لعبة القدر ❤️

11

لعبة القدر
( الفصل الحادي عشر )
دارين راحت لديجا وهي بتضحك وديجا مكسوفة اوي و وشها احمر من الكسوف.
دارين بصتلها وضحكت اكتر من شكلها .
ديجا : ما بس بقى يادارين الله عاجبك الكسفة دي يعني مع الواد القمر ده هعلقه ازاي انا دلوقتي.
دارين ضحكت : خلاص محصلش حاجة بس تستاهلي عشان متعمليش كدة تاني.
ديجا : طب امشي قدامي امشي هنتاخر عالجروب.
دارين ضحكت ومشيت هي وديجا دخلوا الجروب اللي هيتمرنوا معاهم المرادي وقعدوا وشوية والمدرب دخل وعنيه كانت ع دارين وديجا.
المدرب بالانجليزي : مساء الخير .
الكل بص وكانت الصدمة لدارين وديجا المدرب كان يوووسف !!!
يوسف شاف منظرهم ابتسم و بدا التمرين وهم شوية شوية نسوا كسفتهم وبداوا يندمجوا ف اخر الفصل الكل بيلم حاجته عشان يمشي يوسف قرب من دارين وديجا .
يوسف : احم تقبلوا عزومتي عالغدا ؟
دارين : اااا بس....
يوسف : اعتبروا العزومة دي بداية صداقة لينا.
ديجا : احم انا متأسفة عاللي قولته انا كنت بهزر بس مش اكتر .
يوسف : بتهزري ! يعني انا مش حلو ؟
ديجا بتسرع : لا حلو طبع...... حلو يعني بس كنت بهزر برده.
يوسف ضحك : طب وافقوا بقى انا بقالي كتير اوي مقابلتش ناس مصريين زيي ومتكلمتش عربي وحاسس معاكم اني ف بلدي وسط اهلي وناسي اقبلوا هنتغدا بس مش اكتر .
دارين وديجا بصوا لبعض وف صوت واحد : موافقين .
يوسف ابتسم : طب حلو اوي يلا بينا معاكوا عربية ولا تركبوا معايا؟
دارين : لا معايا عربيتي هنمشي ورا بعض .
يوسف : خلاص ماشي يلا بينا.
ديجا : يلا.
طلعوا وركبوا عربياتهم ومشوا ورا بعض وراحوا مطعم وقعدوا يتكلموا الاول كانوا مكسوفين بس شوية شوية ومع هزار يوسف هم خدوا عليه وبداوا يتكلموا بكل اريحية وطلبوا الاكل والاكل جه وقعدوا ياكلوا ويتكلموا برده وهم بياكلوا يوسف نظره وقع ع واحد داخل المطعم والراجل ده برده شافه فراحله بسرعة يوسف قام وحضن الراجل ده كان باين عليه ف الاربعينات.
يوسف بالانجليزي : دكتور ايثان مبسوط جدا اني شوفتك.
ايثان : انا اكتر يا يوسف مش معقول كبرت اوي بس انا زعلان منك مبتسالش عليا خالص هو يعني عشان والدك سافر لندن متجيش تشوفني ؟
يوسف : لا يادكتور مش قصدي والله بس انا محبيتش اتقل ع حضرتك .
ايثان : لا ياسيدي مش هتتقل عليا انت عارف ان والدك صديق عمري رغم انه من بلد ودين مختلف بس ده ميمنعش اني بحبه اوي وبحب اي حد من ريحته وخاصة لو كان ابنه.
يوسف ابتسم وحضن ايثان وشوية وبعدوا.
ايثان بص لقى دارين وديجا ولاحظ التشوهات والتصبغات في وش دارين فضل باصصلها اوي وديجا ويوسف وحتى دارين لحظوا .
ايثان : مش تعرفنا يا يوسف. "مع التذكير المحادثة باللغة الانجليزية"
يوسف : اها اكيد طبعا دي دارين بتدرب عندي جيتار ودي ديجا صاحبتها برده بتدرب عندي .
ايثان سلم عليهم وبص لدارين.
ايثان : ممكن اسال حضرتك سؤال وارجو متفهمنيش غلط ؟.
دارين : اكيد اتفضل حضرتك ؟
ايثان : هي التصبغات ف وشك مولودة بيها ؟
دارين اتحرجت شوية .
دارين : لا مش مولودة بيها بس بمجرد ماكملت 7 سنين ظهرت ف وشي وجسمي.
ايثان ابتسم : طيب حضرتك محاولتيش تعالجيها او تعرفي سببها ؟
دارين بصتله وهزت راسها بلا .
ايثان ابتسم وطلع كارت واعطاه لدارين .
ايثان : انا دكتور متخصص ف امراض الجلد والهرمونات و حاليا انا بعمل دراسات ع موضوع التصبغات ده و الموضوع بيتعالج من غير عمليات ع فكرة لو حضرتك حابة تقدري تزوريني ف العيادة ارقامي وعنواني عندك ف الكارت .
ديجا بصت لدارين وفرحت دارين هزت راسها وخدت الكارت وشكرته ايثان سلم ع يوسف ومشى يوسف قعد وبصلها .
يوسف : احم ....تحبي نحدد معاد ونروح سوا انا وانتي وديجا ويكشف عليكي ولو مش مرتاحة هنمشي ؟
ديجا : وافقي يادارين ده بيقول انه هيعالجك من غير عمليات عكس باقي الدكاترة اللي كنا بنروحلهم يقولوا عمليات وحاجات غريبة كدة.
دارين بتوتر وخوف : مش لازم بقى انا خلاص اتعودت ع شكلي كدة .
يوسف بصلها : انتي ازاي كدة ؟
دارين بصتله : كدة ازاي !
يوسف : ازاي بتستسلمي بالسهولة دي ! طول مانتي عايشة المفروض تحاربي عشان تحققي الانتي عايزاه انا متاكد انك عانيتي كتير بسبب التصبغات دي وانها مضايقاكي جدا بس لازم تعرفي ان ده امتحان من ربنا ليكي ربنا بيشوفك راضية بشكلك ولا لاء ولما لقاكي راضية بعتلك العلاج ليه جاية تقطعي املك ف انك تعيشي حياة طبيعية زي باقي البنات دلوقتي مش يمكن دي تكون نهاية معاناتك .
دارين بصتله وبتفكر ف كلامه وديجا مستنية قرارها .
دارين بعد سكات : .....طيب موافقة حدد معاه معاد ونروحله.
ديجا صرخت من الفرحة وقامت حضنتها المطعم كلها بص عليهم يوسف اعتذر وهو بيضحك واتغدوا واخد ارقامهم وكل واحد فيهم مشى ديجا ودارين روحوا وغيروا هدومهم وطلعوا عالشاطىء وشوية وميريام وكريم ولميس طلعوا قعدوا معاهم .
ديجا حكتلهم اللي حصل وازاي اتعرفوا ع يوسف وع الدكتور والكلام اللي قاله وكدة ميريام فرحت جدا .
ميريام : طب ده حلو اوي طب هتروحوا امتى بقى ؟
دارين : معرفش يوسف هيحدد معاه وهيقولنا ونروح.
ميريام : طيب قولولي عشان اجي معاكم.
دارين : حاضر
وقعدوا يتكلموا كتير .
تاني يوم عالساعة 8 بليل يوسف اتصل بدارين .
دارين : الو يوسف ازيك ؟
يوسف : بخير دارين وانتي وديجا ايه اخباركم ؟
دارين : الحمدلله بخير .
يوسف : بتصل عشان ابلغك اننا هنروح لدكتور ايثان بكرا الساعة 8 صباحا ف (.......................) عارفة العنوان ولا اجي اوصلكم انا ؟
دارين : لا عارفاه يا يوسف متشكرة جدا بجد تعبتك معايا.
يوسف : تعب ايه بس يادارين احنا بقينا صحاب ولا انتي عايزانا معارف كدة وخلاص ؟
دارين : لا مقصدش يايوسف بس ...
يوسف : مفيش بس يادارين انا زي اخوكي اي حاجة عايزاها تقوليلي اوكي ؟
دارين ابتسمت : اوك يوسف.
قفلوا ودارين قالت لديجا وميريام وتاني يوم الساعة 8 كانوا قدام المكان اللي يوسف قالهم عليه كان زي مستشفى مصغرة ديجا ودارين وميريام واقفين ودارين متوترة و مترددة تدخل.
يوسف من وراهم : ايه هنفضل واقفين كتير كدة مش هنخش بقى ولا ايه ؟
كلهم بصوا .
دارين : يوسف ! بتعمل ايه هنا ؟
يوسف : معقول اسيبك يعني لازم ابقى معاكي .
ميريام ابتسمت : احم احم مش تعرفينا يادارين ؟
دارين : اه طبعا اعرفك يا يوسف دي ميريام اختي الكبيرة ودي لميس بنتها وده ياميريام يوسف اللي حكيتلك عنه .
يوسف وميريام سلموا ع بعض .
يوسف : اتشرفت بيكي جدا يامدام ميريام.
ميريام : الشرف ليا .
يوسف : مش يلا يادارين .
دارين اخدت نفس وهزت راسها ودخلوا لدكتور ايثان ؛ دكتور ايثان سلم عليهم وع يوسف بحرارة واخدهم ودخلوا مكتبه وقعدوا يتكلموا شوية واخد دارين لغرفة الفحوصات وعملها كل الفحوصات اللازمة ولما خلصوا رجعوا المكتب تاني ميريام خدت دارين ف حضنها وقعدتها .
ايثان قعد وبيمسح عرقه .
يوسف : هاا يادكتور ايثان طمننا ؟
ايثان : زي ماكنت متوقع المشكلة مشكلة بسيطة جدا ومش كبيرة زي مانتو متخيلين دارين متولدتش بالمشكلة دي لا دي اكتسبتها يعني دي مش طبيعة بشرتها دارين عندها مشكلة ف الهرمونات ف جسمها هرمونات مسئولة عن اكتساب لون للبشرة ولو المشكلة دي اتحلت بشرتها هتبقى بشرة طبيعية جدا والدكاترة اللي كانوا بيقولوا عمليات دول مبيفهموش اصلا.
دارين فرحت اوي ؛
دارين : بجد يادكتور ايثان ؟
ايثان : طبعا يادارين بصي احنا خلاص حددنا حالتك انتي هتاخدي شهر متتعرضيش للشمس وهتاخدي الحقن والادوية اللي هنكتبلك عليها وبعد الشهر ده مش هتلاقي حاجة لا ف وشك ولا فجسمك .
ديجا وميريام بصوا لبعض بأمل .
يوسف : دكتور ارجوك متاكد دارين غالية عندي اوي ومش عايز يحصلها حاجة .
ايثان : متقلقش يا يوسف ع ضمانتي وبعد شهر بالظبط هتيجي تشكرني .
يوسف ابتسم وهز راسه ايثان كتبلهم الادوية والحقن وشرح لدارين كل حاجة المفروض تعملها وطلعوا برا المستشفى .
دارين : شكرا يا يوسف بجد واسفة اني عطلتك بالوقت ده كله اللي اخدناه عند الدكتور.
يوسف : عطلة ايه بس يادارين بطلي هبل بقى احنا قولنا مفيش بينا الكلام ده .
ميريام : طب يوسف ماتيجي تتغدا معانا النهاردة واهو تتعرف ع كريم جوزي ونبقى كلنا صحاب ف بعض .
ديجا : اه يايوسف تعالى عالاقل كريم يلاقي حد يقعد معاه بدل ماهو شوية وهيتجنن مبيقعدش غير معانا وانت عارف قعدة البنات بتبقى عاملة ازاي مليانة نم بقى وكدة.
يوسف ضحك : معنديش مانع ليا الشرف والله.
ميريام : خلاص مستنينك النهاردة عالغدا والعنوان (...........................) متتاخرش هاه .
يوسف : حاضر مش هتاخر سلام .
سلم عليهم ومشى ميريام بصت لدارين.
ميريام : لا بس جامد يوسف و راجل اوي لا ومهتم كمان .
دارين ضحكت هي وديجا وركبوا العربية وراحوا عالبيت وميريام حكت لكريم ع كل حاجة وكريم فرح جدا لاخته الصغنونة دارين وجه وقت الغدا ويوسف خبط.
كريم فتح وشافه : يوسف صح ؟
يوسف : ايوه انا يوسف حضرتك دكتور كريم ؟
كريم ابتسم : ايوه نورتنا اتفضل .
يوسف : البيت منور بأهله وسلم ع كريم و دخل .
ميريام جت سلمت وديجا ودارين جم سلموا وهم شايلين لميس يوسف اعطى لدارين بوكيه الورد اللي كان ماسكه .
دارين : ميرسي يا يوسف بس مكانش ف داعي والله لتعبك ده.
يوسف : تعب ايه بس يادارين ده ولا حاجة والله انا بس حبيت افرحك بحاجة بسيطة كدة ننهي بيها اخر يوم من معاناتك طول حياتك .
دارين ابتسمت وخدته .
شوية وقعدوا كلهم يتغدوا وبعد الغدا قعدوت كلهم يتكلموا وكريم ويوسف اتصاحبوا جدا وقعدوا يتكلموا ف كل حاجة ويوسف مشى الفجر.
عدى 29 يوم والعلاج جايب فايدة كبيرة مع دارين والتصبغات بتختفي فعلا و وش دارين شبه مفهوش حاجة وطبعا طول الوقت ده مبتخرجش من البيت نهائي هي ممنوعة من الشمس بس مكانتش بتخرج بليل كمان كانت حابة متخرجش الا وهي شكلها متغير تماما يوسف كان بيجيلهم كل يوم تقريبا ويقضي معاهم وقت وخاصة مع كريم وهو ودارين وديجا بقوا صحاب جدا ودارين حكتله عن كل معاناتها طول حياتها وعن ادم واللي حصل كله وهو برده فتحلها قلبه وكل حاجة اليوم ال 31 كان اليوم اللي دارين هتروح فيه للدكتور راحوا كلهم معاها يوسف وكريم وميريام وديجا راحوا والدكتور ايثان كشف عليها وعملها الفحوصات كاملة وكان كل التصبغات اختفت من وشها وجسمها وبقيت طبيعية من تاني بعد ماخلصوا فحوصات رجعوا المكتب ايثان ابتسم.
ايثان : كدة احنا خلاص خلصنا من كل حاجة ونقدر نقول مبروك ليكي يادارين لحياتك الجديدة والمشكلة دي مش هتقابلك تاني الهرمونات ف جسمك بقيت ف مسارها واتجاهها الطبيعي .
دارين : متشكرة جدا يادكتور ايثان بجد متشكرة جدا .
ايثان : ع ايه بس يادارين ده واجبي وانا مبسوط اني السبب ف انك اخيرا اتخلصتي من الكابوس ده.
يوسف : انا بقى مش متشكر خالص يادكتور.
كلهم بصوله بتساؤل يوسف كمل ؛
يوسف : عشان دارين كانت جميلة اوي وانت لما عالجتها خليتها اجمل واجمل دلوقتي هنعمل ايه بقى ف المعجبين اللي هيظهروا كل شوية دول وانا بغير عليها وهرتكب جرائم كتير .
كلهم ضحكوا و شكروا الدكتور ومشوا وبليل كانوا محضرين سهرة وطبعا يوسف موجود قاعدين كلهم عالشاطىء ومبسوطين ولميس ف حضن دارين .
كريم : ماتغنيلنا حاجة يا يوسف .
ميريام : ايوه وانتي كمان يادارين غني مع يوسف هتعملوا دويتو حلو اوي .
يوسف : ايه ده هي دارين بتعرف تغني ؟
ديجا : صوتها رائع يابني والله احلى من صوتك اصلا.
كريم : يوسف كمان صوته حلو انتي مسمعتيش البوماته ولا ايه !
ديجا : سمعتها طبعا انا لازم اسمعها ده بقى مننا لازم اقوم بدور المخابرات .
كلهم ضحكوا يوسف بص لدارين .
يوسف : احم انسة دارين تسمحيلي اغني معاكي ؟
دارين ضحكت : اكيد يا يوسف هنغني ايه بس ؟
يوسف ابتسم : هنغني اغنية عمري ابتدى لتامر حسني .
دارين ابتسمت وبدوا يغنوا سوا والاتنين صوتهم كان رائع وعملوا دويتو اروع وديجا صورتهم فيد وهم بيغنوا سوا.
عدى 3 سنين كان عدى 5 سنين ع وجود دارين ف اميركا وهي ويوسف صحاب جدا وبيحكوا لبعض كل حاجة ويوسف برده وكريم صحاب جدا قسم التصميم كبر وبقى الاول عالميا ديجا وميريام شجعوا دارين وخلوها تعمل البوم مع يوسف وهي وافقت بدون ذكر اسمها ف الالبوم والالبوم كسر الدنيا .
نهاية الفصل الحادي عشر .