لعبة القدر
( الفصل السادس عشر )
ادم بص ليوسف بضيق وعصبية انه ازاي يخش كدة من غير مايخبط و بيكلمها ويدلعها بصفته ايه اصلا ادم لسه هيتكلم وهيروح ناحية يوسف سليم مسكه وبصله بتحذير انه يسكت وميتكلمش ادم بصله و قفل قبضة ايده بعصبية وساكت.
سامر : ايه ده يوسف عامل ايه ياحبيبي ؟
يوسف : عمي سامر انا بخير والله حضرتك عامل ايه و عمي سليم ازي حضرتك وادم ازيك ؟
سليم : بخير يابني والله.
سامر : الحمدلله ياجو .
ادم بصوت عالي شوية : كووووووويسس هكون مش كووويس ليه يعني .
يوسف ودارين وسامر بصوا لادم باستغراب ويوسف معلقش وبص لدارين وابتسم وقرب اداها كيس .
يوسف : اتفضلي ياستي الشوكلت والايس كريم اللي بتحبيهم اهوه متفكريش يعني عشان رجعنا من اميركا هبطل اجيبهملك كل يوم .
دارين شدت الكيس وبصتله ؛
دارين : انت اصلا تقدر متجيبهمليش ده انا كنت اتفقت عليك انا ولميس وانت عارف نقدر نعمل فيك ايه !
يوسف : لا وع ايه بالحسنى احسن انا مش قدكم والله.
دارين وسامر وسليم ضحكوا وادم ع اخره وبيتفرج من سكات.
سامر : ايوه خلي بالك ياجو انا بناتي وحفيدتي مش ساهلين وخاصة دودي والمصيبة ان لميس طالعة لدودي ف كل حاجة.
يوسف : ايوه يا انكل ف اميركا لميس مكانتش بتسيب دارين خالص انا لما باجي اعامل دارين او لميس بعاملهم زي بعض ف فرق سن اه بس ف توافق فكري وعقلي مقولكش ياعمي والله.
دارين ضربت يوسف ع كتفه جامد وسليم وسامر ضحكوا.
سامر : طيب هتعملوا ايه دلوقتي ؟
يوسف : مفيش انا جاي هاخد دارين ونروح عالفيلا ناخد لين ولميس ونروح ع ديجا نصحيها من النوم و بعدين نقرر هنعمل ايه ونروح فين.
دارين : ايوه دي ديجا دي هوريها النهاردة تقولي هبقى قبل منك ف الشركة وهي نايمة اصلا.
يوسف : ما دي عادتها يعني مانتي عارفاها.
دارين : ع رايك ياجو المهم تعالى ساعدني ف التصميم ده .
ادم : ويساعدك ليه هو مش مغني يفهم ايه ف التصميمات هو ؟
دارين بصت لادم ؛
دارين : يوسف اه مغني بس اخد كورسات تصميم واتعلمه عشان يبقى معايا ف الشغل واتمنى متعلقش ع اي حاجة بتخص قسمي بعد كدة عن اذنك .
وبصت دارين ليوسف ومن غير كلام خرجوا الاتنين من المكتب .
سامر وسليم بصوا لادم .
سليم لادم : اتفضل قدامي.
ادم نفخ ومشى وسليم وسامر وراه وادم راح ع مكتبه وع اخره ومعرفش يكمل شغله ونزل ركب عربيته وراح لمراد البيت .
ادم فتح شقة مراد بنسخة المفاتيح اللي مراد عاطيهاله ودخل .
ادم : مراد انت فين ؟
مراد : دووومي خش تعالى انا ف الحمام دقيقتين وجايلك اعملنا قهوة عقبال ماطلع.
ادم : شغال عندك انا ماشي ماشي .
ودخل ادم يعمل القهوة وخلصها وراح البلكونة حط الفنجانين عالتربيزة و واقف بيتفرج عالبحر لان شقة مراد بتطل عالبحر ع طول .
مراد جه خبط بقبضة ايده كلها ع ظهر ادم وقعد ومسك فنجانه وبيشرب وادم كان قاعد بيشرب قهوته برده.
مراد بعد سكات دام 5 دقايق ؛
مراد : ... مش هتقول مالك !
ادم بصله وسكت.
مراد : عارف انه بيخص دارين بس مش هسال هسيبك لما تقول لوحدك هي من ساعة ماجت شقلبتلك كيانك وانت مش عايز تعترف بغلطك ولازم تفهم ان الاعتراف بالغلط مش عيب العيب بجد انك تكمل ف الغلط ده .
ادم بصله وهز راسه وسكتوا وكملوا قهوتهم عدى شهر ودارين عايشة حياتها عادي ناجحة ف شغلها وكل يوم الغدا من ايديها ويوسف وديجا معاها طبعا بيشتعلوا كلهم سوا ولين بتخلص اخر امتحاناتها ف كلية الصيدلة وبتروحلهم عالشركة بتساعدهم برده لانها واخدة كورسات تصميم كانت نهاية موسم الشتاء و دارين خدت الجائزة العالمية للمرة الخامسة ع التوالي ف مجالها وهو التصميم سامر اصر انه يعملها حفلة كبيرة ف جنينة عالبحر وكان مجهز الياخت عشان بعد الحفلة ماتخلص ياخدوا الياخت ويطلعوا لنص البحر شوية عشان دارين بتعشق البحر وهتحب ده جدا وهتفرح الساعة 7 سليم وكاميليا وادم ومراد كانوا ف الجنينة سامر وسليم حضنوا بعض جامد .
سليم : مبروك علينا نجاح وردتنا ياسامر.
سامر : ايوه ياسليم مبروك علينا انت ابوها برده وليك فيها زي مانا ليا فيها واكتر دارين اتولدت ع ايدك انت اللي كنت موجود وقت ولادتها وقت ماكنت انا مسافر .
عائشة وكاميليا واقفين جنبهم ومبتسمين.
عائشة : طبعا ياسامر سليم وكاميليا ليهم فيها اكتر مننا.
كاميليا : ربنا يديم صداقتنا دي لاخر عمرنا.
سامر وسليم وعائشة ف صوت واحد : امين يارب العالمين ❤❤
ادم ومراد سلموا ع سامر وعائشة .
سليم : اومال فين وردتي !
سامر ضحك وبص لعائشة .
عائشة ابتسمت : بتجهز ست لميس.
سليم : طب معقول سايبينها لوحدها كدة ؟
سامر : لا هي وديجا ولين وميريام ومعاهم كريم ويوسف هيجيبوهم ويجوا.
ادم قفل قبضة ايده لما سمع اسم يوسف مراد خد باله طبطب ع ظهره براحة علامة انه يهدى يعني ادم بصله واخد نفس و دور وشه .
شوية سمعوا صوت كلاكسات عربيات بصوا كانت عربية كريم وعربية يوسف وعربية دارين ادم شاف ده فرح اوي ان دارين جاية بعربيتها .
كريم وميريام نزلوا من عربيتهم وعربية يوسف نزل منها يوسف ولين وعربية دارين نزلت دارين وديجا ولميس طبعا لابسين فساتين ومظبطين نفسهم دارين كانت جميلة اوي فستانها فوق الرائع تكاد تكون حاطة ميكاب شعرها الطويل مفرود ادم شافها وقف مكانه مبلم ومصدوم مش عارف يتحرك خطوة واحدة جمالها كان غير طبيعي سليم وسامر وعائشة وكاميليا وحتى مراد اتصدموا من جمال دارين مكانوش متوقعين ف يوم من الايام ان دارين المشوهة تبقى جميلة كدة دارين كل مدى بتحلى اكتر من الاول.
فستان دارين :
أنت تقرأ
لعبة القدر ❤️
Romanceنفذ الحبر ونفذ الورق ..نفذ كل الصبر لا يمكن وجود بداية جديدة .. كان هناك اختياران ؛ اما ان اضع نقطة لنهاية كل شئ ولن نلتقي بعدها ابدا او .. او حرف ف سطر جديد لنصنع حكايات وحكايات ولكن ها انا هنا احدثك عن الماضي فانت تعلم ماذا اخترت ..🖤!'.
