لعبة القدر
( الفصل الواحد والعشرون )
الكل مصدوم وادم مندهش بس مبسوط ان اخيرا هيبقى عنده طفل ومش بس كدة لا ده كمان من البنت الوحيدة اللي حبها ف حياته كلها وكدة هيكون ف رابط قوي يربط دارين بيه العمر كله.
سامر والكل مصدومين طبعا ؛
سامر : حامل ازاي يادكتور ؟
الدكتور : يعني ايه حامل ازاي هي مش متجوزة !
سامر : ايوه متجوزة بس....
سليم : خلاص شكرا يادكتور.
الدكتور هز راسه ومشى .
سامر بص لسليم ؛
سامر : حامل ازاي ياسليم ازاي انا مربي بنتي كويس ومستحيل تعمل حاجة غلط ازاي !!
ادم : ايه اللي حضرتك بتقوله ده دارين اشرف وانقى بنت قابلتها ف حياتي .
كاميليا : اومال تفسر ازاي حملها ده وانتو مش مع بعض ؟!
ادم : مين قالكم اننا مش مع بعض .
الكل بصله بصدمة ؛
سليم : تقصد ايه ؟
ادم : اقصد ان اللي ف بطنها ده ابني انا ودارين.
سامر اتصدم : نعمممممم ازاي حصل ده امتى وفييين !
ادم : واحنا ف شرم وبعدين مال حضرتك متعصب ليه كدة دي مراتي ع فكرة.
سامر : وكانت هتتطلق منك.
ادم : وادي ربنا ليه خطة تانية ومش عايزنا ننفصل وانا مش هتخلى لا عن ابني ولا عن دارين دي مراتي وحامل ف ابني عن اذنكم بقى اخش اطمن ع مراتي.
وسابهم ادم ودخل لدارين كانت نايمة ابتسم و قرب منها وقرب باس راسها وبعد هي فتحت عيونها وبصتله ؛
ادم : حمدلله ع سلامتك ياحبيبتي .
دارين بصوت خافت وتعبان : الله يسلمك.
ادم ابتسم الباب خبط والعيلتين دخلوا دارين شافت الضيق ف عيون سامر عائشة قربت حضنت دارين ؛
عائشة : حمدلله ع سلامتك ياوردة مامي .
دارين ابتسمت : الله يسلمك يامامي.
دارين بصت لسامر ؛
دارين : ايه يا بابا واقف بعيد ليه ؟
سامر بصلها بضيق : انتي ليه مقولتلناش انك رجعتي لجوزك ؟
دارين بصت لادم باستغراب وبصت لسامر ؛
دارين : بس انا مرجعتلهوش وبعد اللي حصل النهاردة انا لازم اطلق .
سامر : ازاي مرجعتلهوش اومال اللي ف بطنك ده جه منين !!
دارين مصدومة وبتحاول تستوعب : ايه اللي ف بطني !!!!!!
ادم مسك ايد دارين وباسها وبصلها وابتسم ؛
ادم : دارين حبيبتي انتي حامل ف ابننا
دارين : اييييييه !.
ادم : ايوه ياحبيبتي زي مابقولك كدة.
دارين شدت ايديها من ادم وحطتها ع بطنها وبدات تفتكر لحظات حملها الاولاني وازاي ادم ورؤى حاولوا يجهضوها عيونها رغرغت بالدموع غمضت عنيها جامد وفضلت تصرخ وتعيط بهسترية سليم وديجا و ميريام وكريم ويوسف ولين الوحيدين اللي كانوا عارفين اللي حصل زمان طبعا فبالتالي فاهمين اللي دارين فيه لكن سامر وعائشة وكاميليا وادم مش فاهمين ف ايه ؟
ميريام جريت ع اختها واخدتها ف حضنها ؛
ميريام : دارين اهدي عشان خاطري اهدي .
دارين بصريخ : لاااااا هيموتوه زي الاولاني لاااااااا مش عايزة البيبي ده مش عاايزااااااااااه ،
دارين كانت بتعيط بهسترية ادم كان بيحاول يهديها بس لما سمع اللي قالته اتصلب مكانه .
كريم كان طلب الدكتور والدكتور والممرضات جم واعطوا دارين مهدأ ودقايق صغيرة وكانت نامت اثر المهدأ والدكتور طلعهم كلهم برا .
سامر بص لادم ؛
سامر بصوت قوي : دارين تقصد ايه باللي قالته ده يا ادم ؟؟
ادم : مش عارف ياعمي .
سامر : يعني ايه مش عارف دارين بتقول هيموتوه زي الاولاني يعني الاولاني حد موته ومفيش غيرك انت والحرباية مراتك.
سليم بص لسامر وعايز يخلص الموضوع عشان مينفعش الموضوع ده يتكشف قدامهم ؛
سليم : سامر اهدى شوية انت عارف كويس ان اليوم ده ادم كان معانا ف الشركة و كان معانا ف الاجتماع كمان لما الخبر جه فلو سمحت متقولش كلام تندم عليه بعدين دارين بتقول اي كلام من صدمتها انها حامل تاني انت عارف ان الحمل الاولاني كان صدمة كبيرة ليها وبعدين هي حامل من جوزها يعني معملتش حاجة غلط ده جوزها وهي مراته ع سنة الله ورسوله وربنا فعلا ممكن يكون عمل كدة لسبب احنا مش عارفينه دلوقتي ياريت نهدى عشان نطمن ع بنتنا دلوقتي.
أنت تقرأ
لعبة القدر ❤️
Romanceنفذ الحبر ونفذ الورق ..نفذ كل الصبر لا يمكن وجود بداية جديدة .. كان هناك اختياران ؛ اما ان اضع نقطة لنهاية كل شئ ولن نلتقي بعدها ابدا او .. او حرف ف سطر جديد لنصنع حكايات وحكايات ولكن ها انا هنا احدثك عن الماضي فانت تعلم ماذا اخترت ..🖤!'.
