لعبة القدر ❤️

15

لعبة القدر
( الفصل الخامس عشر )
تاني يوم سامر وعائشة صحيوا الساعة 7 الصبح سامر حضر نفسه ونزل هو وعائشة عشان يفطروا عشان يروح الشركة لان معاد الدوام 8 نزل واتفاجىء هو وعائشة ان دارين محضرة الفطار دارين بتحط اخر طبق عالسفرة وبتبص لقت عائشة وسامر ابتسمتلهم .
دارين : صباح الخير يابابي صباح الخير يامامي.
سامر : صباح النور ياعيون بابي ايه النشاط ده كله.
دارين قربت من عائشة وحضنتها وباست ايديها وراحت لسامر وباست ايديه وبصتله .
دارين : مش نشاط ولا حاجة بس اتعودت بقى ع روتين حياتي الجديد والشغل وكدة ولازم نفطر دلوقتي عشان منتاخرش عالشركة.
عائشة بحزن : ايه ده انتي هتنزلي الشركة ده انتي لسه راجعة من السفر امبارح.
دارين حضنتها ؛
دارين : مامي انتي مضايقة ليه بس مانا معاكم اهوه وانا وصلت القسم بتاعي للعالمية مش معقول اهمله بقى لازم افضل مهتمة بيها.
سامر ابتسم بفخر : معاها حق ياعائشة بنتك خلت القسم ده انجح قسم ف جروب شركات الهواري والمحمدي يعني يوم مانقع القسم ده هو اللي هيسندنا انا فخور بيها جدا بجد .
عائشة ابتسمت وحضنت دارين ؛
عائشة : طبعا وهو ف زي بنتي .
ضحكوا كلهم وقعدوا عالسفرة يفطروا سوا.
الساعة 7 ونص عند ادم كان لسه نايم وقام بسرعة عالمنبه دخل يجري عالحمام خد شاور وطلع لبس وجهز نفسه ونزل .
ادم : صباح الخير ياماما.
كاميليا : صباح الخير ياحبيبي رايح فين اقعد افطر.
ادم : لا مش هينفع فاضل ربع ساعة ع معاد الدوام يادوب الطريق بابا راح الشركة صح.
كاميليا : اه لسه ماشي من شوية.
ادم : طيب يلا سلام همشي انا بقى.
كاميليا : طيب ...واااه ادم متنساش تكلم مراتك ترجع بيتها بقى كفاية كدة بقالها شهرين مسافرة مع صحباتها وسيباك كدة لوحدك مينفعش كدة.
ادم اخد نفس : حاضر ياماما حاضر.
طلع ادم ركب عربيته وهو متعكنن وراح عالشركة وصل الشركة الساعة 8:10 ركن العربية ف جراج الشركة ودخل الشركة وطلع ع مكتبه خد الاوراق المهمة وراح عالاجتماع اللي المفروض يبدا الساعة 8 بالظبط خبط ودخل اتاسف وقعد سليم بصله بضيق ودور وشه وكملوا اجتماعهم بعد لك طويل يخص الشغل ملناش دعوة بيه الموظفين كلهم طلعوا ومبقاش موجود ف قاعة الاجتماعات غير سامر وسليم وادم.
سليم : مش هتبطل تاخير ياباشا.
ادم : اسف يابابا راحت عليا نومة.
سليم : هتفضل زي مانت كدة مبتشيلش مسئولية عدل.
سامر : خلاص بقى يا سليم.
سليم : ماشي ياسامر ....صحيح وردتنا الحلوة عاملة ايه ؟
سامر ابتسم : جميلة اوي ياسليم اوي بجد صحيت الساعة7 الصبح انا وعائشة ونزلنا لقيناها صاحية وجاهزة ومحضرة الفطار بنفسها وفطرنا وجت معايا عالشركة طلعت الدور اللي فيه قسمها عشان تشتغل .
ادم اندهش انها موجودة ف الشركة مكانش يتوقع انها تيجي النهاردة وهي راجعة امبارح من السفر.
سليم : بجدد !! ماشاء الله تبارك الله طب مرتاحتش ليه طيب دي لسه جاية امبارح.
سامر : عائشة قالتلها نفس الكلام قالتلها ان الشغل شغل ومش بعد مجهودها ده كله تهمل قسمها .
سليم : عين العقل بجد لو كانت عملت شركة منفصلة كانت نجحت نجاح ساحق بس هي اختارت ان شغلها يبقى عبارة عن قسم من اقسام جروبنا.
سامر : ايوه ولما سالتها ليه قالتلي انها لازم تبقى معايا ف شغلي ومش منفصلة عني عشان تسندني دايما وتكمل هي مسيرتي ف حال اني اكتفيت.
سليم ابتسم : كل مدى دارين بتكبر ف نظري اكتر بجد.
سامر : وانا زيك ....صحيح كمان موضوع المشكلة اللي كانت عندها تخيل طلع ايه !.
سليم : ايه ؟؟
ادم كان سامع الحوار باهتمام اوي وسليم واخد باله بس مش مبين.
سامر : طلع مشكلة ف الهرمونات بسبب سن المراهقة وان لو اتشخصت صح من ساعة مالموضوع ده ظهر كانت هتتعالج ببرشامة واحدة بس عشان طول معاها الموضوع خد معاها شهر علاج كانت بتاخد برشام وحقن يعني لا عملت عمليات ولا تجميل ولا اي حاجة خالص.
سليم ابتسم : الحمدلله وبعدين مهما كان شكلها احنا بنحبها زي ماهي هي قلبها ابيض ومفيش زيه اللي بيتعامل بالشكل ده متربوش اساسا و ربنا عمل كدة كان بيختبرها ونجحت ف اختباره وربنا كافئها بأنها بقت طبيعية من جديد عقبال بقى مانشيل اولادها عايزين نفرح بيها بقى.
ادم سمع الكلمة دي اتعصب عشان معنى الكلام انهم بيفكروا ف ادم يطلق دارين ودارين تبقى لحد تاني قام بسرعة وخد الملفات اللي قدامه وراح ع مكتبه سليم بص عالباب وابتسم ادم راح مكتبه رمى الملفات وبيفكر هو غلط اوي كان زمان بيقولها الزبال نفسه ميرضاش بيكي انتي متنفعيش غير لواحد ذو احتياجات خاصة وياريته يقبل بيكي اصلا لكن عمر ماحد يقبل بيكي بس هي دلوقتي بقت جميلة جميلة اوي المشكلة ف شكلها حلها طلع بسيط جدا ربنا عمل كدة عشان يوريها الناس اللي بيحبوها بجد مش عشان شكلها وللاسف هو مش من الناس دي لانه اثبت وبجدارة انه بيكرهها وبسبب شكلها كمان.
ادم خد نفس عميق وبص عالملفات ؛
ادم لنفسه : ركز ف شغلك احسن .
وبدا يشتغل و هو تفكيره كله ف دارين .
عند دارين ، طبعا اول ماوصلت موظفين القسم بتاعها وقفوا وحيوها وسلموا عليها وهي سلمت عليهم واتعاملت معاهم بكل تواضع وحب و بعدين جمعتهم كلهم .
دارين : مبدايا كدة انا ف الشغل مبقبلش بالغلط نهائي اسالوا فرع الشركة ف اميركا عن طريقة تعاملي هنشتغل سوا كل واحد فينا هيعمل شغله اللي عليه هتلاقوا حفلات ورحلات و مرتبات بتعلى وحوافز كتير اوي لدرجة انكم هتطلبوا شغل اكتر وهتكونوا منتظرين وقت الشغل ع احر من الجمر وهتكرهوا يوم الاجازة اهم حاجة عندي ان محدش يقصر ف شغله اعملوا اللي عليكوا وبس متفقين كدة !
الموظفين : متفقين .
دارين : تمام اوي وااه حطوا ف دماغكم اننا هنشتغل كأننا شركة منفصلة عن جروب الهواري والمحمدي مش كقسم لان لو حطيتوا ف دماغكم اننا قسم تابع للشركة هتكسلوا وهتقصروا ف شغلكم الشركة فيها 3 مجالات قسم هندسة تحت اشراف استاذ ادم وقسم بناء تحت اشراف استاذ سامر واستاذ سليم وقسم تصميم وده تحت اشرافي وادارتي اتمنى تتعاملوا ف مجالكم ع انه المجال الوحيد الموجود واول صفقة هنبداها هي اننا هنغير ديكور القسم بتاعنا ملناش دعوة بباقي الشركة احنا لينا بقسمنا قسمنا قسم التصميم مش معقول شركات هيجوا يعملوا صفقات معانا ويبقى تصميم الديكور هنا تصميم عادي ولا ايه وبرده عشان تكونوا قاعدين مرتاحين نفسيا وانتو بتشتغلوا ولا ايه رايكم ؟
الموظفين : معاكي حق يافندم .
دارين ابتسمت : طيب فضولي القسم وانزلوا بريك ساعة انا عملت تصاميمي للقسم هنا وطلبت الفريق الاول للقسم وهيجي بعد 10 دقايق و هيخلص القسم ف ساعة اتفضلوا.
الموظفين نزلوا بريك ودارين دخلت مكتبها الفريق الاول جه وبدا شغل وخلال ساعة كان قسم التصميم جنة بمعنى الكلمة الفريق خلص ومسئول الفريق دخل لدارين .
مسئول الفريق : استاذة دارين خلصنا .
دارين بصت ف ساعتها وبصتله : عظيم خلصتوا ف الوقت انزلوا الحسابات هصرفلكم مكافاة عشان من اول مرة اثبتولي جدارتكم و عرف الفريق انهم الفريق الاول يعني الفريق اللي مبيطلعش غير ف الجد و لما بنكون عايزين نكسب وقت وننجز بنطلبهم يعني لو حد فيهم هيقصر ننقله الفريق الثاني او الثالث ونجيب غيره .
مسئول الفريق : لا يافندم هم مبسوطين جدا بالشغل مع حضرتك كل القسم سامع عن انجازات حضرتك ف فرع اميركا وحابين ومتحمسين للشغل مع حضرتك .
دارين ابتسمت : وانا متحمسة اكتر اتفضل .
المسئول خرج وخد الفريق ومشى دارين قامت تتفرج عالقسم وابتسمت الموظفين جم القسم واتفاجئوا القسم كان جنة والالوان اللي دارين مختاراها مبهجة وهادية ومريحة نفسيا والمكاتب كانت محطوطة بطريقة هندسية جميلة الموظفين راحوا ع مكاتبهم بحماس وبداوا شغلهم.
وقت الغدا سليم راح لسامر دخل ع طول .
سليم : ايه انت لسه هنا يلا تعالى نروح نتغدا ف مطعم الشركة يلا .
سامر : يلا بس استنى اخلص الملف ده.
سليم : الملف مش هيطير يلا بينا.
سامر بضحك : طيب يلا.
وقام سامر وراح لسليم ونزلوا سوا مطعم الشركة ادم كان قاعد راحوا ناحيته وقعدوا .
سليم لادم : طلبت اكل ولا لسه ؟
ادم : لا لسه كنت مستنيكم.
سليم : طيب يلا نطلب.
ونادى عالطباخ اللي ف مطعم الشركة والطباخ راحله سليم قاله ع الاكل اللي عايزينه .
الطباخ : حاجة تانية يافندم ؟
دارين من وراهم : ايوه متجيبش حاجة من اللي طلبوها .