لعبة القدر
( الفصل الخامس والعشرون )
ادم كان حاسس انه متحرر اخيرا وحياته بقت طبيعية من تاني والهم اللي كان ع اكتافه خلاص انتهى بص لدارين وبعدها شوية من حضنه وشالها وراح قعدها وجاب علبة الاسعافات وطهرلها الجرح و حاطلها لزقة عليه كاميليا وسليم كانوا واقفين بيبصوا عليهم ومبتسمين ودارين مش مركزة مع حد غير ادم وهو مهتم بيها ادم خلص ومسك ايد دارين باسها وبص لسليم ؛
ادم : بابا انا هاخد دارين وارجع بيتنا .
سليم ابتسم : طيب يابني روحوا ارتاحوا يلا .
ادم ابتسم وشال دارين و خرج راح لعربيته ركبها وقفل الباب و قال لواحد من الحراس انه يوصل عربية سامر لڤيلا سامر و لف ركب جنب دارين بصلها وابتسم و شغل العربية واتحركوا وصلوا بيتهم ادم دخل اوضة النوم وهو شايل دارين وحطها عالسرير وقعد جنبها بصلها وقرب باس ايديها وراسها و مسك ايديها ؛
ادم : مبسوطة ياحبيبتي ؟
دارين : انا مبسوطة انك مطلعتش ليك يد ف اي حاجة من اللي حصلتلي دي انا كنت خايفة تكون انت اللي عملت كل ده .
ادم : ازاي بس انا يمكن متكلمتش بس لما عرفت انك حامل كنت طاير بالخبر ازاي هقدر اعمل فيكي كدة .... انا بحبك اوي يا دارين .
دارين شدته وحضنته ؛
دارين : وانا كمان بحبك اوي يا ادم .
ادم فرح اوي لانها اخيرا اعترفت بده حضنها جامد بكل اريحية وحب .
بعد اسبوعين دارين كانت ع سرير الكشف عند الدكتور اللي بتتابع حملها و ادم واقف جنبها ماسك ايديها و الدكتور بتعملها سونار ؛
ادم : ايه يادكتور حضرتك بقالك كتير بتمشي بجهاز السونار ع بطنها ومقولتيش حاجة لو سمحتي طمنينا .
الدكتور ابتسمت : واحدة واحدة يا استاذ ادم انا بس بتأكد من اللي الانا شايفاه .
ادم : ايه الانتي شايفاه طيب فهمينا !.
الدكتور ابتسمت وبصت لدارين وادم ؛
الدكتور : مبروك عليكم المدام حامل ف تؤام .
ادم اتصدم ومش مستوعب دارين دموعها بتنزل ومش مصدقة بصت لادم ادم دمع وباس ايديها وحضن راسها دارين بصيتله من بين دموعها ؛
دارين : شوفت يا ادم ربنا بيعوضنا عن اللي فات كله .
ادم ابتسم وهز راسه ومسح دموعها ؛
ادم : الحمدلله ياحبيبتي الحمدلله .
وباس ايديها ، الدكتور ابتسمت عالعشاق اللي زي الورد دول و قامت خرجت ادم ساعد دارين انها تلبس هدومها وخرجوا قعدها وقعد الدكتور كانت بتكتب لدارين ادوية للحمل وبصيتلها ؛
الدكتور : بصوا بقى حمل التؤام متعب اكتر بكتير من حمل الجنين الواحد يعني محتاجين راحة تامة و انا كتبتلها فيتامينات و ادوية تقويكي وتأمن حملك و اهم حاجة الاكل الصحي ومتتحركيش كتير .
ادم : متقلقيش يادكتور انا واخد اجازة لاخر حملها مش هسيبها تعمل اي حاجة خالص .
الدكتور ابتسمت : كويس اوي ، ومدت ايديها بظرف ؛
دارين : ايه ده يادكتور ؟
الدكتور : ده ف صور للتؤام ف جهاز السونار و في cd عليها صوت دقات قلبهم .
دارين فرحت اوي وخدتهم وشكرت الدكتور وادم خدها ومشيوا ركبها العربية وعمل مكالمة وركب جنبها .
دارين بشك : كنت بتكلم مين ياحبيبي ؟
ادم : لا مش حاجة مهمة دي مكالمة شغل بس بيسألوني ع حاجة ياحبيبتي .
دارين : والله ! بيسألوك عن حاجة ف الشغل الساعة ٨ بليل .
ادم ابتسم : حبيبتي متفكريش كتير ممكن .
وباس ايديها وشغل العربية واتحرك فضل يلف كتير بدون سبب لحد مالساعة بقت ٩ ونص وجتله رسالة عالفون فتح شافها وابتسم وقفل الفون تاني وكل ده تحت نظرات دارين طبعا .
دارين بغيظ : ايوه مانا عايزة افهم ايه اللي بيحصل بقالك ساعة ونص بتلف بالعربية وعمال يجيلك ف رسايل تخليك تبتسم ف ايه بقى .
ادم ابتسم ومبصلهاش ومردش و١٠ دقايق وصلوا البيت ركن العربية و لف ونزلها هي بصيتله بضيق ونزلت من العربية دخلوا العمارة وطلب الاسانسير و الاسانسير وصل دارين دخلت وادم فاضل واقف عالباب دارين بصيتله باستغراب ؛
دارين : ايه مش هتدخل عشان نطلع البيت ولا ايه ؟
ادم : ااااا لا اطلعي انتي انا نسيت فوني ف العربية هروح اجيبه .
دارين بصيتله بشك وهزت راسها هو قفل الباب وهي طلعت وع اخرها وصلت الدور بتاع شقتهم وطلعت من الاسانسير راحت لباب الشقة وطلعت المفتاح وهتفتح لقت الباب مفتوح اتصدمت وزقته براحة فتحته الشقة كلها كانت ضلمة و بتحاول تفتح الانوار مش عايزة تتفتح دخلت وهي مرعوبة وحاسة ان ف حد معاها و فجأة لقت اللي بيمسكها من اكتافها من ورا ...
نهاية الفصل الخامس والعشرون .
متنسوش تبعتولي رأيكم و عايزة توقعاتكم لانتقام رؤى بلس معلش البارت صغير بس النهاية قربت 💋
أنت تقرأ
لعبة القدر ❤️
Romanceنفذ الحبر ونفذ الورق ..نفذ كل الصبر لا يمكن وجود بداية جديدة .. كان هناك اختياران ؛ اما ان اضع نقطة لنهاية كل شئ ولن نلتقي بعدها ابدا او .. او حرف ف سطر جديد لنصنع حكايات وحكايات ولكن ها انا هنا احدثك عن الماضي فانت تعلم ماذا اخترت ..🖤!'.
