لعبة القدر
( الفصل الثاني عشر )
ادم طبعا كان اتخرج من كلية الهندسة هو ومراد وبقى ناضج وناجح جدا وكان متابع اخبار قسم التصميم اللي ديجا ودارين مسكينه طبعا دارين وديجا كمان اتخرجوا من كليتهم وبقوا مصممين سامر وعائشة كانوا نفسهم يشوفوا دارين وهيتجننوا عشان عالاقل تفتح الفيد كول ويشوفوها من الكاميرا طالما هي مش عايزة تنزل مصر وسليم ع طول بيكلمها وكاميليا برده بالنسبة لرؤى كانت عايشة حياتها عادي وسفر وشوبينج لين بقى بنت اخت الدادة مروة كانت سافرت لدارين دارين خدتها عندها اميركا وخليتها تدرس هناك لان دارين كانت بتعتبر لين اختها اللي مامتها مولدتهاش لان لين متربية معاها وزي ماقولنا دارين وميريام كانوا واخدين فيلتين جنب بعض عالشاطىء وده طبعا عشان دارين وديجا ف بيتهم يكونوا واخدين راحتهم لين كانت معاهم طبعا مكانوش بيعاملوها كخادمة لا خالص بيعاملوها كانها صاحبتهم وزيها زيهم لين كانت ف اخر سنة كلية صيدلة .
ف يوم سامر كان ف مكتبه شغال وكان مش مظبوط ادم خبط ودخل .
ادم : عمي عايز توقيعك عالاوراق دي .
سامر كان ع طول بيكلمه ع قد السؤال فقط.
سامر هز راسه وخد الورق و وقع عليه ادم كان بيراقبه وشايفه مش مظبوط سامر خلص توقيع ادم خد الورق وبصله .
ادم : عمي حضرتك كويس ؟
سامر : كويس اتفضل انت ع شغلك .
ادم هز راسه وخرج راح لسليم خبط ودخل .
ادم : بابا عمي سامر شكله تعبان .
سليم : تعبان ليه ماله ؟
ادم : معرفش دخلتله يوقعلي شوية اوراق كان تعبان وصوته مش كويس .
سليم قام وراحله وادم وراه دخلوله سليم قربله .
سليم : مالك ياسامر فيك ايه ؟
سامر : مفيش يا سليم شوية تعب بس .
سليم : شكلك تعبان قوم معايا نروح للمستشفى.
سامر : لا مفيش داعي للمستشفى .
سليم : يعني ايه مفيش داعي قوم اتفضل يلا .وسنده هو وادم و نزلوا الجراج ركبوه العربية وركبوا وادم هو اللي بيسوق واتحرك راح عالمستشفى الدكاترة خدوا سامر يعملوله فحوصات كاملة ادم كلم عائشة وكاميليا وقالهم وبعد نص ساعة كانوا ف المستشفى جريوا بسرعة عليهم .
عائشة بخوف : ماله سامر ايه حصله ياسليم ؟
سليم : متخافيش ياعائشة سامر كويس اهدي بس الدكتور هيطلع يطمننا دلوقتي .
وبص لكاميليا وكمل : هو انتو مين قالكم .
ادم : انا يابابا.
سليم : وانت لازم تقلقهم يعني يا ادم.
ادم سكت وشوية والدكتور خرج .
الدكتور : اطمنوا ياجماعة ده مجرد هبوط هو مأكلش حاجة واحنا علقناله محاليل لازم يهتم بأكله اكتر من كدة شوفوا ايه اللي مضايقه وحلوه.
سليم هز راسه.
سليم : طيب يادكتور ممكن ندخله طيب نشوفه ؟
الدكتور : اكيد اتفضلوا .
كلهم دخلوله عائشة قعدت جنبه.
عائشة : كدة ياسامر توقع قلبي عليك وتقلقنا كلنا عليك .
سامر : انا اسف ياحبيبتي بس .....
سليم : بس ايه ياسامر ؟
سامر : دارين وحشتني اوي اوي وميريام كمان ولميس بس دارين ......نفسي اشوفها اوي ياسليم اوي .
سليم بصله وعيونه دمعت : مين سمعك ياسامر انا كمان هتجنن عليهم وخاصة دارين .....طيب ايه رايك نسافرلها.
ادم :....او هي تيجي .
كلهم بصوله .
سامر : ازاي !؟؟
ادم : بابا ممكن دلوقتي يتصل يقولها ان حضرتك تعبان جدا و قلبك واجعك تاني وطالب تشوفها ضروري وهي اكيد مش هتتأخر.
سليم وسامر بصوا لبعض .
سليم : والله فكرة ايه رايكم ؟
عائشة : انا موافقة انا نفسي اشوف بنتي اوي .
سليم : خلاص يبقى ننفذ.
سكتهم كلهم واتصل بكريم وميريام مكالمة جماعية واتصل بدارين بس فونها مقفول لما ميريام وكريم ردوا شغل الاسبيكر .
كريم : عمي سليم ازي حضرتك واحشني جدا والله .
ميريام : انكل وحشتني جدااااا.
سليم : ازيكم ياولاد عاملين ايه ؟
ميريام : الحمدلله بخير حضرتك وكلكم عاملين ايه؟
سليم : مش كويسين ياحبيبتي مش كويسين .
ميريام بقلق : ليه يا انكل ف حاجة حصلت ولا ايه ؟
سليم : قوليلي الاول فين دارين ؟
كريم : يوسف جه اخدها هي وديجا ولميس ولين وراحوا الملاهي .
ادم سمع اسم يوسف استغرب لانه ميعرفش مين يوسف ده.
سليم : طيب اسمعوني كويس .
كريم : مع حضرتك .
سليم : سامر هيتجنن دلوقتي عشان يشوف دارين ومبياكلش وحاليا احنا ف المستشفى معلقينله محاليل واحنا نفسنا دارين تنزل مصر عايزينكم تقولولها ان قلب سامر واجعه ومضطر يخش عمليات تاني ونفسه يشوفها ضروري تقدروا تعملوا كدة.
ميريام : بس يا انكل حضرتك عارف ان دارين مش عايزة ترجع تاني .
كريم : بس ياميريام هي مش هتفضل طول عمرها بعيد عمي وطنط لازم يشوفوها برده خلاص يا عمي سليم احنا مع حضرتك وهننفذ.
سليم : طيب انا واثق فيكوا.
ميريام : طب ممكن اكلم بابا يا انكل .
سليم : اه اكيد اتفضلي يابنتي .
واعطى الفون لسامر وكلمته وشوية وقفلوا .
سامر بص لسليم : مش مصدق امتى تيجي بقى هموت واشوفها واضمها لحضني.
سليم : وانا كمان ياسامر والله.
شوية وخرجوا من المستشفى و وصلوا سامر وعائشة الفيلا وهم كمان رجعوا فيلتهم دخلوا وقعدوا ادم بص لسليم .
ادم بتردد : بابا ممكن اسال ع حاجة ؟
سليم : اسال .
ادم : ......هو مين يوسف ده ؟
سليم بصله : يهمك تعرف ؟
ادم : انا بسال بس دارين ف الاول وف الاخر مراتي برده .
سليم بصله : ده مغني دارين اتعرفت عليه من صف الجيتار من 4 سنين يعني بعد ماسافرت بسنة وبقوا صحاب جدا وهو شخص كويس.
ادم : يعني بينهم حاجة ؟
سليم : لو فكرت بالطريقة دي تاني هتقطع اخر ذرة ثقة متبقيالك ف قلبي انت عارف تربية دارين ومهما حصل مستحيل تفكر ف راجل وهي ع ذمة راجل تاني حتى لو فعلا حبته مستحيل تفكر فيه طول ماهي ع ذمتك .
ادم : معاك حق يابابا انا اسف .
سليم قام وقف : وياريتك لما تنزل تطلقها بقى خلاص كفاية كدة البنت لسه صغيرة ومن حقها تشوف نصيبها بدل ماحالها واقف كدة.
وسابه سليم وطلع اوضته ادم اخد نفس وبيفكر ف دارين هي من ساعة ماسافرت وهو حاسس ان ف حاجة ف حياته ناقصة ومتابع اخبار قسم التصميم و مبسوط لنجاحها واستغل تعب سامر ده عشان يخليها تيجي ويشوفها هو مبقاش يفكر ف الشكل زي الاول لانه نضج وشايف كمان ان رؤى عايشة حياتها وشوبينج وسفر وكل حاجة ومش زي اي زوجة وهو مش عايز يطلقها مش عايز يعترف انه غلط غلطة كبيرة لما اختارها وعنده امل انها تتعدل و توافق كمان ع طلبه انهم يجيبوا بيبي .
دارين بعد مارجعت هي ولين وديجا ولميس ويوسف وداخلين بيت ميريام وكريم لقوهم قاعدين ومضايقين .
دارين : ايه مالكم قاعدين كدة ليه ف ايه !!!
ميريام مسحت دموعها .
كريم : بصراحة كدة يادارين .......عمي سامر تعبان جدا وقلبه وجعه تاني وهيدخل عمليات وطالب يشوفكم ويشوفك انتي بالذات .
دارين اتصدمت وقفت مكانها ودموعها بدات تنزل.
ميريام قامت قربت منها ؛
ميريام : حبيبتي احنا عارفين انك مش عايزة تنزلي مصر خليكي محدش هيضغط عليكي احنا حجزنا لينا وهننزل مصر نطمن ع بابا صح ياكريم.
كريم : ايوه هي مش مضطرة تنزل وتواجه ادم من اول وجديد خليها واحنا هننزل نشوف عمي سامر وهنبقى نطمنها.
دارين بصتلهم : متقرروش عني انتو فاهمين انا هنزل مصر اشوف بابا هو عندي اهم من اي حد لازم اشوفه واطمن عليه ؛
ومشيت وراحت الفيلا عندها ولميس جريت وراها ديجا بصتلهم بشك .
ميريام غمزتلها ديجا فهمت وخدت نفس وراحت وراها هي ولين يوسف بصلهم .
يوسف : انا خايف عليها من مواجهة ادم .
ميريام : خلاص تعالى معانا انت ليك تاثير عليها وهتقويها ومش هتخليها تضعف.
كريم بصلها باستغراب فغمزته.
يوسف : انا معنديش مانع هروح البيت احضر شنطتي ونتقابل ف المطار انا هحجز طيارة خاصة لينا كلنا عشان ناخد راحتنا اكتر.
كريم : طيب ماشي.
مشى يوسف كريم بص لميريام.
كريم : افهم طيب بتعملي ايه !
ميريام : ادم ميعرفش طبيعة العلاقة بين يوسف ودارين ولما هيشوف طريقتهم تلقائي هيغير وهيفكر انهم اكتر من صحاب ده غير ان دارين شكلها بقى طبيعي وكمان صوتها رجع و ادم ميعرفش بكل ده .
كريم ضحك : ان كيدهن عظيم .
ميريام : طبعا يابني .
ضحكوا وراحوا حضروا حاجتهم ف الفيلا التانية ديجا ولين برده جهزوا حاجتهم عشان يروحوا معاها وجهزوا كل حاجة ركبوا العربيات وراحوا المطار يوسف شافهم راحلهم .
يوسف : يلا انا خلصت كل الاجراءات والطيارة جاهزة .
دارين : جو انت بتعمل ايه هنا ؟
يوسف : هاجي معاكي.
دارين : بس.....
يوسف : مفيش بس انا لازم ابقى معاكي يلا بينا.
دارين اخدت نفس وراحوا كلهم ركبوا الطيارة واتحركوا ع مصر ...
نهاية الفصل الثاني عشر .
أنت تقرأ
لعبة القدر ❤️
Romanceنفذ الحبر ونفذ الورق ..نفذ كل الصبر لا يمكن وجود بداية جديدة .. كان هناك اختياران ؛ اما ان اضع نقطة لنهاية كل شئ ولن نلتقي بعدها ابدا او .. او حرف ف سطر جديد لنصنع حكايات وحكايات ولكن ها انا هنا احدثك عن الماضي فانت تعلم ماذا اخترت ..🖤!'.
