်းခါမိသည်၊ သူက ခေါင်းငြိမ့်ခေါင်းခါပဲလုပ်နိုင်တော့တယ်၊ တစ်ကိုယ်လုံးလဲတုန်နေပြီ၊
"အခုရော? မင်းပြောသလို ငါကအချစ်ဆုံးအဖြစ် ဆက်ရှိနေနိုင်သေးလား"
