لعبة القدر
( الفصل الخامس )
ادم اتصدم ، ادم : ايييييييه انت بتقول ايه انا اتجوز الزبالة اللي اسمها دااااااارييين !!
كاميليا : ايه الانت بتقوله ده ياسليم انا بحب دارين اه وهي بنت متربية بس هي مش مناسبة لابني.
سليم : يعني انتي بتختاري البت اللي جايبهالنا من الشارع دي عشان جميلة ومش متربية وتسيبي المتربية عشان ربنا مخلي شكلها وحش انتي ازاي بتفكري كدة دي لو كانت بنتك كنتي هتقولي كدة ؟
كاميليا بصتله وسكتت لانه معاه حق هي لو بنتها مكانتش هتقول كدة.
ادم بص لابوه : انت عايزني اتجوز واخلف هعمل كدة هتجوز رؤى واخلف منها واجبلك حفيد بس مش هتجوز دارين دي شكلها مقزز وانا مبطيقهاش اصلا انت كأنك بتقول ابليس داخل الجنة .
سليم : ده اخر كلام عندي الوصية اتوثقت ف المحكمة خلاص ومش هتتغير بعد موتي لازم تتجوز دارين عشان تاخد كل حاجة والا ساعتها كل الاملاك هتكون باسم دارين زي مالوصية بتقول.
ادم اتعصب : انت شكلك كبرت وخرفت وانا هرفع عليك قضية واقول انك مبقيتش أهل انك تكون مسئول عن الاملاك والفلوس دي .
سليم : اعمل كدة وساعتها الكشف الطبي هيتعملي وكل كلامك هيتثبت عكسه وساعتها انت اللي هتتحبس عشان كنت بتحاول تخدع الحكومة.
كاميليا : ايه ياسليم هي وصلت للدرجادي هتحبس ابنك يا سليم ده ابنك من لحمك ودمك وانت اللي مربيه.
سليم بص لكاميليا : معاكي حق ياكاميليا ابني اللي من لحمي ودمي وانا اللي مربيه بس اللي واقف قدامي ده مش ابني ده شيطان ؛ سليم بص لادم اللي دماغه هتنفجر من التفكير ومتعصب .
سليم : انا قولت اللي عندي ادعي بقى ان ربنا يطول ف عمري عشان لو موتت انت هتضطر تتجوز دارين . ولف وهيمشي وقف تاني ولف لادم وبصله
سليم : صحيح يا ادم نسيت اقولك تلقائيا الاملاك هتروح لدارين لو مكانتش دارين الزوجة الاولى ليك انا كنت حريص اني احطه شرط من شروط الوصية . وابتسم سليم ودخل مكتبه
ادم حط ايده ع راسه ومش عارف يفكر خالص كاميليا هتقرب منه
كاميليا : حبيبي اهد..........
ادم زعقلها : ملكيش دعوة بيا متقربليش انتي فاهمة . وسابها وخرج ركب عربيته ومشى اتصل برؤى .
رؤى : ايه يابيبي لحقت اوحشك احنا لسه كنا مع بعض.
ادم : رؤى ف مصيبة لازم اشوفك فورا .
رؤى قلقت من صوت ادم
رؤى : ف ايه ياحبيبي مالك !
ادم : انتي فين وانا جايلك.
رؤى : انا ف شقتي الانت جايبهالي.
ادم :طيب انا جاي سلام . ومستناش ردها وقفل ف وشها .
رؤى : ياترى ف ايه يا ادم لما نشوف اخرتها معاك .
ادم وصل تحت بيت رؤى ركن العربية وطلعلها خبط وفتحتله وهتحضنه بعدها ودخل قعد هي استغربت وقفلت الباب ودخلت وراه .
رؤى : مالك يا ادم ف ايه ؟.
ادم بصلها وحكالها اللي حصل رؤى اتصدمت وفضلت ساكتة بتستوعب الصدمة .
ادم : بس كدة وانا مش عارف اعمل ايه ؟.
رؤى بعد سكات طويل بصتله ؛
رؤى : ادم انت لازم تتجوز دارين .
ادم بصلها : نعمممممم انتي بتقولي ايه .
رؤى : اهدى بس ياحبيبي واسمعني مش باباك مفكر نفسه ذكي اوي ماشي انت دلوقتي زي مانت لما يموت انت هتتجوز دارين وهتخلف منها وتاخد الاملاك وساعتها تطلقها ونتجوز انا وانت والطفل نبقى نخلص منه او نسيبه عادي يعني المهم انه ف الوصية كاتب انها تبقى الزوجة الاولى واحنا هنخليها الزوجة الاولى زي ماهو عايز .
ادم بتفكير : صح معاكي حق انا مش عارف انتي دماغك كدة ازاي ، مسك ايديها وباسها وقال : انا بجد مش عارف من غيرك كنت هعمل ايه ياحبيبتي ربنا يخليكي ليا .
رؤى ضحكت بدلع : ويخليك ليا ياحبيبي انا ليا مين غيرك بس عشان اقف جنبه .
ادم خلص قعدته مع رؤى ورجع الفيلا طلع اوضته من غير مايتكلم مع حد خالص ونام تاني يوم صحى اخد شاور ولبس ونزل سليم وكاميليا كانوا بيفطروا .
ادم : انا موافق.
سليم بصله : موافق ع ايه ؟.
ادم : اني اتجوز دارين.
سليم ابتسم ومتصدمش ولا حاجة لانه عارف ابنه بيفكر ازاي.
سليم : طب كويس تعالى اقعد افطر بقى .
ادم جه وقعد وبدا يفطر وكاميليا ساكتة بتفكر هي بتحب دارين وكل حاجة بس هي زيها زي اي ام عايزة لابنها بنت جميلة شكلا وموضوعا .
عدت الايام وسليم سايب ادم ع راحته خالص وديجا ودارين مسحولين ف المذاكرة عشان ثانوية عامة بقى وكدة وجه يوم مشئوم سامر كان ف الشركة وكان مستني مكالمة من مدير الشئون القانونية يقوله ان الطلبية الجديدة وصلت المخزن الطلبية دي كانت مهمة لانها لصفقة كبيرة جدا ولازم ميكونش فيها اي غلط المهم الساعة 5 المغرب فون سامر رن كان مدير الشئون القانونية .
سامر : ايوه يافتحي طمني ؟
فتحي : سامر بيه الحقنا ياسامر بيه بعد مالطلبية وصلت المخزن لسه هنمشي المخزن ولع كله بالطلبية كلها ياسامر بيه .
سامر اتصدم والفون وقع من ايده و قعد عالكرسي وقلبه بدا يوجعه جامد والدنيا لفت بيه ومحسش بنفسه .
بعد شوية السكرتيرة داخلة المكتب لقت سامر واقع عالارض جريت عليه .
السكرتيرة : سامر بيه فوق ياسامر بيه سامر بيه مالك .
سامر مكانش بيفوق مسكت الفون واتصلت بالاسعاف وجم خدوه ونقلوه للمستشفى طبعا سليم شريك سامر ف كل حاجة بس اليوم ده سليم مراحش الشركة النائب بتاع سليم اتصل بيه وحكاله اللي حصل ف المخزن وحكاله اللي حصل لسامر سليم اتصدم ورمى الفون من ايده وطلع يجري زي المجنون ركب عربيته وعالمستشفى ع طول كاميليا نزلت من فوق وهو بيرمي الفون وفضلت تنادي عليه بس هو من صدمته مسمعهاش مسكت الفون وردت ع النائب وقالها اللي قاله لسليم قفلت معاه واتصلت بادم وحكتله اللي حصل ادم جالها وجه اخدها وراحوا عالمستشفى سليم كان راح لقى عائشة وميريام وكريم ودارين وميريام ودارين وعائشة منهارين من العياط دارين اول ماشافت سليم جريت عليه حضنته جامد وفصلت تعيط سليم حضنها وبيطبطب عليها
سليم والدموع ف عنيه : بس ياحبيبتي اهدي بابي هيبقى كويس والله بس انتي خليكي قوية .
دارين هزت راسها سليم باس ميريام من جبينها وطبطب ع كتف عائشة كاميليا وادم جم كاميليا حضنت عائشة وادم وقف جنب كريم و قعدوا كلهم مستنين الدكتور يطلع الدكتور طلع اتلموا عليه كلهم.
سليم : خير يادكتور طمننا ع سامر هو حالته ايه دلوقتي ؟
الدكتور : مخبيش عليكم الصدمة كانت قوية شوية احنا هنعمله عملية ف القلب بس العملية كبيرة جدا ونسبة النجاح فيها 65% ادعوا انه ينجو منها لو نجا هيبقى بخير هو دلوقتي ف العناية وفايق وعايز يشوف حضرتك يا استاذ سليم خشله بس هم 5 دقايق فقط عشان ميتعبش واحنا هنحضر كل حاجة للعمليات ومشى الدكتور وسابهم ف صدمتهم سليم فتح الباب ودخله العناية وقعد جنبه ودموعه بتنزل ع خده مسك ايده
سليم : سامر ليه كدة ياسامر بتاخد كل حاجة ع اعصابك طظ ف اي حاجة ياسامر المهم انك معايا صفقة وخسرناها طظ حياتك عندي اهم من اي حاجة ياسامر لو حصلك حاجة هعيش ازاي من غيرك تقدر تقولي.
سامر بصوته التعبان اللي طالع بالعافية : انا عشان كدة طلبت اشوفك ....سليم لو حصلي حاجة دارين امانة ف رقبتك ارجوك يا سليم خلي بالك من دارين دارين وعائشة حطهم ف عنيك ومتسيبهمش لوحدهم ارجوك .
سليم : انت بتقول ايه انت بتوصيني ع بنتي ومرات اخويا دول ف عنيا يا سامر بس هم ف عنيا لحد مانت تخف وساعتها انت اللي هتخلي بالك منهم وبالنسبة لدارين فدارين ادم عايز يتجوزها .
سامر اندهش وبص لسليم : اددممم !! بس ادم مبيحبش دارين ومواعد بنت تانية للجواز .
سليم : انت بتثق فيا ولا لاء ياسامر ؟
سامر : طبعا ياسليم انا بثق فيك اكتر مابثق ف نفسي .
سليم : يبقى اطمن دارين وادم لبعض والماذون هيجي ويكتب الكتاب دلوقتي حالا كمان وانت كدة ولما تخرج وتقوم بالسلامة هنعمل فرح مصر كلها تتكلم عنه .
سامر ابتسم : الانت شايفه ياسليم انا مقدرش اقولك لا ع حاجة
سليم مسك ايد صاحبه وابتسم : يبقى ع بركة الله.
سليم خرج واخد ادم بعيد .
سليم : انت لازم تتجوز دارين دلوقتي .
ادم : نعممم لا طبعا انت قولت بعد ماتموت .
سليم بعصبية : هتسمع اللي بقولك عليه ولا اروح من دلوقتي اكتب كل حاجة باسم دارين .
ادم بصله بضيق وبتفكير : .....ماشي هتنيل اتجوزها .
سليم سابه وراح لدارين اخدها وبعد عن باقي العيلة وبصلها
سلبم : دارين حبيبتي انتي بتثقي فيا وبتحبيني زي بابي مش كدة ؟
دارين هزت راسها .
سليم : ولو طلبت منك اي حاجة هتنفذيها مهما كانت ؟
دارين مسكت فونها وكتبت ف النوت "طبعا يا انكل انا مقدرش اكسر كلمة لحضرتك"
سليم قرا الكلام وبصلها ؛ سليم : طب ولو قولتلك تتجوزي ادم توافقي !
دارين الكلام نزل عليها زي الصاعقة بصت لسليم بصدمة ....
نهاية الفصل الخامس .
أنت تقرأ
لعبة القدر ❤️
Romanceنفذ الحبر ونفذ الورق ..نفذ كل الصبر لا يمكن وجود بداية جديدة .. كان هناك اختياران ؛ اما ان اضع نقطة لنهاية كل شئ ولن نلتقي بعدها ابدا او .. او حرف ف سطر جديد لنصنع حكايات وحكايات ولكن ها انا هنا احدثك عن الماضي فانت تعلم ماذا اخترت ..🖤!'.
