نفذ الحبر ونفذ الورق ..نفذ كل الصبر لا يمكن وجود بداية جديدة .. كان هناك اختياران ؛ اما ان اضع نقطة لنهاية كل شئ ولن نلتقي بعدها ابدا او .. او حرف ف سطر جديد لنصنع حكايات وحكايات ولكن ها انا هنا احدثك عن الماضي فانت تعلم ماذا اخترت ..🖤!'.
لعبة القدر ( الفصل الثالث عشر ) الطيارة وصلت مصر تاني يوم الساعة 7ونص الصبح مكانوش مبلغين حد انهم هيجوا ف ساعتها دارين بمجرد مانزلت من الطيارة غمضت عيونها وخدت نفس عميق وابتسمت لان هوا مصر وحشها جدا ديجا حطت ايديها ع كتف دارين بصتلها ابتسمتلها هي ابتسمت وطلعوا خلصوا الاجراءات وطلبوا عربيتين وراحوا بيها ع فيلا سامر المحمدي ويوسف معاهم طبعا كانت الساعة 9 الصبح دخلوا الفيلا ورنوا الجرس دادة مروة فتحت وشافتهم كلهم اتصدمت وفرحت اوي وحضنت ميريام بعدين لين حضنتها جامد وحضنت ديجا وباست لميس وسلمت ع كريم ومكانتش تعرف دارين. دارين بصتلها : ايه يادادة مش هتسلمي ع دودي حبيبتك ولا ايه ؟ دادة مروة اتصدمت وبصتلها بعدم تصديق. دادة مروة : مش معقول انتي دارين . دارين هزت راسها دادة مروة شدتها حضنتها جامد وفضلت تعيط . دادة مروة : وحشتيني اوي يابنتي وحشتني اوي والله. دارين حضنتها وابتسمت شوية وبعدوا . دارين : اعرفك يا دادة ده يوسف صديق لينا . دادة رحبت بيه ودخلوا كلهم عائشة سمعت صوت دوشة تحت نزلت تشوف ف ايه لقت ميريام وكريم وديجا ولميس ولين واتنين تانين متعرفهمش لميس جريت ع جدتها عائشة شالتها وحضنتها جامد اوي وشوية ونزلتها وقربت من ميريام وخدتها ف حضنها وكريم وديجا ولين نفس الكلام وبصت ع دارين ويوسف هي طبعا متعرفش ان دارين عالجت التصبغات الكل متوقع انها زي ماهي عائشة بصت لدارين اوي العيون والشعر والجسم هم هم دموعها بدات تتجمع ف عيونها وقفت قدام دارين وحسست ع خدها . عائشة : انتي بنتي دارين صح ! دارين دموعها كانت بتنزل وهزت راسها عائشة مقدرتش وحضنتها جامد اوي وفضلت تعيط . عائشة : وحشتيني اوي يادارين وحشتيني اوي ياوردة مامي انتي كدة يادارين 5 سنين مشوفكيش ياحبيبتي ليه بتعذبينا معاكي بس ليه . وفضلت حاضنة دارين فترة طويلة وتعيط ودارين كانت مقررة تطمن ع ابوها وتمشي بس بعد حضن وعياط عائشة دول هدت كل اللي دارين كانت بتخططله . شوية وبعدوا وعائشة مش سايبة دارين . دارين : اعرفك ياماما ده يوسف اللي حكيتلكم عنه. عائشة : اهلا وسهلا يابني ماشاء الله عليك زي القمر. يوسف : ربنا يخليكي ياطنط ده عيونك هي اللي قمر. كريم : اتلم ياجو لاحسن عمو سامر بيغير اوي . ضحكوا كلهم. دارين : صحيح ياماما فين بابا وهيعمل عملية تانية ليه ؟ عائشة بصت لكريم وميريام وبصتلها . عائشة : بصراحة يادارين ابوكي معندهوش مشكلة ف قلبه هو مجرد هبوط عشان مبياكلش . دارين بصت لميريام وكريم بعصبية. دارين بزعيق : انتو كنتوا بتمثلوا عليا عشان تنزلوني مصر انتو بتهزرووووا !! عائشة : اهدي يابنتي بس احنا اللي غصبنا عليهم يقولوا كدة انتي عاجبك يعني اننا هنموت ونشوفك عايزة تموتينا يادارين من غير مانشوفك. دارين بصتلها : بعد الشر عليكي ياماما بس.... دارين متعصبة ومش عارفة تعمل ايه سابتهم وخرجت للجنينة ديجا هتروح وراها. يوسف : استني ياديجا انا هتصرف. يوسف خرج وراها راح قعد جنبها عالمرجيحة هي بصتله ومتكلمتش. يوسف : ادم غلط ومش مرة لا ده كتير وانتي قررتي تمشي وتسيبي كل حاجة وراكي وتبداي من الاول وفعلا قدرتي تعملي كل ده ونجحتي نجاح ساحق ف كل حاجة دخلتي فيها مسيبتهاش الا لما تمتيها ونجحتي فيها بس انكل وطنط ايه ذنبهم ف كل ده من الاول ده غلط ادم ليه بتعاقبي باباكي ومامتك انتي بعدتي عشان تقدري توقفي ع رجلك واديكي عملتي كدة ليه تحرمي باباكي ومامتك منك هم حقهم يعملوا كدة وزيادة عشان يخلوكي ترجعي لانك انتي المفروض كنتي ترجعي من زمان اوي يادارين من الوقت اللي عالجتي فيه موضوع الهرمونات ده عشان توريله ان الموضوع مش بالشكل وانك احسن منه وبقيتي قوية وجميلة وان مش الزبال اللي يستاهلك ده ده الملك اللي يستاهلك ولو ف اعلى من الملك يبقى اكيد يستاهلك لازم تواجهي يادارين لازم ولازم تعرفي انك انتي اللي سبتيه مش هو هو كان دايما يهدد انه يسيبك وانك مش هتلاقي غيره بس ف الاخر انتي اللي سبتيه هو اتحكم ف اللعبة كتير اوي ودلوقتي انتي اللي هتتحكمي ف كل حاجة . دارين بصتله وكالعادة اكتسبت ثقة من كلامه وتشجعيه ليها. دارين : معاك حق ياجو انا فعلا عاقبت بابا وماما وهم ملهمش ذنب انا لازم بقى افوق واواجه مش اهرب . يوسف ابتسم : هو ده وهي دي دارين الانا اعرفها كمان. ابتسموا وقاموا دخلوا دارين بصت لعائشة . دارين : ست الكل انا هموت وادوق البشميل بتاعك بجد هتجنن اقسم بالله اعملهولي بقى مش هدوق حاجة نهائي الا لما اكل البشميل وهطلع دلوقتي اخد شاور كدة واظبط حالي عشان لما بابا يجي محدش يجيب سيرة اننا جينا هاه خلينا نفاجئه . عائشة فرحت اوي ان دارين هديت ومبقتش متعصبة. عائشة : حاضر ياحبيبتي حاضر. دارين بصت ليوسف ؛ دارين : وانت يا استاذ جو اليوم كله هتقضيه معانا مفهوم ؟ يوسف : طبعا يابنتي انا ع قلبكم ده ف بشميل انتي بتهزري ولا ايه ؟ كلهم ضحكوا . ديجا : طب هروح اشوف بابا وماما وحشوني جدا هشوفهم وارجعلكم هي ساعة زمن بس . لين : خدي راحتك ياديجا انتي ع قلبنا بقالك سنين. كلهم فضلوا يضحكوا . ديجا : يابنتي انا ع قلبكم محدش فيكم يقدر يعيش من غيري اصلا. عائشة : طب قولي لنبيل ومريم يجوا عشان نتغدا كلنا سوا النهاردة كلنا هنتجمع اخيرا زي زمان. ديجا : حاضر ياطنط . وقربت باستها ومشيت . عائشة اتصلت بسامر وطلبت منه انه يجيب سليم معاه ويخلي سليم يقول لكاميليا ويجوا لانها عاملة بشميل النهاردة وهي عارفة ان سليم وكاميليا بيحبوا البشميل بتاعها وسامر معترضش و رحب بالفكرة عائشة قفلت وضربت كفها بكف ميريام ودارين ودخلوا كلهم المطبخ يعملوا الاكل سوا ويوسف وكريم قعدوا يلعبوا بلايسيشن . سامر راح لسليم المكتب ؛ سامر : سليم انا عازمكم النهاردة عالغدا عائشة عاملة بشميل النهاردة وهي عارفة انكم بتحبوه. سليم : يااااه ده احنا مكلنهوش بقالنا كتير اوي. سامر بحزن : ايوه ياسليم من ساعة مادارين سافرت واحنا معملنهوش . سليم قام وحضن صاحب عمره. سليم : اهدى ياسامر انا واثق انها هتيجي هي متقدرش تستحمل تشوفك تعبان ومتكونش جنبك وهتلاقيها ف اي لحظة بتتصل بتقول انها حجزت واننا نروح نستقبلها. سامر هز راسه . سامر :ياااارب ياسليم ياارب . وقعدوا شوية سوا بعدين سامر راح مكتبه ف معاد الدوام سليم وادم رجعوا فيلتهم سليم وادم دخلوا الفيلا كاميليا استقبلتهم . كاميليا : حمدلله عالسلامة ياحبايبي يلا اطلعوا خدوا شاور والغدا هيبقى جاهز. سليم : لا لا حضري الغدا لابنك واطلعي جهزي نفسك هنتغدا عند سامر . كاميليا : اشمعنا يعني النهاردة مش الخميس احنا بنتجمع عندهم كل خميس. سليم : عائشة ياستي فجاة كدة قالت انها هتعمل بشميل. كاميليا : بجد طب خلاص نروح نتغدا معاهم كلنا بنحب البشميل بتاع عائشة وهي معملتهوش من ساعة مادارين سافرت. سليم : طيب خلاص حضري الاكل لادم ويلا بينا احنا. ادم : طب ماتاخدوني معاكم. سليم : غريبة يعني انت من ساعة ماتجوزت الهانم وانت مبتجيش سهراتنا عند سامر. ادم : عادي يابابا بس هي مسافرة وانا هقعد لوحدي اعمل ايه وكمان ده بشميل حضرتك عارف انا بحبه قد ايه. سليم : طيب ماشي يلا نطلع نجهز نفسنا. كاميليا : يلا بينا. طلعوا ياخدوا شاور ويجهزوا نفسهم . ف فيلا سامر المحمدي سامر داخل وهو مرهق جدا بس بمجرد مادخل شم روائح اكل عائشة هي بتعمل اكل ع طول بس المرادي ف ريحة حب ودفئ مكانوش موجودين طول ال5 سنين دخل وهو مستغرب .. سامر : عائشة ...عائشة ؟ لميس طلعت. لميس : جدددددووووووووووووو. جريت لميس ع جدها .سامر مصدوم حضنها جامد ميريام وكريم ولين وديجا طلعوله ساب لميس وحضن ميريام بعدين كريم وبعدين سلم ع ديجا ولين وبيبص ورا لقى واحدة واقفة جنب عائشة و بصاله ومبتسمة هو بصلها وعرفها من عيونها بعدهم وبصلها.. سامر : ....دا...دا.........داااارييين . دارين بصتله ودموعها نزلت وجريت عليه بسرعة حضنته. سامر حضنها جامد وفضل يعيط . سامر : وحشتيني اوي وحشتيني اوي يانور عيني كدة تسبيني كل ده هونت عليكي ياحبيبتي . وفضل يعيط ويعاتبها ويحضنها ويبوسها . شوية وبعد وبصلها بيتأمل وشها .. سامر : كنتي جميلة اوي ودلوقتي اجمل ياحبيبتي انا مبسوط مش عشان شكلك اتغير لا انا بحبك بكل احوالك انا مبسوط عشان انتي اديتي لنفسك حياة جديدة . فضلت ف حضنه فترة طويلة وعرفته ع يوسف طبعا هي كانت حكيالهم عليه بس هم مشافوش بعض قبل كدة سامر لقاه شخص كويس ومحترم وبعدين شوية بعدوا هو ودارين وشوية وجرس الباب رن سامر فتح كانوا اهل ديجا مريم ونبيل سلم عليهم ودخلوا وسلموا عالكل وفرحوا اوي لدارين انها اتعالجت وكدة المهم ديجا وميريام ولين خدوا دارين وطلعوا اوضتها . دارين : ف ايه يابنات مالكم ؟. لين : هو ايه اللي ف ايه لازم تجهزس كدة وتبقي مزة . ديجا : بصي يادودي انتي مزة طبعا بس لازم تحطي لمستك بقى وكدة ده عمو سليم وطنط كاميليا جايين واكيد طنط كاميليا بتحكي لادم السهرة كلها ولازم تظبطي نفسك بقى وكدة . ميريام : اه يلا يادارين واحنا كمان هنلبس برده ونظبط حالنا يلا انجزي . دارين لسه هترفض مدوهاش فرصة وخدوها دخلوها الحمام عشان تاخد شاورها وهم حضرولها لبس . عند ادم لبس هو وسليم وكاميليا وظبطوا نفسهم و خارجين عشان يركبوا عربياتهم ادم لقى مراد داخل الفيلا بالعربية ونزل راحلهم. ادم : ايه يامراد ف حاجة حصلت ولا ايه ؟ مراد : لا مفيش حاجة انا قولت اجي اقعد معاك حبة ونتغدا سوا. ادم : بس احنا رايحين لانكل سامر . مراد : غريبة يعني النهاردة مش الخميس ! . ادم : ماهم عزمونا النهاردة عشان طنط عائشة عاملة بشميل. مراد : ااه طيب ماشي خلاص اجيلك مرة تانية. سليم : لا يابني تعالى معانا. مراد : بس ياعمي ... سليم : مفيش بس كدة كدة انت مش غريب وسامر يعرفك اصلا تعالى معانا حتى تعملولنا جو انت وادم البيت بيبقى هادي جدا عشان البنات مش موجودين فيه كنت ببقى انا وسامر وكاميليا وعائشة بس لكن انتو تعملولنا جو. مراد : حاضر ياعمي طيب اتفضلوا انتو وانا وراكم بالعربية. ادم : طيب يلا بينا. ركبوا العربيات واتحركوا ف اتجاه فيلا سامر المحمدي. ف فيلا سامر المحمدي دارين خرجت من الشاور لقيتهم بيلبسوا من دولابها وحاطين ميكاب من بتاعها ومستوليين ع اوضتها كلها. دارين : ايه ده ف ايه مالكم دي اوضتي ع فكرة!! ديجا : واوضتنا احنا كمان ايش فهمك انتي يلا بس بصي احنا حضرنالك الفستان اهوه يلا البسيه بقى وجهزي نفسك. لين : ايوه يادودي وشعرك ده كمان يتفك لازم توريلهم طول شعرك هم شافوه وهو لنص ظهرك دلوقتي لازم يشوفوا ان شعرك بقى لركبتك اصل الحموات بيركزوا ف المواضيع دي . ميريام : ايوه صح يابت يالين معاكي حق بتفكري برده لا يبقى تفكي شعرك يابت يادارين. دارين : ياربي منكم امري لله لما نشوف اخرتها مع حضراتكم. دارين مسكت الاستشوار نشفت شعرها من المايه ولمته كعكة مؤقتا ونشفت جسمها ولبست الفستان ولبست الاكسسوار الهادي بتاع الفستان وحطت ميكاب هادي جدا ورقيق اوي وفردت شعرها كان شكلها يجنن هي خلصت وبتلف لقيت ميريام وديجا ولين واقفين جنب بعض باصينلها ومتنحين .
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
دارين بصتلهم : ايه مالكم ف ايه ! شكلي وحش ولا ايه ؟ ديجا : وحش ايه احيه يابنتي ده انا لو ينفع اتجوزك اكتب عليكي حالا والله . كلهم ضحكوا وف اللحظة دي سمعوا صوت كلاكسات عربية سليم الهواري دارين قلبها دق بسرعة وبصتلهم . لين : لا لا لا دارين اجمدي كدة هاه احنا بنعمل كل ده عشان اللحظة دي متضيعيش معاناتك ال5 سنين دول ارجوكي . دارين هزت راسها . ميريام : طب بصي انا وديجا هننزل عشان كريم ويوسف وانتي هدي اعصابك وانزلي ورانا هاه. لين : طيب طيب روحوا انتو انا معاها. هزوا راسهم ونزلوا ميريام وديجا ليوسف وكريم . تحت بقى سامر وعائشة راحوا عالباب استقبلوا سليم وكاميليا سليم شاف ف عيونهم الفرحة استغرب وسلموا ع بعض بحرارة وسامر اتفاجىء لما لقى ادم ومراد داخلين عليه هو عارف مراد ومعندهوش مانع ف وجودهم بس استغرب ان ادم جه لان من ساعة ماتجوز رؤى مبيجيش المهم سلم ع ادم ومراد ودخلوا سليم وكاميليا ومراد وادم سلموا ع نبيل ومريم وقعدوا ميريام وكريم ولميس وديجا ويوسف دخلوا ميريام : مساء الخير . سليم وكاميليا وادم بصوا ومصدومين سليم فرح اوي وعرف ليه سامر كان مبسوط قام سليم وكاميليا وحضنوا ميريام وبعدين كريم وحضنوا لميس الصغيرة اللي بقى عندها 6 سنين وبقيت جميلة وسلموا ع ديجا سليم بص ليوسف . سليم : انت يوسف مش كدة ؟ ادم بص ليوسف بسرعة واضايق من وجوده . يوسف : ايوه انا حضرتك انكل سليم صح ؟ سليم : ايوه يابني . يوسف قرب بسرعة حضن سليم وباس ايديه سليم ابتسمله وحضنه وشوية وبعدوا . يوسف : اسف ياعمي بس انا حبيتك جدا من كلام دارين عنك . سليم : وانا حبيتك جدا برده دارين ع طول بتحكيلي عنك. ادم استغرب من كلمة كلام دي لان دارين مبتتكلمش !!. سليم بص لسامر : طب حبيبتي مجتش ولا ايه ؟ سامر لسه هيتكلم سمعوا صوتها . دارين : ازاي يعني مجيش واشوفكم يا انكل . كلهم بصولها سليم وكاميليا وادم وحتى مراد وكانوا مصدومين جدا ميعرفوش انها اتعالجت بس الصدمة كانت ع ادم اكبر عشان غير انه ميعرفش انها اتعالجت فهو ميعرفش انها بقت تتكلم كمان ومراد برده كان عارف انها مبتتكلمش وطبعا كان شايف شكلها وميعرفش انها اتعالجت. سليم بصدمة : ....مش معقول انتي........انتي دارين . دارين وقفت قدامه : ايوه يا انكل انا دارين. سليم قرب حضنها جامد وفضل حاضنها ومبيتكلمش . بعد فترة طويلة بعد . سليم : وحشتيني اوي ياحبيبتي والله . دارين : وحضرتك كمان يا انكل . كاميليا : ماكفاية بقى خليني انا كمان احضنها واشبع منها . كاميليا شدت دارين لحضنها وحضنتها. كاميليا : حمدلله ع سلامتك ياحبيبتي وحشتينا جدا والله يابنتي. دارين : وحضرتك كمان ياطنط والله. دارين بصت لقت ادم ومراد ومن جواها نفسها تجري ع ادم وتحضنه. دارين وقفت قدام ادم مدت ايديها ؛ دارين : ازيك يابشمهندس ؟ ادم قام وقف قدامها وهو لسه مصدوم بص لايديها وحط ايده ف ايديها. ادم : اااا......انا........انا....انا ....كويس. دارين ابتسمت للغبطة ادم وسحبت ايديها وجاية تسلم ع مراد ومراد بيمد ايده ادم رفع ايده بسرعة وسلم هو وبص لمراد . ادم : معلش اصل المدام مبتسلمش . دارين وديجا وميريام ولين بصوا لبعض وكتموا ضحكهم .... نهاية الفصل الثالث عشر.
