لعبة القدر
(الفصل العاشر)
عدى شهرين ومفيش اي اخبار عن دارين سامر وعائشة وسليم قلقانين ونفسهم يسمعوا صوتها وميريام وكريم بيطمنوا ع دارين من ديجا وادم بقى عادي عشان اقنع نفسه انها متهمهوش وان الورث ف الاخر هيبقى ليه وان دارين بقى تموت تعيش مهما يحصلها ميهمهوش .
دارين طول الشهرين كانت ف المستشفى ومهتمين بيها جدا عشان اللي حصلها مكانش سهل اخيرا خرجت من المستشفى و راحت بيتها هي وديجا اللي اشتروه ف اميركا كان بيطل عالشاطىء بعد يومين من خروجها للبيت اتصلت مكالمة جماعية بسليم وسامر اتصلت ف الوقت اللي هي عارفة ان سليم هيبقى عند سامر ف الفيلا كالعادة عشان يسهروا سوا طبعا ادم مكانش موجود طبعا ومع مراته المهم لما فوناتهم رنت بصوا فيها واندهشوا لما لقوا اسم دارين بصوا لبعض وفتحوا بسرعة .
سامر : دارين حبيبتي وحشتيني اوووووي انتي كويسة طمنيني عليكي ياحبيبتي .
سليم : حبيبتي قوليلي خفيتي وبقيتي تمام طمنينا عنك احنا هنتجنن عليكي .
دارين : انا كويسة والله قولت اطمنكم عليا .
عائشة شدت الفون من سامر ؛
عائشة بعياط : حبيبتي افتحي الكاميرا عايزة اشوفك عشان خاطري .
دارين : ماما ارجوكي لا انا مش عايزة لا اشوفكم ولا تشوفوني .
عائشة : ياحبيبتي بس ....
دارين بدموع : ماما ارجوكي متخلنيش اضعف انا نفسي ابدا حياة جديدة بقى انا تعبت ولو شوفت حالتك هرجع ف اول طيارة.
سامر اخد نفس وضم عائشة لحضنه ؛
سامر : خلاص ياعائشة سبيها ع راحتها .
كاميليا شدت فون سليم ؛
كاميليا : حبيبتي طمنينا عنك عاملة ايه وليه اتاخرتي كل ده عقبال ماتكلمينا انتي بقالك شهرين منعرفش عنك حاجة !.
دارين : كنت ف المستشفى ياطنط المستشفى مسمحتليش بالخروج الا لما بقيت كويسة عالاخر.
سليم : يعني انتي بقيتي كويسة دلوقتي ؟
دارين : ايوه يا انكل متقلقش .
كلمتهم كتير اوي وتقريبا قضت معاهم السهرة عالفون وطبعا ديجا كانت دخلت ف الحوار وضحكتهم كالعادة وهم اطمنوا ع دارين لما سمعوا مشاغبة دارين و ديجا سوا .
سليم وكاميليا خلصوا سهرتهم ورجعوا الفيلا ادم ورؤى كانوا سهرانين بيتفرجوا عالتليفزيون سليم وكاميليا دخلوا سليم كان بيعامل رؤى بقرف وضيق وبيكلم ادم ع قد السؤال فقط بس هو كان مزاجه حلو عشان اطمن ع دارين فكان داخل وهو مبتسم ومبسوط سليم وكاميليا قعدوا .
كاميليا : مساء الخير ياولاد ايه سهرانين ليه لحد دلوقتي ؟.
ادم : مساء النور ياماما .. سهرانين بنتفرج ع فيلم رومانسي .
كاميليا : طيب انا هطلع انام بقى عشان مرهقة جدا تصبحوا ع خير .
ادم و رؤى وسليم : وانتي من اهله.
كاميليا بصت لسليم ؛
كاميليا : حبيبي مش هتنام ولا ايه !
ابتسمت وكملت : واضح انك هتفضل سهران ومش هيجيلك نوم مانت ماصدقت اطمنت ع دودي.
سليم ابتسم واتكلم بارتياح : طبعا انا كنت هموت واطمن عليها والحمدلله اطمنت عليها واطمنت اكتر من وجود ديجا جنبها ومعاها .
ادم كان سامع الحوار بصلهم ؛
ادم : هي دارين كلمتكم ؟
سليم بصله : اه كلمتنا واطمنا عليها .
ادم : طب كويس معرفتوش هي فين ؟.
كاميليا : محدش يعرف نهائي بس دارين مبتخبيض حاجة عن سليم واكيد هتقوله .
سليم ابتسم ؛
سليم : تصبحوا ع خير .
وقام طلع الاوضة وكاميليا وراه ادم نفخ رؤى بصتله بضيق .
رؤى : ايه مالك بتنفخ ليه ولا تكون عايز تعرف مكانها وتروحلها !
ادم : لا ياحبيبتي مقصدش هي بس عشان اسمها مكتوب ع اسمي نفسي اطلقها بقى عشان اخلص!
رؤى : مش مهم هي مش شغلانت اصلا.
عدى سنة ودارين كانت كل مدى بتتبسط بحياتها اكتر وبتهتم بهواياتها وبتعمل كل حاجة بتحبها وديجا معاها مشاركاها كل حاجة دارين كانت ع طول بتكلم العيلة كلها وبيهزروا وهم كل مدى بيفرحوا اكتر لما بيلاقوا صوتها مليان حيوية وضحك بس مكانتش بترضى تكلمهم فيد كول خالص وادم كان ع طول يعرف انهم بيكلموها بس مفكر انهم بيكلموها فيد كول لانه ميعرفش انها صوتها رجعلها ومحدش يعرف انها ف اميركا غير سليم وسامر وكريم وميريام.
ادم بقى مركز ف شغله جدا وف دراسته كمان لانه مهندس واعتذر لمراد ورجعوا زي الاول واحسن وكان كل مايقرب من مراد اكتر كل مايبعد عن رؤى والشلة بتاعتها.
رؤى مكانش هاممها اصلا وكل حياتها شوبينج وسفر مع صحابها.
ديجا ودارين مع الدراسة سامر وسليم فتحولهم قسم للتصميم ف فرع شركتهم ف اميركا بحيث انهم يشتغلوا فيه ويكبروه بدل ماينفصلوا عنهم ودارين وديجا نجحوا ف انهم يكبروا القسم ويخلوا اسم الشركة من الاسماء العالمية .
كريم جاله شغل ف اميركا اخد ميريام ولميس وسافر واخدوا الفيلا اللي جنب دارين وديجا وبقوا مع بعض ولميس كانت متعلقة بدارين جدا.
زي ماقولنا دارين وديجا كانوا مهتمين بهواياتهم الرسم والعزف عالجيتار والدرامز دارين كان صوتها حلو ف الغناء جدااا بس محدش يعرف ده خالص غير كريم وديجا وميريام فقط سليم وسامر والباقي محدش يعرف ف يوم دارين كان عندها شغل كتير أجلت تمرين الجيتار لوقت تاني مع جروب تاني غير جروبها طبعا .
دارين راحت وهي داخلة مستعجلة خبطت ف حاجة نشفة فكانت هتقع لانها خفيفة هو لحقها بسرعة هي رفعت نظرها ليه وبصتله .
يوسف بابتسامة "المحادثة بالانجليزي" : مش تخلي بالك ؟.
دارين : اها اسفة جدا كنت مستعجلة فمخدتش بالي .
يوسف : ولا يهمك ....انتي مين بقى اول مرة اشوفك هنا ؟
دارين : انا باجي ع طول بس ف جروب (......) بس عشان مقدرتش اجي ف المعاد بتاعي جيت ف الجروب ده .
يوسف : اها فهمت ....
ديجا جت وبتتكلم عربي ؛
ديجا : دوووودي مين ده ؟
دارين : معرفش واحد خبطت فيه .
ديجا وهي باصة ف مكان تاني بعيد عن يوسف؛
ديجا : بس قمر اوي يخربيته بجد ياريتني انا الاتخبطت بدالك اااه يابنت الايه محظوظة اوي .
دارين ضحكت ؛
دارين يابنتي بس بقى .
ديجا : الله انا عملت ايه دلوقتي ده انا حتى مش بصاله عشان ابان تقيلة.
دارين ضحكت جامد يوسف كان متابع الحوار وكاتم ضحكته بالعافية .
يوسف مد ايده و اتكلم بالعربي ؛
يوسف : اتشرفت بيكم انا يوسف .
دارين وديجا بصوا لبعض بصدمة وديجا وشها جاب الوان ودارين هتموت من الضحك .
ديجا بصتله : ااااااا انا اااا .......
ديجا بصت لدارين وطلعت تجري .
دارين قعدت تضحك بصت ليوسف .
دارين : مش تقول انك بتتكلم عربي طيب بدل ماكسفتها كدة .
يوسف ضحك : انا اسف بقى معرفش انكم عرب...صحيح انتو منين .
دارين : من مصر وانت ؟
يوسف : صدفة جميلة اوي انا كمان من مصر.
دارين : بجدد طب حلو اوي .
يوسف مد ايده : انا يوسف .
دارين ابتسمت وحطت ايديها ف ايده : انا دارين والمجنونة التانية خديجة وبنقولها ديجا .
يوسف ابتسم : اتشرفت بيكم جدا بجد واتمنى نكون صحاب .
دارين : اكيد طبعا والشرف ليا والله ....احم بعد اذنك بقى هروح اشوف المجنونة دي .
يوسف ضحك : اكيد اتفضلي .
مشيت دارين ويوسف بص عليها لحد ماختفت من قدامه ومبتسم ...
نهاية الفصل العاشر.
أنت تقرأ
لعبة القدر ❤️
Romanceنفذ الحبر ونفذ الورق ..نفذ كل الصبر لا يمكن وجود بداية جديدة .. كان هناك اختياران ؛ اما ان اضع نقطة لنهاية كل شئ ولن نلتقي بعدها ابدا او .. او حرف ف سطر جديد لنصنع حكايات وحكايات ولكن ها انا هنا احدثك عن الماضي فانت تعلم ماذا اخترت ..🖤!'.
