نفذ الحبر ونفذ الورق ..نفذ كل الصبر لا يمكن وجود بداية جديدة .. كان هناك اختياران ؛ اما ان اضع نقطة لنهاية كل شئ ولن نلتقي بعدها ابدا او .. او حرف ف سطر جديد لنصنع حكايات وحكايات ولكن ها انا هنا احدثك عن الماضي فانت تعلم ماذا اخترت ..🖤!'.
لعبة القدر ( الفصل السابع عشر ) ادم مشى من الحفلة كلها وهو كله يأس بس هو عارف انه يستاهل اللي بيحصل فيه هو مهما حصل فيه مش هيكون زي اللي عمله ف دارين. دارين وسليم ومراد شافوا ادم وهو ماشي سليم مقدرش يعمل حاجة عشان عارف ان ده عقاب ربنا لادم سليم مش ناسي ان ادم و رؤى متآمرين ع قتل ابن دارين ومحاولة قتل دارين كمان سليم اخد نفس عميق وفضل واقف مع سامر مراد بص لديجا ؛ مراد : احمم انا هستاذن بس هروح اشوف ادم بس و جاي مش هتأخر . وابتسملها وقرب باس ايديها وراح ورا ادم. مراد راح ورا ادم بسرعة ادم كان بيتمشى عالشاطىء وهو حاطط ايده ف جيبه و باصص للارض مراد اخد نفس عميق ومشى جنبه ادم بصله وبص للارض تاني . بعد سكات دام 5 دقايق.. مراد : هتستسلم بالسهولة دي !! ادم بصله وساكت . مراد : ادم صاحبي اللي اعرفه مش بيستسلم بالسهولة دي انا عارف انك حبيتها ومتأكد من ده. ادم بصله.. مراد : متبصليش كدة انا عارفك كويس وخلي بالك انت بتحبها من زمان اوي من ساعة ما انت كنت ف المستشفى مع انكل سليم وطنط عائشة بتولد ولما ولدت والممرضة طلعت بدارين انكل سليم اخدها من الممرضة وباسها وادهالك تشيليها وتشوفها ساعتها انا شوفتك وانت بتشيلها وباصصلها عيونك كانت بتلمع و كنت مبسوط بيها وطول فترة طفولتها كنت جنبها وبتخاف عليها جدا ولما ظهرت المشكلة انت بعدت عنها عشان برستيجك قدام صحابك بس ده ممنعش نهائي حبك ليها و لما الهانم بتاعتك ظهرت بعدتك عنها عشان تضمن فلوسك ليها. ادم : مراد رؤى مش كدة رؤ..... مراد : كفاية بقى كفاية انك تكذب ع نفسك بالكلمتين دول مش هيغيروا الحقيقة دي فوق لنفسك يا ادم واعترف بغلطك الاعتراف بالغلط مش عيب العيب انك تستمر فيه . كلام مراد كان عمال يرن ف ودن ادم وعمال يفكر فيه مراد خد نفس عميق وبصله ؛ مراد : انا راجع الحفلة عشان ديجا لوحدها وبصراحة قمر اوي واخاف عليها تتشقط هي عبيطة اصلا وتروح مع اي حد. ادم غصب عنه ضحك ؛ ادم : طيب روح يلا. مراد : مش هتيجي طيب ؟. ادم : لا حابب ابقى لوحدي حبة. مراد : طيب ع راحتك . مراد خبط ع كتف ادم وبصله وابتسم ورجع الحفلة لديجا. الحفلة خلصت وطلعوا بالياخت و ف نص قعدتهم دارين بصت لسامر ؛ دارين : بابي صح انا الاسبوعين اللي جايين كلهم مش هكون هنا ف اليكس. سامر باستغراب : ليه ياحبيبتي ؟ دارين : عاملة رحلة لموظفين قسمي وعائلاتهم لمجهوداتهم اللي قدموها الفترة الفاتت والرحلة مدتها اسبوعين انا حجزتلهم اوتيل كامل ليهم. مراد استغل الفرصة ؛ مراد : طب ماتيجوا كلنا نروح شرم ده حتى الصيف بدا نروح نقضي شهر هناك زي ماكنا بنعمل زمان . ديجا : فكرة حلوة و شاليه انكل سامر و شاليه انكل سليم موجودين جنب بعض وهنكون سوا. سليم : لا وهو احنا مقولنالكمش ! دارين : مقولتولناش ايه ؟ سامر : فتحنا الشاليهات ع بعض وبقوا شاليه واحد عشان نكون سوا دايما. ميريام : طب والله فكرة حلوة ماشي انا عن نفسي موافقة وكريم اكيد معانا. كريم : اكيد ياحبيبتي. لين : وانا كدة كدة معاكم. يوسف ابتسم : احم وانا معرفش غيركم فأكيد معاكم برده. ديجا : اشطا وانا راشقة ف كل حاجة عادي وبالمرة ناخد بابا وماما بدل ماهم قاعدين بائسين كدة. نبيل ضحك مريم بصتله وبصتلها ؛ مريم : معرفناش نربي يانبيل بجد. ضحكوا كلهم . دارين : بس انا مش هعرف اقضي معاكم غير اسبوعين بس الاسبوعين التانين مع نفسكم بقى. ميريام : دارين الشغل مش هيطير وبعدين يوسف وديجا معاكي ولين كمان خلصت خلاص اخر سنة ومعاكي عايزة ايه تاني انتي قضي معانا الشهر وبعد الشهر ترجعوا وتخلصوا كل اللي وراكم. يوسف : معاها حق يا دارين اسمعي الكلام بقى. دارين : امري لله . سليم : خلاص النهاردة الاربع واليوم خلص اصلا وبكرا الخميس نحضر حاجتنا بكرا والفجر هنسافر. سامر : اتفقنا. نبيل : اتفقنا. مراد ابتسم وبعت رسالة لادم "شهر ف شرم مع العائلة كلها ودارين معانا ابسط ياعم" ابتسم وكمل قعدته مع ديجا وشوية ورجعوا بالياخت و كل عائلة راحت ع فيلتها. تاني يوم اللي هو الخميس كانت اجازة طبعا من الشركة عائشة وكاميليا ومريم اتجمعوا كلهم وخرجوا للمول يشتروا اللي هيحتاجوه ف شرم وخدوا البنات معاهم ميريام ودارين وديجا ولين وطبعا الانسة لميس القمر ❤ كاميليا وعائشة ومريم كانوا مركزين عالاكل اكتر وع الحاجات المهمة زي اي امهات يعني والبنات كالعادة مركزين عاللبس والموضة و مسابوش محل هدوم ف المول الا ودخلوه واشتروا منه حاجات . الساعة 3 الفجر ال 3 عائلات كانوا متجمعين ف فيلا سامر المحمدي عشان يتحركوا سوا بس كانوا بيقسموا مين هيركب مع مين الاول. عربية سليم ركب فيها كاميليا فقط . عربية سامر ركب فيها عائشة فقط. عربية نبيل ركب فيها مريم فقط. عربية كريم ركبت فيها ميريام و لميس. عربية مراد ركبت فيها ديجا فقط. كان متبقي عربية يوسف وعربية ادم ؛ ادم كان مستني دارين تروح تركب معاه بس لقاها رايحة اتجاه عربية يوسف مسك ايديها هي بصتله ؛ ادم : مش هتركبي معايا . دارين : لا هركب مع جو . يوسف قرب من دارين ؛ يوسف : دودي مش يلا ! ادم بصله بضيق وبصلها : بس انا جوزك وهو غريب عنك . دارين : رغم انك جوزي بس انت اللي غريب عني وهو رغم انه غريب فهو اقربلي من اي حد. ادم بصلها بانكسار وساب ايديها و بعد عنها ولف راح ركب عربيته لوحده . دارين اضايقت من نفسها اوي بس كل مابتشوفه الذكريات الوحشة كلها بتمر قدام عيونها و بتفتكر اكتر حاجة وجعتها وهي انه هو ورؤى حاولوا يموتوها هي واللي ف بطنها دارين كان نفسها تجري عليه تقوله استنى انا رغم كل ده لسه بحبك ايوه هي لسه بتحبه وبتموت فيه كمان بس هي معملتش كدة و وقفت مكانها وفضلت مع يوسف . يوسف كان قريب القرب الكافي اللي يخليه يسمع حوارها مع ادم. يوسف وقف قدامها وبصلها ؛ يوسف : انتي عارفة انك هبلتي ف الكلام صح! دارين بصتله :......صح . يوسف : طيب كويس انك عارفة تعالي معايا بقى. ومسك يوسف دارين من دراعها وراح ع عربية ادم فتح الباب جنب ادم وركب دارين وقفل الباب. يوسف : معلش يا ادم اصل انا معنديش مكان لدارين ف عربيتي دارين مكانها هنا ...معاك. ومشى يوسف راح ركب عربيته ولين معاه طبعا ادم اندهش من اللي يوسف عمله بس من جواه كان مبسوط اوي ان دارين معاه هو مش مع يوسف مراد ابتسم من رد فعل يوسف وعرف ان يوسف جدع اوي . العربيات اتحركت و ف الطريق كانوا كل عربية مشغلة اغاني بصوت عالي وبيهيصوا وكانوا مبسوطين اوي دارين الاول مكانتش ع طبيعتها بس بعد كدة خدت عالجو وبدات تغني مع المزيكا وكانت فاتحة شباكها عالاخر وباصة منه والهوا بيطير شعرها و شعرها طويل بيجي ع وش ادم ، ادم مسك شعرها وشمه وابتسم . ف الاستراحة الرجالة نزلوا جابوا اكل وشيبسيات و عصاير و مشروبات سخنة و رجعوا ادوها للبنات وللسيدات و وقفوا سوا يشربوا القهوة لميس صممت تروح لدارين كريم فتحلها الباب و وداها العربية عند دارين وشوية والرجالة ركبت العربيات تاني واتحركوا وادم طول الطريق بيلاعب ف لميس وبيضحكوا سوا ولميس ودارين بياكلوا ف الشوكلت والايس كريم اللي ادم جابه وادم كان قاصد يجيبه اصلا عشان عارف قد ايه دارين بتحبهم . وصلوا شرم اخيرا و وصلوا الشاليه نزلوا كلهم ودخلوا الشاليه . دارين : ياااه الشاليه اتغير جدا لما فتحتوا الاتنين ع بعض . سامر : اه بس بقى احلى. ديجا : ايوه ياعمو والله احسن كدة. سليم : طب عايزين بس نقسم الاوض الاول . كاميليا : اه ياريت عشان هموت من التعب خلاص. سليم : طيب الشاليه فيه 7 غرف غرفة انا وكاميليا وغرفة سامر وعائشة وغرفة نبيل ومريم وغرفة كريم وميريام ولميس هيتبقى 3 غرف ف منهم غرفة لدارين و الغرفتين التانين كل غرفة فيها سريرين فالغرفة الاولى هتبقى لديجا ولين والغرفة التانية مراد ويوسف هيتبقى ادم . مراد بسرعة : ادم ينام مع دارين ف غرفتها ماهي مراته برده . الكل بص لمراد وبعدين بصوا لدارين مستنين موافقتها . ادم : خلاص ياجماعة مش مشكلة انا هنام ع الكن.... دارين : طيب معنديش مانع فالاول و فالاخر ادم جوزي يعني وبعدين الموضوع مؤقت لحد مانرجع اليكس تاني . ادم من جواه فرح اوي مراد ابتسم وسليم وكاميليا وسامر وعائشة بصوا لبعض وابتسموا كريم اخد شنطته وشنطة ميريام ولميس وطلع ع غرفتهم و مراد ويوسف خدوا شنطهم وشنط ديجا ولين و طلعوهالهم و ادم قرب خد شنطة دارين طلعوا ع غرفة دارين وكل واحد راح ع غرفته . ف غرفة دارين وادم بعد ما دخلوا وادم قفل الباب دارين خدت شنطتها وحطتها عالسرير وفتحتها وبتحط الهدوم ف الدولاب وحاجتها عالسراحة وكل حاجة مكانها وكانت متوترة اوي وبتحاول تشغل نفسها بعيد عن ادم ، ادم كان هو كمان متوتر وفتح شنطته وهو كمان عايز يرتب حاجته بس مش عارف يحط ايه فين دارين خدت بالها وبصتله. دارين : انت بتحط الحاجة غلط سيب وانا هحط كل حاجة مكانها. ادم : اااا مش حابب اتعبك بس . دارين : مفيش تعب عادي . ادم هز راسه وخد طقم ودخل الحمام يغير دارين خدت نفس عميق ورتبت شنطتها ورتبت شنطته كمان وشالت الشنط ع جنب ادم خرج كان لابس تيشيرت حمالات وشورت وعضلاته كانت باينة والتيشيرت ضيق وعضلات بطنه باينة برده دارين اتوترت اوي لما شافته وراحت فتحت الدولاب خدت طقم ليها ودخلت بسرعة عالحمام وهي داخلة خبطت ف كتفه عيونه جت ف عيونها للحظة كدة وبسرعة دخلت عالحمام وقفلت الباب هو ابتسم وراح قعد عالسرير وفتح لابه بيطمن عالشغل هي كانت ف الحمام قاعدة ع طرف البانيو ومتوترة اوي ومش عارفة هي ازاي قبلت يقعد معاها ف غرفة واحدة هي اتجننت عشان توافق اكيد خدت نفس عميق وغيرت هدومها وفردت شعرها وخرجت كانت لابسة ده:
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
لقته قاعد حاطط الهاند بلوتوث ف ودنه وبيتشغل عاللاب ومندمج ف شغله كان شكله ساحر اوي بالنسبالها وقفت ع باب الحمام بصاله وبتتأمله وبتكلم نفسها ف سرها . دارين لنفسها : يعني انا لو روحت بوسته دلوقتي وقولتله بحبك هيحصل حاجة ! والله ماهيحصل حاجة ابدا هااااح عسل اوي يخربيته . ادم حس انه سمع صوت فبص لقاها واقفة بصاله وسرحانة ابتسم ؛ ادم : قولتي حاجة يادارين ؟ دارين مكانتش فاقت لنفسها لسه فبدون وعي بصتله ؛ دارين : بقول جتك القرف ف جمالك زي القمر بعضلاتك دي . ادم : اييه ! قولتي ايه ؟؟ دارين فاقت وبسرعة اتحركت ؛ دارين : اااااااا بقول انك رخم احنا جايين نتبسط مش نشتغل ! ادم : ممممم متأكدة ان ده اللي قولتيه ! دارين : طبعا هقول ايه غير كدة يعني . ادم : مممممممم ....ممكن يعني تكوني بتعاكسيني مثلا ؟! دارين : اعاكسك ليه يعني شايف نفسك توم كروز ولا ايه جتك القرف ؛ وكملت ف سرها : ف جمالك ده وحلاوتك دي يخربيت كدة. ادم سمعها برده وكتم ضحكته دارين اتعصبت لما ضحك وقربت شدت اللاب قفلته وحطيته عالترابيزة وطفت النور وراحت عالسرير نامت عليه واستغطت وغمضت عيونها . دقيقتين وحست بيه بيحضنها من ورا وبيهمس ف ودنها ؛ ادم : بس بيني وبينك مفيش احلى واجمل منك. دارين فتحت عينيها جامد ومصدومة .... نهاية الفصل السابع عشر .
