لعبة القدر ❤️

18

لعبة القدر
( الفصل الثامن عشر )
دارين بصدمة : ...ادم .
ادم : عيون ادم.
دارين اتلغبطت : ....ااا.....انت ...قولت ايه ؟
ادم : قولت ان مفيش احلى واجمل منك.
دارين : .....ااا طب اوعى كدة شوية عايزة انام.
ادم : انا عملت ايه دلوقتي بس !
دارين : انت مش شايف نفسك عامل ايه ؟
ادم : حاضن مراتي فيها ايه دي !
دارين ابتسمت :........ممم....طب ممكن انام بقى ؟
ادم : نامي بس عالله تخرجي من حضني .
دارين اصلا كانت بتتلكك وهتموت وتفضل ف حضنه مرضيتش تعانده وغمضت عيونها ونامت ع طول من الراحة اللي حست بيها جوا حضنه.
ادم ابتسم وهو كمان غمض عيونه ونام وهو مبسوط .
تاني يوم الساعة 11 الصبح دارين صحيت من النوم لقت نفسها لسه ف حضن ادم وهو حاضنها جامد وضاممها ابتسمت وقامت براحة وخدت هدوم ودخلت الحمام اخدت شاور ونشفت جسمها وشعرها ولبست وعملت شعرها كعكة وخرجت من الحمام كان هو لسه نايم طلعتله لبس وحطته عالسرير و نزلت تحت الكل كان صاحي.
دارين : صباح الخير.
الكل بصولها وابتسموا ؛
الكل : صباح النور.
سليم ابتسم عشان كان شايف ف عيونها الفرحة.
ديجا بخبث : احم كل ده نوم يا ست دارين.
دارين : ااا معلش ياديجا كنت تعبانة من الطريق فنمت كتير.
مراد : احم طب فين ادم ؟
ادم من ورا دارين : ايوه انا اهوه.
دارين مرضيتش تبص لادم .
دارين : يلا نحضر الفطار.
لين : يلا .
دخلوا البنات يحضروا الفطار وحضروه وكلهم قعدوا يفطروا .
يوسف ودارين كانوا قاعدين بيهزروا طول الوقت خلصوا فطارهم وقاموا.
ادم : ع فين ؟
دارين : مممم هنخرج كلنا شوية.
ادم : كلكم مين ؟!
دارين : انا وجو ولين وديجا وميريام وكريم ومعرفش مراد جاي ولا لاء !
مراد : اه طبعا جاي .
ادم : اصبروا جاي معاكم.
مراد : طب يلا انجز.
ادم طلع بسرعة غير هدومه ونزل خرجوا كلهم يتمشوا ع رجليهم دارين ويوسف كانوا بيهزروا مع بعض كتير واجروا عجل كلهم وعملوا سباقات كتير واتبسطوا وقضوا اليوم كله برا واتبسطوا جدا بليل وهم راجعين داخلين الشاليه مبسوطين لقوا العيلة قاعدة والمفاجاة ان رؤى قاعدة معاهم ومحدش فيهم طايقها .
ادم لما شافها اتصدم ودارين صدمتها مكانتش اقل من ادم نهائي .
رؤى قامت جريت ع ادم حضنته .
رؤى : بيبي وحشتني اوي ياروحي مقدرتش ابعد عنك اكتر فجيت ع طول وعرفت انكم سافرتوا شرم فقولت اجي اقضي الاجازة معاك.
ادم محضنهاش ومكانش حاسس بأي احساس اتجاهها وكل همه دلوقتي دارين.
رؤى بعدت وبصتله ؛
رؤى : ايه يا بيبي هو انا موحشتكش ولا ايه !
ادم : اااااا لا اكيد وحشتيني يا رؤى .
رؤى بصت لمراد وكريم وميريام وديجا ولين باستكبار كدة هي تعرفهم بس متعرفش يوسف ومتعرفش ان دارين اتعالجت فبالتالي متعرفش ان اللي قدامها دي دارين .
رؤى : غريبة يعني مراتك التانية فين مش ظاهرة ولا مكسوفة تيجي تورينا شكلها !
ادم بص لرؤى وبص لدارين وقرب دارين منه ؛
ادم : اااا اعرفك يا رؤى دارين مراتي بعد ماتعالجت .
رؤى اتصدمت صدمة عمرها ازاي دي دارين وازاي بقت بالجمال ده !
رؤى : نعممممم ازااااي هي دي دااارين المشوهة !!! مش معقول لا اكيد ف حاجة غلط... لا اكيد عملت عمليات تجميل .
ادم اضايق عشان دارين اكيد هتضايق ولسه هيرد بس اتفاجىء ان دارين بترد بكل سهولة.
دارين بابتسامة : لا ياروحي انا معملتش اي تجميل ف وشي او جسمي بعدين حتى لو عملت ع الاقل جاب بفايدة معايا احسن من ناس تانية مهما عملوا عمليات تجميل مش هيكونوا ف ربع جمالي.
وابتسمت دارين وبعدت عن ادم وبصت ليوسف اللي بصلها نظرة فخر وكأنه بيقولها "That's My Girl" دارين ابتسمت ليوسف و اخدت البنات وطلعوا الاوضة بتاعت دارين ادم ابتسم وفرح اوي من رد دارين ورؤى كانت بتولع .
سليم : انا حجزتلك الشاليه اللي جنبنا عشانك انت ومراتك .
ادم بضيق : ماااشي.
ادم نفخ واخد رؤى وراحوا الشاليه اللي جنبهم و رؤى رايحة جاية مش قاعدة ف مكانها بسبب تفكيرها ف دارين .
ادم : انا هروح اجيب هدومي وجاي.
رؤى : ليه وهي هدومك فين ؟
ادم : ف اوضة دارين .
رؤى باندهاش : وهي هدومك بتعمل ايه ف اوضة دارين ان شاء الله ؟
ادم بضيق : ايه مش مراتي !
رؤى بزعيق : دلوقتي بقت مراتك يا اددمممم.
ادم بعصبية : صوتك ميعلاش انتي فاهمة ولا لاء ولازم تفهمي انها مراتي قبل مانتي تبقى مراتي انتي الزوجة التانية مش هي .
وسابها ادم و رجع الشاليه عندهم طلع ع اوضة دارين خبط ودخل البنات كانوا قاعدين .
ادم : اااا متأسف انا بس جاي اخد كام حاجة ليا.
ميريام : طب نستاذن احنا .
وقامت ميريام وخدت لين وديجا ولميس ونزلوا ادم دخل وقفل الباب دارين كانت لابسة قميص نوم اللون البصلي متطرز بأسود
كانت واقفة قدام السراحة بتسرح شعرها ادم كان بيراقبها من سكات هي سحرته مع انها مش مظبطة نفسها ولا اي حاجة هي عادية دلوقتي كان كل تفكيره هي كدة دلوقتي اومال لو مجهزة نفسها هتكون عاملة ازاي و راح ادم للدولاب طلع بيجامة وقرب من دارين من ورا هي بصتله ف المرايا هو بصلها وابتسم وعمل نفسه بيجيب حاجة من عالسراحة ودفن وشه ف رقبتها يشم البرفيوم اللي هي حطاه اللي هو اصلا مفضل عند ادم .
دارين غمضت عيونها ادم شافها من المرايا مغمضة عيونها ابتسم وباسها بوسة رقيقة ع رقبتها وبعد وبصلها وقرب باسها من شفايفها بوسة رقيقة وبعد هي لفتله وبصتله ...
دارين بصوت خافت : ....هتتأخر ع مراتك .
ادم : انتي مراتي قبل ماتكون هي مراتك.
دارين : بس لو مراتك الاولى مكفياك مكنتش هتتجوز التانية.
ادم بصلها واخد نفس ؛
ادم : خلينا منتكلمش ف الموضوع ده دلوقتي انا دلوقتي مش عايز غيرك انتي .
ادم مستناش دارين تتكلم وشالها وراح للسرير حطها عالسرير وقفل الانوار ....
ودي كانت اول ليلة يقضوها كزوجين من خمس سنين فاتوا .
رؤى قاعدة مستنية ادم ومجاش لحد مابقت الساعة 1 بليل رؤى استكفت وراحت عالشاليه بتاع العيلة وطلعت خبطت ع اوضة دارين ..
ادم : ...ميييين ؟
رؤى : انااا يا استااااذ
ادم : اوووف عايزة ايه ؟
رؤى : هو ايه اللي عايزة ايه عايزة جوزي .
ادم نفخ : اتنيلي روحي عالشاليه هحصلك.
رؤى : ماااااااااااشي يا ادم لما نشوف اخرتها.
مشت رؤى ادم بص لدارين وقربها لحضنه وباسها ادم : انا اسف لازم اروحلها.
دارين : متتأسفش انت فعلا لازم تروحلها واللي حصل بينا ده غلط اصلا.
ادم : غلط !! دارين انتي مراتي ع فكرة.
دارين : عارفة اني مراتك بس مكانش لازم يحصل.
دارين بعدته و لفت نفسها بالملاية و قامت دخلت الحمام هو نفخ وفضل يسب ويلعن ف رؤى وقام لبس هدومه وراح لرؤى الشاليه وهو ع اخره .
رؤى اول ماشافته قامت وقفت ؛
رؤى : ما بدري يا استاذ ما كنت بات عندها احسن.
ادم : ما ده اللي كان هيحصل لولا قرفك.
رؤى : قرفي !! دلوقتي بقيت مقرفة !
ادم : اللي اكتشفته مؤخرا ان طول عمرك مقرفة بس انا اللي اخدت بالي متأخر.
رؤى : اااه هي الهانم جت عملتلك غسيل مخ مش كدة ايوه ايوه خليها تمشيك .
ادم مستحملش وضرب رؤى بالقلم .
ادم بزعيق : تلزمي حدودك معايا واعرفي انتي بتكلمي مييين فاهمةة ولا لاء والانتي بتتكلمي عنها دي دي تبقى مراتي فتتكلمي عنها كويس وتتكلمي باحترام احسنلك والا صدقيني هعيشك ف جحيم .
وسابها ادم وطلع اوضته ينام رؤى فضلت تتوعد لدارين .
تاني يوم الصبح بدري دارين واقفة عالشاطىء بتشرب النسكافيه بتاعها ولابسة ده :