لعبة القدر ❤️

8

لعبة القدر
( الفصل الثامن )
ديجا وميريام ف صوت واحد : فاهمين .
دارين هزت راسها .
ميريام : بس يادارين ممكن ندخل بابا وماما يشوفوكي بجد منهارين جدا وعايزين يطمنوا عليكي .
دارين : دخليهم عادي بس انا طلبتكم انتو الاول عشان تبقوا عارفين باللي هيحصل .
ميريام هزت راسها وطلعت ناديتهم كلهم دخلوا عائشة جريت ع دارين وحضنتها وفضلت تعيط .
عائشة : حبيبتي وردة مامي انتي بخير صح هزي راسك او اعملي اي حاجة .
دارين بصتلها وهزت راسها .
كلهم كانوا موجودين معادا ادم كان نايم ف غرفة تانية ومعلقينله محاليل عشان يعوضوا الدم اللي اتسحب منه لانهم سحبوا منه دم كتير .
عند دارين ؛
سامر لفلها وجه من الناحية التانية باس راسها وحضنها وقعد جنبها .
سامر : انا اسف ياحبيبتي انتي اكيد اجهضتي عشان مستحملتيش اللي الكلب ده عمله فيكي انا السبب من الاول عشان وافقت انا السبب ف كل حاجة وحشة بتحصلك سامحيني يابنتي سامحيني بس انا هصلح الغلط ده وهخليه يطلقك .
سليم : يا سامر اهد...
سامر قاطعه بزعيق : سليم خلاص الموضوع انتهى كفاية اوي كدة انا وثقت فيك واديتك بنتي كانت غلطة كبيرة اوي مني بنتي خسرت كتير ولما اتجوزت ابنك خسرت اكتر انا مش هستنى لحد ماسمع خبر موتها و واضح اوي انها مش مالية عينه فراح اتجوز عليها وياريته اتجوز واحدة عدلة يطلق بنتي بقى وبنتي تروح للي يستاهلها وتركز ف حياتها ومذاكرتها جوازتها من ابنك المحترم مجابتلناش غير الهم والقرف وف الاخر اهيه محسوبة عليها جوازة كفاية اوي لحد كدة .
سليم وطى راسه لان سامر معاه حق .
دارين بصت لسامر وبعدين لسليم وخدت نفس عميق .
دارين : ....بابا.
كريم وعائشة وسامر وسليم وكاميليا بصولها بصدمة .
سامر حضن وشها بايديه ،
سامر : حبيبتي انتي اتكلمتي صح ! ردي عليا تاني اتكلمي صوتك وحشني اوي .
دارين : ايوه يابابا اتكلمت .
سامر وعائشة دموعهم نزلت من الفرحة وحضنوها جامد و شوية وبعدوا .
دارين بصت لسليم وبعدين بصت لابوها : بابا ارجوك انت وانكل سليم ملكوش دعوة باللي حصل معايا انا وادم لو سمحتوا .
سامر : بس....
دارين : مفيش بس يابابا انت لو فعلا استكفيت من اللي حصلي يبقى تفضل مع انكل سليم وتسانده وتفضلوا زي مانتم انا وادم اصلا من الاول مكناش ننفع لبعض وبعدين يا بابا انت عارف كويس ان ادم كان شخص محترم بس عقله اتسمم فلو سمحتوا افصلوا بين اللي حصل وبين علاقتكم و لو عملتوا كدة فعلا هعرف انتو بتحبوني قد ايه بابا لو انت مش طايق ادم ملكش دعوة بيه ومتكلمهوش بس انكل سليم وطنط كاميليا ملهمش دعوة ممكن !
سامر بص لسليم واخد نفس عميق : حاضر ياحبيبتي حاضر انا كدة كدة اصلا مقدرش اعيش من غير الباشا . وبص لسليم سليم دموعه نزلت وقرب حضن سامر وشوية وبعدوا سليم قرب حضن دارين وباس راسها .
سليم : انا اسف يابنتي اسف والله .
دارين : متتاسفش يا انكل انت مكنتش تعرف ان ده هيحصل .
سليم : عالعموم انا هتصرف ومش هسيب الموضوع كدة.
دارين : لا يا انكل المرادي انتو ملكوش دعوة بأي حاجة انا اللي هتصرف بنفسي .
سليم وسامر بصوا لبعض واستغربوا من نبرة القوة اللي دارين بتتكلم بيها لان اول مرة تبقى كدة دايما مهزوزة ومش واثقة ف نفسها.
سامر : طب هتعملي ايه قوليلي ؟
دارين : هو فينه دلوقتي !
سليم : ف اوضة تانية متعلقله محاليل اصل.......هو اتبرعلك بالدم عشان نفس الفصيلة.
دارين بصت لسليم : كنتوا تسيبوني اموت ولا ان دمه يختلط مع دمي .
سليم اخد نفس ومتكلمش .
دارين كملت : طنط كاميليا ميريام هتروح مع حضرتك الفيلا تلم حاجتي كلها ممكن ؟
كاميليا : اكيد يابنتي .
سليم بحزن : قررتي تطلقي خلاص !
دارين بصتله : هطلق.......بس مش دلوقتي .
كلهم بصولها نظرتها كان فيها غموض ديجا كانت مبسوطة لان اخيرا صاحبتها حبيبتها هتفوق لحياتها وهتعلم الجذمة ده الادب .
ادم بليل فاق وقام وطلع برا ملقاش حد سال عليهم الممرضة فقالتله ان دارين فاقت وهم عندها فسابها ادم وراح للاوضة خبط .
ديجا : ايوه اتفضل .
ادم دخل ديجا هتزعق دارين مسكت ايديها فديجا بصتلها وسكتت .
مكانش ف حد غير ديجا وعائشة فقط وعائشة معاها لميس.
ادم دخل وهو محرج : ......حمدلله ع سلامتك .
دارين بصتله وهزت راسها .
ادم : انتي كويسة دلوقتي .
هزت راسها برده ومتكلمتش ديجا وعائشة بصوا لبعض ومش فاهمين هي ليه مش بتنطق .
ادم : طب الحمدلله . ادم بص لعائشة وكمل : ااااا هم فين الباقي ؟
عائشة بضيق : سامر وسليم ف الكافيه تحت وكريم اخد ميريام وكاميليا راحوا الفيلا عندكم عشان يجيبوا حاجات لدارين .
ادم هز راسه سليم وسامر دخلوا وشافوه سامر معبرهوش وقرب من دارين وحط قدامها وجبة الاكل .
سامر : حبيبتي عايزك تخلصي الاكل ده كله .
دارين مسكت الورقة والقلم وكتبت " حاضر يابابا" سامر استغرب انه ليه يعني بتكتب ع ورق طالما بتتكلم بصلها وبص لديجا فديجا عملتله بملامحها انها متعرفش حاجة سامر بص لدارين وبص لادم وفهم انها مش عايزاه يعرف ان صوتها رجع فسكت وراح قعد هو وسليم جنب عائشة.
شوية وكاميليا وكريم وميريام رجعوا ادم شاف ان معاهم شنطتين كبار .
ادم : ايه كل ده مش قولتوا شوية حاجات !!.
ميريام : جبنا حاجتها كلها عشان هتطلع ع بيتها.
ادم : ماهي الحاجة كانت ف بيتها .
ميريام : لا مش بيتها بيتها هو بيت ابويا سامر بيه المحمدي .
ادم لسه هيتكلم سليم وقفه .
سليم : ادم خلاص دارين لازم تريح نفسيتها .
ادم بصله وبص لدارين ولقاها بتاكل ومش معترضة ولا ظاهر عليها رد فعل فسكت .
كاميليا قربت من ادم .
كاميليا : حبيبي انت كويس حاسس بايه دلوقتي ؟
ادم : احسن الحمدلله دوخة خفيفة .
كاميليا : طيب حبيبي انت لازم تروح البيت ترتاح.
ادم : ااااا طب وانتو ؟.
كاميليا : هنطمن ع دارين وهنحصلك احنا كدة كدة بقالنا يومين ف المستشفى فكلنا محتاجين نرتاح .
ادم هز راسه وبص لدارين .
ادم : حمدلله ع سلامتك مرة تانية .
دارين بصتله وهزت راسها وبصت ف الاكل تاني وبتاكل هو اتحرج ومشى من سكات .
شوية وكاميليا وسليم مشوا ودارين اصرت ان عائشة وسامر يروحوا ويرجعوا بكرا وهم بعد الحاح منها وافقوا ومشوا وخدوا لميس معاهم ومبقاش موجود غير ديجا وميريام وكريم مع دارين.
كريم باصص لميريام وديجا وعايزين يفاتحوها ف الموضوع ودارين بتلعب ف الفون .
دارين : عايزين تقولوا ايه ؟.
ميريام بصتلها وبصتلهم وبعد شوية سكات اتكلمت.
ميريام : ..........كنا حابين نسالك ع حاجة كدة ؟
دارين : حاجة ايه ؟
ديجا : ...انتي اخدتي حاجة تجهض البيبي يا دارين ؟
دارين : لا طبعا وليه اعمل كدة !
ديجا : يمكن عشان بعد اللي عمله ادم مش عايزة حاجة تربطك بيه .
دارين : حتى لو كدة مستحيل اعمل كدة واموت روح بريئة ملهاش اي ذنب .
ميريام وديجا وكريم بصوا لبعض واتاكدوا ان فعلا حد اجهضها عن قصد .
دارين : مالكم باصين لبعض كدة ليه !!!
كريم : بصراحة يادارين الدكتور عملك تحليل وعرفنا انك خدتي مادة قوية تموتك انتي والجنين وطالما انتي مخدتيهاش عن قصد يبقى ....
دارين مندهشة : ......يبقى حد ادهالي صح !
كريم هز راسه .
دارين دموعها نزلت .
دارين : مكنتش متخيلة حقارتهم توصل للدرجادي.
ميريام حضنتها .
ميريام : اهدي ياحبيبتي احنا مش هنسكت والله وهنجيبلك حقك.
دارين : لا مش عايزة حد يجييلي حقي انا اللي هجيبه بنفسي .
ديجا بصتلها : هتعملي ايه يادارين ؟
دارين : كريم احجزلي طيارة خاصة مجهزة طبيا انا هسافر اميركا والنهاردة قبل الفجر هكون برا مصر .
كلهم بصولها كريم بص لميريام وبص لدارين تاني
كريم : دارين متاكدة من اللي بتقوليه ده !
دارين : زي ما متاكدة اني شايفاكم دلوقتي هتعمل كدة ولا اقوم انا واتعامل انا بطريقتي !!
كريم : ماشي يادارين هعملك الانتي عايزاه بس انكل سامر وطنط عائشة ؟
دارين : هسيبلهم جواب .
هز راسه ديجا بصتله.
ديجا : اعمل حساب نفرين ف الطيارة مش واحد بس .
كريم : اشمعنا مين رايح معاها ؟
ديجا نطت جنب دارين .
ديجا : انا طبعا دي تؤام روحي حد يسيب تؤام روحه برده .
دارين بصتلها وابتسمت وكانت متاكدة انها مش هتسيبها تسافر لوحدها قربت دارين وحضنت ديجا جامد شوية وبعدوا
ديجا : هسيبكم بس شوية واروح ع طريق كريم هحضر شنطتي واقول لبابا وماما اللي هيموتوا من جناني ده مش ببلغهم الحاجة غير قبلها ع طول بس طالما فيها دارين بيوافقوا ع طول .
ميريام وكريم ودارين ضحكوا ديجا باست دارين ومشيت مع كريم راحت البيت وقالت لمامتها وباباها ووافقوا لان دارين معاها وهم اي حاجة فيها دارين بيوافقوا لانهم مبيعرفوش يعيشوا من غير بعض وكمان نبيل ومريم اصدقاء جدا لعائشة وسامر وكمان هتكون فرصة دراسة وعيشة احسن ليهم من مصر .
ديجا لمت حاجتها وسلمت ع نبيل ومريم وراحت مع كريم حجزوا وظبطوا كل حاجة وراحوا المستشفى دارين مضت انها هتخرج ع مسئولية نفسها وراحوا المطار دارين كانت تعبانة جدا وحالتها لسه كانت حرجة عشان كدة هتسافر بطيارة طبية سلمت ع ميريام وحضنتها جامد ونفس الكلام مع كريم دارين ادت لميريام جوابين واحد مكتوب عليه سامر و التاني مكتوب عليه سليم وبصتلها ومشيت وركبت دارين وديجا الطيارة وسافروا .
كريم مسح دموع ميريام وباس راسها وضمها لحضنه واتفرجوا سوا عالطيارة وهي طايرة وبتبعد .....
نهاية الفصل الثامن.