لعبة القدر ❤️

3

(الفصل الثالث)
سامر وسليم وادم وكريم جريوا كلهم ع اوضة دارين بعد ماسمعوا صريخ سامر فتح الباب لقى دارين واقعة عالارض وديجا وميريام بيحاولوا يفوقوا فيها مش عارفين وعائشة منهارة وعمالة تهز دارين وبتعيط وتصرخ وكاميليا دموعها بتنزل سامر اتسمر مكانه مش عارف يتحرك عقله وقف عن التفكير وخايف ومرعوب من فكرة ان بنته ممكن تروح منه سليم شاف سامر كدة مستناش كتير وجرى ع دارين شالها ونزل ادم فتحله العربية و سليم ركبها وادم اخد المفاتيح عشان يسوق هو و ميريام وديجا وسليم ركبوا مع ادم  ودارين وادم اتحرك بكل سرعته عالمستشفى وكريم حصله بعربيته ومعاه سامر اللي ساكت مبيتكلمش كل اللي بيعمله بيعيط من غير صوت وعائشة منهارة ف حضن كاميليا ادم وصل بعربيته للمستشفى نزل وشال دارين بسرعة ودخلوا بيها المستشفى وكريم وصل وراهم ودخلوا ورا ادم اخدوا دارين من ادم وكلهم قعدوا ف الانتظار سليم باصص لسامر بزعل وخايف عليه يحصله حاجة وخايف ع دارين برده اللي بيحبها زي بنته خاصة ان دارين اتولدت ع ايد سليم وسامر ساعة ولادة دارين كان مسافر ف شغل بعد حوالي 3 ساعات الدكتور طلع كلهم جريوا عليه
سليم : خير يادكتور طمننا ع دارين
الدكتور : عملنا لانسة دارين الفحوصات كلها و الموضوع نفسي الانسة جالها انهيار عصبي و للاسف........
سامر قلبه وجعه وخايف : للاسف ايه يادكتور قولي بنتي جرالها ايه ؟.
الدكتور : للاسف فقدت النطق اثر الصدمة اللي حصلتلها.
كلهم اتصدموا بما فيهم ادم سامر اتصدم ومسك قلبه و بيقع سليم مسكه وصرخ ف الدكاترة الدكاترة جم خدوا سامر بسرعة و دخلوه غرفة الفحوصات وعائشة واقفة ف النص منهارة مش عارفة تحزن ع بنتها ولا ع جوزها وحبيب قلبها
الدكتور طلع من عند سامر
الدكتور : اطمنوا ياجماعة الحمدلله عدت ع خير كان هيحصل جلطة بس قدرنا نسيطر عليها ومحصلش حاجة واللي ساعد ف كدة ان استاذ سامر رغم سنه بس هو رياضي وجسمه قوي .
سليم اخد نفسه ادم حط ايده ع كتف ابوه وابتسمله انه يطمن يعني سليم هز راسه وغمض عيونه عائشة وديجا وكاميليا وميريام كانوا عند دارين ف الاوضة دارين كانت نايمة بمهدات عائشة سابتهم وراحت اطمنت ع سامر وفضلت جنبه وشوية وسامر فاق وهو بيصرخ باسم بنته دارين
عائشة قامت بسرعة ومسكت ايده
عائشة : اهدى ياسامر ياحبيبي دارين بخير هي نايمة دلوقتي .
سامر بصلها وعيونه رغرغت بالدموع
سامر : انا عايز اشوفها ياعائشة عايز اشوف بنتي .
عائشة : حاضر يا سامر حاضر . وبصت عائشة لسليم سليم قرب سند سامر هو وكريم وراحوا اوضة دارين اول ماسامر شافوا الدموع نزلت من عيونه شلالات وقرب من بنته قعد جنبها ع طرف السرير ومسك ايديها باسها وباس راسها وقعد يعيط جامد
سامر : انا اسف يابنتي اسف انا السبب انتي عانيتي كتير ف حياتك ودلوقتي هتعاني اكتر بسببي انتي فقدتي حاجات كتير اوي ودلوقتي فقدتي صوتك كمان انا اسف اسف . وحضنها وفضل يعيط ميريام قربت من ابوها
ميريام : خلاص يابابا اهدى والله دارين هتبقى كويسة الدكتور طمننا انها ممكن يرجعلها صوتها تاني لو نفسيتها اتحسنت هي مفقدتش صوتها نهائي يابابا اهدى عشان خاطري .
سامر بصلها وهز راسه سليم اخد سامر وقعده عالكنبة وقعد جنبه شوية وسليم قام قرب من كريم .
سليم : كريم خد ميريام وروحوا بيتكم ميريام لازم ترتاح هي والبنت الصغيرة البنت مكملتش 6 شهور لسه مينفعش تفضل ف المستشفى كتير مناعتها ضعيفة يلا يابني خد مراتك وبنتك وروحوا بيتكم ومتقلقش هطمنكم الدكتور كدة كدة قال بمجرد ما دارين تفوق ناخدها ونمشي وبالمرة خد ديجا وصلها بيتها عشان كدة كتير عليها برده و ابوها وامها عرفوا وعايزين يجوا يشوفوا دارين واللمة الكتير مش حلوة ع دارين .
كريم : ايوه ياعمي بس.....
سليم : كريم اسمع الكلام يلا قولت كلمة وتتنفذ .
كريم : حاضر ياعمي حاضر . وراح كريم واخد ميريام ولميس و ديجا ومشوا بعد ماسليم غصب ع ميريام الساعة بقت 4 الفجر دارين بدات تفوق فتحت عيونها لقيت الكل حواليها بصتلهم بدون رد فعل وحتى مبتعيطش
عائشة : دودي قلب مامي بصيلي هنا .
دارين بصتلها عائشة كملت كلامها وعيونها مليانة دموع .
عائشة : حبيبتي عيطي متكتميش حزنك جواكي عيطي ياحبيبتي تعالي ف حضني وعيطي .
دارين بصت لعائشة ومسكت الفون وفتحت النوت وكتبت "انا عايزة اروح البيت" سليم اخد الفون وشاف اللي هي كتبته بصلها واخد نفس عميق
سليم : حاضر ياحبيبتي هنروحك . وبص لادم
سليم : ادم روح خلص الاجراءات وهات اذن الخروج .
ادم هز راسه واتحرك يعمل الاتقاله عليه 10دقايق ورجع وكان خلص كل حاجة وهم كانوا جاهزين وبدون ما سليم يقوله حاجة قرب ادم من دارين وشالها ومبصلهاش كان باصص قدامه هي فضلت ترمش حوالي 3 او 4 مرات بتحاول تستوعب انه شايلها لا وكمان من غير ماحد يقوله طبعا سامر وسليم كانوا ف نفس الدهشة دارين حطت راسها ع كتف ادم وغمضت عيونها ادم بصلها ومن جواه حاسس بالذنب بس مش عارف حاسس بالذنب ناحية ايه بالظبط هو كان عايز ينتقم بس منتقمش فا ليه يحس بالذنب يمكن حس بالذنب عشان هي بيضا من جواها وده بيضايقه انه جواه قسوة وعيوب كتيرة وصل ادم للعربية وركب دارين وركبت معاهم عائشة وكاميليا والعربية التانية سليم وسامر وطبعا سليم اللي كان بيسوق وصلوا الفيلا ادم شال دارين و طلعها اوضتها بعد ماعائشة قالتله ع مكانها ودخل وحط دارين ع سريرها وبص ع ديكور وشكل الجناح الخاص بدارين عجبوا الديزاينر وبص لدارين وقالها ارتاحي انا هنزل ولف وهيمشي مسكت ايده هو لف بصلها هي بصتله وسابت ايده ومسكت الفون فتحت النوت وكتبت "انا اسفة اني مديت ايدي عليك لما عملت كدة كان من خوفي عليك مش اكتر انا اسفة" هو شاف اللي كتبته بصلها
ادم : محصلش حاجة خلاص عن اذنك . ومشى بسرعة مستناش ردها هي بصت لايديها اللي مسكت بيها ايد ادم وابتسمت ومرضيتش تقوم تاخد شاور عشان ريحة ادم ف هدومها وطفت النور ونامت تحت بقى سليم اطمن ع سامر واخد كاميليا وادم ومشوا راحوا بيتهم سامر بص لعائشة وهي قايمة وهتطلع اوضتها
سامر : عائشة انا اسف .
وقفت عائشة مكانها ومبصيتلهوش حتى
عائشة : الاسف ده مش ليا ده لبنتك اللي فقدت كل حاجة ع الاقل شكلها ملناش دخل بيه وطفولتها اللي كانت اسوا ايام حياتها كانت بسبب اصحابها والناس اللي حواليها بس صوتها ده فقدته بسببنا وبسببك انت بالاخص شوف بقى هتعوضها ازاي عن اذنك يا سامر .
سابته وطلعت اوضتها سامر دموعه نزلت وشوية وقام طلع لدارين لقاها نامت قعد جنبها حسس ع شعرها اخدت نفس وقلع جذمته ونام جنبها وضمها لحضنه وشوية وراح ف النوم دارين صحيت الساعة 2 الظهر لقت نفسها ف حضن ابوها غصب عنها عيونها دمعت ودموعها نزلت سامر حس بانفاسها فتح عيونه وبصلها لقاها بتعيط قلبه وجعه عليها
سامر : انا اسف يابنتي اسف والله انا ضربتك من خوفي عليكي انتي متعرفيش انا جه ف بالي كام سيناريو وحش بمجرد ماعرفت انك خرجتي من غير ماعرف وبالعربية كمان وراجعة 11 ونص بليل انا اسف سامحيني ياحبيبتي سامحيني .
دارين بصيتله ومقدرتش تشوف باباها بالضعف ده دخلت حضن ابوها وحضنته جامد وهو حضنها جامد اوي وشوية وبعد وفضل يزغزغها وهي تضحك وطبعا ضحكها من غير صوت وعائشة واقفة عالباب بتتفرج عليهم و مبتسمة ودموعها بتنزل لانها صعبان عليها بنتها وصوت ضحكها اللي كان بيجيب اخر الفيلا دلوقتي مبقاش موجود .
سامر ساب دارين وراح اوضته خد شاور ودارين كمان قامت تاخد شاور ونشفت شعرها وجسمها ولبست ونزلت باست مامتها وباباها وقعدوا ياكلوا وشوية وديجا وميريام وكريم و كاميليا وسليم جم ودخلوا سلموا وقعدوا ودارين عينها كانت عالباب نفسها ادم يجي بس مجاش راحت وقعد و واخدة لميس ع رجلها بتلاعبها وشوية وديجا وميريام خدوا دارين وطلعوا اوضتها فضلوا قاعدين معاها وبيحاولوا يضحكوها .
ادم كان ف الجامعة وقاعد مع رؤى و شلته الصايعة وبيضحك وبيهزر مراد جه مسكه من دراعه شده وبعد عنهم .
مراد : ايه الاشكال الانت قاعد معاها دي ماتفوق يا ادم مش كدة ايه مالك ف ايه اتغيرت ليه كدة واضح ان قلم دارين بدل مايفوقك خلاك تنسى نفسك اكتر.
ادم افتكر قلم دارين واتعصب والنار ولعت جواه من تاني بص لمراد
ادم : ملكش دعوة بيا انت مش ولي امري فاهم خليك ف شغلك وقرفك وتعقيدك . ومشى ادم وهو متعصب رؤى راحت وراه
رؤى : مالك ياحبيبي .
ادم بضيق : محدش ناسي القلم اللي دارين اديتهولي .
رؤى بخبث : انت لازم تنتقم ياحبيبي اصلها ازاي تتجرا وتمد ايدها عليك انت لازم تعرفها مين هو ادم الهواري.
ادم : انتي شايفة كدة !.
رؤى : انا مش شايفة غير كدة هي واضح انها نست نفسها واحنا هنأدبها بحيث انها لما تسمع اسم ادم ده تترعب .
ادم : بس انا كدة هتخانق مع بابا جامد لو عرف حاجة.
رؤى : ايه يعني لما يزعقلك شوية ع الاقل هتكون نفذت انتقامك.
ادم بتفكير : ممممممم معاكي حق ياحبيبتي طب هنتقم ازاي بقى ؟.
رؤى : ممم هقولك بس قولي هو عيد ميلادها امتى ؟.
ادم : ممممم تقريبا بعد 4 شهور بس ليه.
رؤى : مفيش احسن من يوم عيد ميلادها عشان تنتقم منها بس صبر نفسك بقى لحد مايجي عيد ميلادها وانا هقوك هنعمل ايه اتفقنا ياحبيبي.
ادم : اتفقنا ياعيون حبيبك.
عدى 3 شهور ودارين حالتها زي ماهي وكانت بتتعالج مع دكتور نفسية والامتحانات قربت كانت بتذاكر هي وديجا كالعادة وادم كان بيحاول يصالح مراد ومراد مش مديله وش ابدا مراد ميقدرش يتخلى عن ادم بس لازم يربي ادم ببعده عنه عشان يفوق لنفسه ويبعد عن الشلة اللي هو ملموم عليها دي والبنت الاسمها رؤى اللي مصاحبة ادم بس عشان فلوسه الامتحانات جت وعدت ودارين نجحت ف اولى ثانوي وبقت داخلة تانية ثانوي عدى شهر كمان وطول الشهر ده ادم بيكلم دارين ع طول عالانترنت وجه يوم عيد ميلاد دارين طبعا اليوم اللي هيبقى اسوا يوم ف حياتها ادم كان متفق معاها تلبس وتتحضر عشان هيجي ياخدها ويخرجوا سوا لانه عايز يحتفل بعيد ميلادها دارين طبعا كانت طايرة وقالت لديجا وميريام والاتنين مكانوش مطمنين وديجا قالتلها انا هاجي معاكي ودارين قالت لادم بس ادم رفض وقالها انه عايزها هي بس جه اليوم وهي بدات تحضر نفسها ولاول مرة تلبس فستان سهرة لونه ازرق كط و لحد ركبتها دايما كانت بتلبس مقفول عشان التصبغات اللي ف جسمها و وشها اللي مخلية شكله وحش والساعة بقت 5 جه ادم عشان ياخد دارين و زمر بعربيته دارين خدت شنطتها ونزلت باست باباها ومامتها .
سامر : حبيبتي متتاخريش مع ادم هاه عشان احنا كمان نحتفل بيكي.
دارين هزت راسها وطلعت الفون كتبت ف النوت "حاضر يابابي متقلقش عليا"
سامر وعائشة كانوا شايفين الفرحة ف عيون بنتهم ابتسموا وهي طلعت لادم اللي اول ماشافها اتصنع انه مذهول من جمالها وفضل بقولها كلام حب وباس ايديها وفتحلها باب عربيته وركبها وقفل الباب ولف ركب واخدها وراحوا اتغدوا برا وبيكلمها وطبعا هي بترد عليه ف النوت بتاعت الفون الساعة 8 اخدها وراح المنتزة وهم ف العربية ادم طلع شريط اسود وبص لدارين
ادم : دودي بصي ياحبيبتي انا عاملك مفاجاة بمناسبة عيد ميلادك هغمي عيونك بالشريط ده عشان مينفعش تشوفي حاجة الا ف وقتها .
دارين فرحت اوي وهزت راسها ادم ابتسم بحبث وربط الشريط ع عيونها ونزل ولف ونزلها ودخلوا جنينة خاصة ف المنتزة بيتعمل فيها الحفلات وقفها ف مكان وساب ايديها
ادم : دودي ثواني وجايلك ماشي .
دارين هزت راسها هو مشى عدى 5 دقايق ودارين حست بانوار كتير شغالة حواليها وف صوت مش غريب عليها شالت الشريط لقت نفسها ف جنينة متزينة وف شاشة قدامها شغال فيها فيديوهات لحفلات ومسرحيات كانت بتتعمل ف مدرسة دارين وكانوا اصحابها بيتريقوا عليها ويحرجوها ويقولولها انهم مش بيحبوها ولما وقعوها ف مسرحية ليها وقعدوا يتريقوا عليها كانت بتتفرج ع اصعب لحظات حياتها واللي عانت منها جدا ودموعها بتنزل بهسترية وفجاة ظهر ادم و رؤى وشلتهم الكبيرة اللي مليانة بنات وشباب متربوش اصلا
ادم : كنتي مفكرة انك هتفلتي كدة عادي من انتقامي انا ادم سليم الهواري فاهمة محدش يقدر يبصله حتى انتي مديتي ايدك عليا وضربتيني بالقلم بس الانا عملته ده ولا مليون قلم بالنسبالك قولت اقدملك كدة حاجة خفيفة عشان حرام كفاية الانتي فيه واحدة معفنة زيك والزبال ميرضاش بيها اصلا لا وكمان خارسة اللي هو انتي متسويش حاجة اصلا وده مقامك .
رؤى بصيت لدارين بانتصار والشلة كل واحد كان بيقول كلمة جارحة لدارين ودارين عمالة تعيط وتعيط ونفسها تصرخ بأعلى صوتها ومش قادرة وغمضت عيونها وبتتمنى من ربنا انه ينقذها من اللي هي فيه وكأن ربنا استجاب لدعائها وفجاة ظهرت ديجا وادم اول ماشافها كش ومن جواه اتهز اوي لان معنى ان ديجا جت فهتقولهم واللي عمله هيتعرف وساعتها ابوه هيحاسبه جامد ديجا قربت من دارين خدتها ف حضنها وهمستلها "قولتلك يادارين بلاش شوفتي نتيجة عدم سمعانك الكلام" دارين مدموعها زادت ديجا طلعتها من حضنها ومسحت دموعها وراحت للتربيزة اللي عليها المشروبات ومسكت كاسين مشروبين مختلفين وشربت من ده بؤ ومن ده بؤ وهي بتقرب من ادم و بصت لادم
ديجا : والله يا ادم معاك حق ف اللي عملته مع دارين . ادم بصلها وفرح من كلامها ودارين مصدومة مش مستوعبة رد فعل ديجا واللي هي بتقوله ديجا كملت
عارف ليه لانها حيوانة انها وسخت ايديها لما مدتها ع واحد زيك بس تعرف يا ادم كل مرة بشوفك فيها بتثبتلي انك ظالم الرجالة بوجود اسم ذكر ع بطاقتك وف لحظة كانت قالبة كاسين المشروبات ع ادم ورؤى وسط صدمة من الكل ديجا لفت وراحت لدارين ضمتها لحضنها ومشوا .
نهاية الفصل الثالث .