لعبة القدر ❤️

9

لعبة القدر
( الفصل التاسع )
كريم وميريام مشوا بعد مالطيارة اختفت بين السحب راحوا ع فيلا سامر المحمدي دخلوا كانت عائشة وسامر لسه صاحيين مناموش عائشة كانت بتصلي الفجر وسامر قاعد ف الصالة ميريام وكريم دخلوا سامر شافهم قام وقف .
سامر بعصبية : انتو سيبتوا دارين لوحدها ف المستشفى طالما سيبتوها ليه مشيتونا !.
عائشة كانت خلصت صلاة وطالعة لقيتهم .
عائشة بقلق : ف ايه هي دارين حصلها حاجة ولا ايه ؟؟؟
ميريام : اهدي ياماما دارين بألف خير والله .
سامر : اومال ف ايه انتو مش قولتوا هتباتوا معاها ؟.
ميريام : بصراحة يابابا .............دارين سافرت.
سامر وعائشة اتصدموا .
سامر : نعممممممممم ازاي ازاي تسافر من غير ماتعرفنا ازااااااي ؟؟.
كريم : اهدى ياعمي دارين سافرت لاسبابها الخاصة هي محتاجة تنظم حياتها بعيد عن ادم هي تعبت كتير اوي ف حياتها متنساش كدة ياعمي ارجوك قدر ده .
عائشة بدموع : بس هي تعبانة اوي دي لسه فايقة من كام ساعة و حالتها حرجة وكمان سافرت لوحدها ازاي طيب .
ميريام : سافرت ف طيارة طبية مجهزة بكل حاجة ومش لوحدها كمان معاها ديجا بس.....
عائشة : بس ايه ؟
ميريام بصتلهم وطلعت الجوابين قربت من سامر .
ميريام : اتفضل يابابا دول دارين اديتهملي واحد لحضرتك و واحد لانكل سليم ومأكدة عليا محدش يفتحهم غير اصحابهم .
سامر بصلها واخد الجوابات ودخل المكتب حط جواب سليم ع جنب وقعد وفتح جوابه لقى دارين كاتبة فيه ..
" بابا عارفة انك دلوقتي زعلان مني جدا وانك مكنتش هتعترض لو قولتلك اسافر بس انا مش عايزة حد يعرف انا فين انا عايزة اريح اعصابي بعيد عن كل اللي حصل انا تعبت كتير اوي يابابا وانا بحبك اوي انت وماما بس انا لازم اعمل لنفسي حياة جديدة بعيد عن ناس بيبصولي بنظرة غير مرضية انا لازم ابدا من جديد وانت اكيد مش هتكرهلي ده انا بمجرد ماستقر هكلمكم اتمنى متزعلش مني انا والله تعبت وعايزة ارتاح بقى بحبك يابابا وبحب ماما جدا "
سامر كان بيقرا ودموعه نازلة اخد نفس عميق و بص لصورة دارين ع مكتبه مسكها وباسها وضمها لحضنه .
سامر : مقدرش ازعل منك ياحبيبتي انا كل اللي يهمني انتي عارف انك تعبتي كتير عشان كدة انا مش زعلان وهسيبك تبداي من جديد .
تاني يوم الصبح و سليم و كاميليا و ادم و رؤى قاعدين يفطروا لقوا جرس الباب رن الخدامة راحت فتحت كان سامر سليم اول ماشافه قام بسرعة راحله خده بالحضن كاميليا وادم ورؤى بصوا كاميليا وادم قاموا وقفوا عشان يروحوا يسلموا رؤى قاعدة بتاكل زي ماهي سليم وسامر حضنوا بعض وسليم شاف الحزن ف عيون صاحبه بصله ومش عارف يحدد ماله سامر سلم ع كاميليا ولما ادم سلم عليه سلم عليه بضيق كدة سليم بص لسامر .
سليم : انت كويس يا سامر ؟
سامر بصله ومتكلمش .
كاميليا : احنا كنا بناكل اهوه وهنروح لدارين وادم معانا .
سامر : ..... مفيش داعي تروحوا لدارين عشان مش هتلاقوها اصلا.
سليم : ايه ده هو الدكتور كتبلها ع خروج بالسرعة دي ده كان قايل مش هتخرج قبل 3 اسابيع عالاقل .
كاميليا : كويس ياسليم انها خرجت للبيت كدة اريحلنا كلنا عشان عالاقل نقعد معاها براحتنا.
سامر : دارين مطلعتش البيت .
ادم وكاميليا بصوله وسليم كمان بس سليم خايف يكون حصل لدارين حاجة .
سليم بقلق : اومال راحت فين ؟؟.
سامر وعيونه اتملت دموع : .....سافرت ومفيش مخلوق يعرف سافرت فين وسابتلي انا وانت جوابين وطلبت محدش يفتح اي جواب غير صاحبه.
ادم اتصدم .
كاميليا : ازاي تسافر دي تعبانة اوي .
سامر : سافرت ف طيارة طبية .
ادم بدا يفوق لنفسه وبدا يزعق : وازاي تسافر هي مش متنيلة متجوزة وليها زوج تاخد اذنه الاول قبل ماتتنيل تغور هو ف ااايييييه !!!!.
سامر بصله وبدا يتعصب هو كمان : الزوج يسمي نفسه زوج لما يبقى راجل بجد مش عيل وبعدين انا مش عايز بنتي ع ذمتك اصلا انا عايزك تطلقها خليها تروح للي يستاهلها فااااهم .
ادم : ايوه هطلقها مش هسيبها ع ذمتي يوم واحد كمان هي اخرها اصلا تتجوز واحد معوق ولا زبال.
سليم بص لادم ورفع ايده ضربه بالقلم .
سليم : انت عارف انت لو طلقت دارين هيحصلك ايه فاهم !
ادم بصله وراح للسفرة خد فونه ومفاتيح عربيته ومشى رؤى بصتلهم وقامت طلعت اوضتها.
سامر اعطى لسليم الجواب ومشى من سكات سليم بص للجواب و دموعه نزلت ودخل ع مكتبه وقعد و فتح الجواب.
"انكل سليم انت عارف اني بحبك ااوي وعارفة ان دموعك بتنزل دلوقتي وانت بتقرا الجواب انكل انا مشيت عشان ابدا حياة جديدة انا تعبت كتير هنا وكنت بستحمل بس انا دلوقتي طاقتي خلصت ..... انا عرفت من كريم وميريام وديجا اني اجهضت بفعل فاعل يا انكل حضرتك تقدر تروح تتاكد من الدكتور انا كنت مستعدة استحمل اكتر و اكتر وكنت مستنية البيبي ده عشان كنت شايفاه عوضي لكل حاجة حصلتلي بس عوضي راح ولما كمان مرات استاذ ادم اجهضتني و اكيد بعلمه عشان هي مبتعملش حاجة من وراه ساعتها مقدرتش استحمل انكل انا سافرت ومش ناوية ارجع عالاقل دلوقتي بس اوعدك اني هكلمك ع طول وهقولك ع مكاني كمان وانا متاكدة ان حضرتك هتحفظ السر .
بحبك اوي يابابا التاني"
سليم لما خلص الجواب كانت دموعه عمالة تنزل جامد و في نار جواه عايز يروح يموت ادم و رؤى بسبب اللي عملوه ده.
سليم لنفسه : هو ايه لا بيرحموا ولا بيسيبوا رحمة ربنا تنزل انا هوديهم ف ستين داهية وهوريهم بس لازم اتاكد من كلام دارين الاول.
سليم شال الجواب ف خزنته السرية وخرج من الفيلا وركب عربيته واتصل بكريم يقابله ف المستشفى و اتحرك وراح المستشفى نزل من العربية لقى كريم مستنيه ع باب المستشفى نزل سليم و قرب من كريم وسلموا ع بعض.
كريم : خير ياعمي حضرتك طلبتني اقابلك هنا ليه دارين مش موجودة هنا .
سليم : عارف انها سافرت و قرات جوابها كمان انا جاي اتاكد من الكلام اللي هي قالتهولي ف الجواب.
كريم: قالت ايه ؟؟
سليم بنبرة حادة : كرييم انت عارف انا بتكلم عن ايه متقلقش محدش يعرف غيري حتى سامر دارين قالتلي انا بس فدلوقتي هنخش اعرف كل حاجة من الدكتور بنفسه مفهوم؟.
كريم : حاضر يا عمي اتفضل.
دخلوا جوا وسالوا عالدكتور ودخلوله الدكتور رحب بيهم .
الدكتور : خير يا استاذ سليم ؟
سليم : هو لحد دلوقتي خير .... انا عايز اعرف اذا كان دارين خدت حاجة خلتها تجهض ولا لاء؟
الدكتور بص لكريم.
كريم : اتكلم يادكتور مدام دارين قالت لاستاذ سليم .
الدكتور اخد نفس و بص لسليم : ايوه يا استاذ سليم مدام دارين واخدة مادة قوية جدا تجهضها ومش بس كدة لا دي تموتها هي كمان المادة دي مادة خطيرة جدا و معروف ان المخابرات الاسرائيلية بيستخدموها لما يعوذوا يتخلصوا من حد من غير ماحد يعرف لان صعب تبان ف تشريح الجثة لازم عشان تبان ياخدوا عينة من المعدة.
سليم الكلام كان بينزل عليه صدمة ورا التانية سكت شوية وبص للدكتور .
سليم: انا عايز تقرير طبي بالكلام اللي حضرتك بتقوله ده.
الدكتور: حاضر خمس دقايق وهيكون بين ايدين حضرتك .
وعمل الدكتور التقرير الطبي واعطاه لسليم سليم بص للتقرير وشاله وبص للدكتور.
سليم بتحذير: انا مش عايز مخلوق يعرف بالكلام ده مهما كان حتى لو سامر نفسه مفهووم ؟
الدكتور بتوتر : اكيد يافندم اكيد اللي حضرته عايزه هو اللي هيكون .
سليم هز راسه وقام هو وكريم سلموا عالدكتور وخرجوا سليم قبل مايمشي بص لكريم.
سليم : زي ماسمعت ياكريم مفيش مخلوق يعرف حاجة مفهوم ؟
كريم: حاضر ياعمي .
سليم: ماشي يابني امشي انت انا اسف عطلتك ع شغلك.
كريم : مفيش عطلة ولا حاجة ياعمي انا تحت امر حضرتك ف اي وقت.
سليم ابتسم وسلم ع كريم وراح ركب عربيته ومشى وهو عمال يفكر رؤى اكيد هي اللي ورا الموضوع بس ازاي ادم يكون معاها وموافقها هي فعلا مبتعملش حاجة من وراه واليوم ده هو كان ف الشركة معايا واتصدم جدا لما عرف باللي حصل لدارين وكان قلقان وكمان اتبرعلها بالدم لو عايزها تموت ليه اتبرع بالدم وليه هيموت الطفل والطفل ده طوق نجاة ليه عشان ياخد الورث !!!!!!! طيب ماهو برده رؤى مبتعملش حاجة من وراه ... اكيد اتفقوا انهم يتخلصوا من دارين والطفل عشان الورث ساعتها يبقى لادم فعلا والطريق يفضى قدامهم ... ماشي انا هوريهم.
واتحرك سليم راح عالمحامي قطع وصيته وكتب كل املاكه وفلوسه وكل حاجة ليه لدارين و كتب وصيته ان دارين هي اللي تملك كل حاجة ومترجعهاش لادم وف حالة حصله حاجة دارين تخلي بالها من كاميليا ومشى سليم من عند المحامي و رجع عالبيت دخل ع مكتبه ع لاطول عشان يلهي نفسه ف اي حاجة بعيد عن ادم و رؤى اللي لو شافهم دلوقتي هيقتلهم شال التقرير الطبي ف الخزنة السرية اللي محدش يعرف بوجودها وقعد و بدا يشتغل.
دارين وديجا وصلوا اميركا وراحوا ع المستشفى ع طول لان دارين لسه حالتها حرجة...
نهاية الفصل التاسع .