لعبة القدر ❤️

7

لعبة القدر
( الفصل السابع )
دارين الخبر نزل عليها زي الصاعقة باصة لادم ومش مصدقة ومش بتعيط ولا ظاهر عليها رد فعل كاميليا مش عارفة تعمل ايه بالظبط شايفة ان ادم غلط جامد وظلم دارين بس ف نفس الوقت شايفة انه عمل كدة عشان من حقه يعيش حياته زي ماهو عايز سليم اتصدم برده ازاي ابنه بقى كدة مش معقول ده ابنه اللي رباه بس سليم مكانش ف دماغه ادم قد ماكان همه كله دارين ورد فعلها وكمان سامر لما يعرف سليم قرب من دارين لقاها تايهة ومصدومة.
سليم : دارين حبيبتي.
دارين لفت بصتله وبرده مش ظاهر عليها رد فعل وفجاة غمضت عيونها وفقدت الوعي سليم لحقها قبل ماتقع وشالها وطلع عالاوضة وزعق ف كاميليا تطلب الدكتور كاميليا طلبته فعلا والدكتور جه كشف وخلص كشفه وبص لسليم .
الدكتور : المشكلة نفسية مش جسدية بس ده هيااثر عليها هي واللي ف بطنها لان دلوقتي مبقاش سهل مثلا اننا نجهضها وكدة لا الطفل مرتبط بيها لو حصله حاجة هي كمان هتكون حياتها ف خطر نصيحة مني متخلوش حاجة تضايقها عشان انتو اللي هتندموا.
ونزل الدكتور سليم وصله ودخل بص لادم ورؤى اللي واضح انهم سمعوا كلام الدكتور سليم بص لادم قرب منه مسكه من قميصه .
سليم : لو فاكر انك كدة بتتذاكى عليا انا هوريك انا هعمل فيك ايه اصبر عليا اطمن ع دارين الاول بعدين هتشوف ومن دلوقتي اعتبر انك ملكش حاجة اصلا وانسى موضوع الوصية دي انا هكتب كل حاجة لدارين وان ف حالة حصلها حاجة كل حاجة تبقى لسامر ووريني ساعتها هتقدر تاخد مليم واحد ازاي ؟.
وسابه سليم وطلع فوق ادم من جواه خاف لان كدة فعلا مش هيبقى ليه حاجة وخاصة ان سليم لما بيقول كلمة مبيتراجعش فيها رؤى بقى كانت ساكتة وبتخطط ف دماغها .
اليوم عدى صعب دارين منامتش طبعا بس مكانتش بتعيط كل اللي بتفكر فيه ازاي اتهبلت ف دماغها ووافقت تتجوز الشيطان ده هي بتحبه ومازالت بتحبه بس هو مش طبيعي هو فيه حاجة غلط مش معقول يكون ده ادم .
تاني يوم دارين مراحتش الجامعة طبعا سليم منعها عشان متعملش مجهود وتتعب وهي معارضتش ونامت عشان طول ماهي صاحية هتفضل تفكر والتفكير اصلا تعبها .
رؤى وادم طبعا قضوا ليلتهم الاولى وكانت صباحيتهم نزلوا سوا ومبسوطين بس ادم من جواه مرعوب من ابوه نزلوا وراحوا للسفرة .
ادم : صباح الخير .
وقعد هو ورؤى .
كاميليا : صباح النور ياحبيبي .
سليم متكلمش وباصص ف المجلة وبيشرب قهوته ادم بصله وبص للفطار وبيفطر شوية وسليم خلص قهوته ساب المجلة وقام .
سليم : انا رايح الشركة دلوقتي الساعة 7 ونص الساعة 8 بالدقيقة تبقى ف الشركة عشان هتستلم مكتبك من هنا ورايح لازم تشتغل وتصرف ع نفسك عشان معنديش فلوس ليك تاني مفهوم !.
ادم من خوفه هز راسه ومتكلمش . سليم بصله بقرف وطلع اطمن ع دارين ونزل خرج راح الشركة . وشوية وادم حصله .
ديجا استغربت ان دارين مجتش الجامعة ومرضتش تحضر اي محاضرة من غيرها وركبت عربيتها وجت عالفيلا الخدامة فتحتلها ودخلت .
كاميليا : اهلا ياديجا ياحبيبتي تعالي .
ديجا : ازي حضرتك ياطنط ؟
كاميليا : بخير ياحبيبتي انتي عاملة ايه ؟
ديجا : الحمدلله ... هي دارين فين مجتش ليه الجامعة النهاردة ؟
كاميليا اتوترت اوي : ااااااا ... اصل كسلت فمرضتش تروح يعني .
ديجا بصتلها بشك و هزت راسها .
ديجا : انا هطل.....
ديجا مكملتش كلامها ولقت اللي داخلة من باب الجنينة ولابسة قميص نوم اسود طويل وعليه روب نفس اللون وكانت رؤى ديجا اتصدمت وبصت لكاميليا .
ديجا : البت دي بتعمل ايه هنا ؟
كاميليا هترد رؤى سابقتها .
رؤى : ايه بت دي ماتحترمي نفسك ياهانم ولما تتكلمي معايا اتكلمي عدل انا دلوقتي حرم ادم بيه الهواري.
ديجا اتصدمت وبصت لكاميليا .
ديجا : وبتقوليلي دارين كويسة وكسلت تنزل الجامعة وانتو عاملين فيها كدة انتو اييييه مبتحسوش حسبي الله ونعم الوكيل حسبي الله ونعم الوكيل داااااارين ياااا داااارين .
وجريت ديجا ع فوق ع اوضة دارين دخلت وقفلت الباب لقت دارين نايمة قربت منها وقعدت جنبها .
ديجا : .....انا عارفة انك مش نايمة .
دارين فتحت عيونها وبصت لديجا وقامت قعدت ورمت نفسها ف حضن ديجا واخيرا انفجرت ف العياط وطبعا عياطها من غير صوت .
ديجا عيونها رغرغت بالدموع وبدات تعيط ع حال صاحبتها اللي بتحبها اوي .
ديجا : قولتلك يادارين قولتلك بلاش وحذرتك كتير وانتي كان عندك امل يتغير بس ادم اتسمم خلاص من الحرباية دي هي وشلتها انت ليه تدمري نفسك ليه بس !.
دارين عمالة تعيط وبس .
ديجا بتطبطب عليها .
ديجا : قومي يادارين قومي انتي مالكيش قعاد ف البيت ده والحيوان ده هيطلقك قومي يلا.
دارين بصت لديجا وهزت راسها ديجا قامت طلعت شنطة سفر ولمت كل حاجة دارين وغيرت لدارين هدومها ومسكتها ومسكت شنطتها ونزلت .
كاميليا وقفت : اهدي ياديجا انتي واخدة دارين ورايحين ع فين بس ؟.
رؤى : سبيهم يغوروا ياطنط عالاقل نرتاح بقى من قرفهم .
ديجا بصتلها باشمئزاز : والله يابتاعة انتي احنا اللي هنرتاح احنا ماشيين عشان احنا مبنحبش نقعد ف مكان فيه زبالة وقذورات .
ولفت ديجا وهتمشي هي ودارين لقت سليم قدامها.
سليم : ع فين ياديجا انتي ودارين .
ديجا : كدة يا انكل تعمل كدة ف دارين ليه يا انكل عملتلك ايه وحش هي تجوزها الشيطان ابنك ده وانت عارف انه مش بيحبها وهيظلمها معاه.
سليم اخد نفس : انتي متعرفيش ياديجا انا بحب دارين ازاي دارين دي بنتي اللي اتولدت ع ايدي وكان حلم حياتي تتجوز ادم عشان تبقى جنبي بس ادم هو اللي غبي وعقله اتسمم من ناس قذرة. وبص لرؤى رؤى نفخت وقامت طلعت اوضتها .
سليم : اهدى ياديجا انتي ودارين واقعدوا نتكلم.
ديجا : مفيش كلام يا انكل خلاص ادم لازم يطلق دارين انا مش هقعد اتفرج عليه وهو بيدمرها اكتر من كدة ولو انكل سامر متصرفش ساعتها انا اللي هتصرف عشان دارين دي مش صاحبتي دي اختي يا انكل سليم .
سليم : ارجوكم ادوني فرصة اصلح بيها كل حاجة اسمعي الكلام ياديجا انتو بتثقوا فيا ادوني فرصة واحدة فرصة واحدة بس ارجوكي يادارين.
وبص لدارين برجاء ومسك ايديها .
دارين بصتله ودموعها نزلت وبصت لديجا وسابتهم وطلعت ع اوضتها .
ديجا بصت لسليم.
ديجا : عشان تعرف الفرق بين قلب دارين وطيبتها وبين قلب ابنك ادم معاه جوهرة وسابها وراح ياخد من الزبالة.
وسابته ديجا وطلعت لدارين فضلت معاها اليوم كله ومشيت بليل .
تاني يوم ديجا جت هي وميريام ولميس الصغيرة طبعا ديجا حكت كله لميريام وكل ده سامر وعائشة ميعرفوش حاجة .
ميريام وديجا دخلوا .
كاميليا : اهلا وسهلا يابنات تعالوا اتفضلوا .
ديجا بصيتلها بضيق ومردتش .
ميريام : شكرا ياطنط اتفضلنا كتير اوي .
وبصت ميريام لادم ورؤى وبعدين بصت لسليم نظرة بتعاتبه 'ليه كدة يا انكل ليه ' سليم شاف نظرة العتاب دي اخد نفس و وطى راسه .
ميريام وديجا طلعوا ع فوق ع طول ميريام حضنت اختها ودارين فضلت تعيط ف حضنها وفضلوا كدة فترة ومرضوش يكلموها ف اي حاجة عشان حالتها مكانتش ناقصة ودارين رفضت ان سامر وعائشة يعرفوا اي حاجة وديجا وميريام سكتوا عشان دارين متتعصبش وهي اصلا حامل وده غلط عليها.
قضوا اليوم ومشوا وعدى اسبوعين وكل يوم ديجا وميريام بيجوا لدارين يقضوا معاها اليوم وادم بينزل الشغل مع سامر وسليم واتعلم الاساسيات وبدا يشتغل وسليم كان بيديله شغل بالهبل ف يوم ملعون ديجا اتاخرت ع دارين عشان كان ف محاضرة مهمة لازم تحضرها عشان تبقى تشرحهها لدارين عشان لو هي كمان محضرتهاش هيسقطوا السنادي وميريام اليوم ده كان عندها معاد لدكتور لميس فهتتاخر ع دارين برده وده كان السبب ف الكارثة اللي هتحصل بعد شوية.
رؤى من ساعة ماسمعت كلام الدكتور عن دارين واللي ف بطنها جاتلها فكرة وانها لو خلصت من الطفل ده دارين هتموت معاه و ساعتها كل المعاناة دي هتخلص ومش هيبقى ف دارين او البيبي اللي عاملينلها المشاكل دي كلها و واقفين ف طريق الفلوس والاملاك اللي هي عايزاها كلها تبقى ملكها .
سليم كان مأكد طبعا ع كاميليا انها متخرجش ابدا وتسيب دارين لوحدها مع اللي اسمها رؤى دي وكاميليا مخرجتش فعلا بس اليوم ده كانت بتتمشى ف الجنينة بتتكلم ف الفون رؤى لقتها فرصة ودخلت المطبخ كانت الخدامة بتحضر العصير والاكل لدارين عشان لازم تاخد فيتامينات الحمل .
رؤى للخدامة : بت انتي روحي نضفي الاوضة بتاعتي الاوضة بقيت زبالة زيك عشان مفيش حد ينضفها .
الخدامة : يامدام انا منضفاها امبارح والله .
رؤى : نضفتيها امبارح لكن النهاردة لا انا اوضتي تتنضف مرتين ف اليوم مرة الصبح ومرة بليل اتفضلي انجري روحي نضفيها.
الخدامة : طب اديني بس 10 دقايق اعمل الاكل لدارين هانم .
رؤى : لا دارين هانم ولا زفت انا هنا الهانم فاهمة اتفضلي اطلعي نضفي الاوضة وبعدين ابقي اعملي الزفت لزفتة دارين.
الخدامة بصتلها بكره : حاضر ياهانم .
وطلعت الخدامة تنضف اوضة رؤى ؛ رؤى طلعت من جيبها حباية وحطيتها ف العصير وفضلت تقلب ف العصير لحد مالحباية دابت فيه سابت كل حاجة زي ماهي وخرجت طلعت قعدت تتفرج عالتليفزيون .
الخدامة نزلت .
الخدامة : نضفت الاوضة ياهانم تأمري بحاجة تانية.
رؤى : لا غوري شوفي شغلك .
الخدامة : حاضر .
ودخلت الخدامة المطبخ كاميليا دخلت من الجنينة بصت لرؤى و راحت قعدت وبتتفرج معاها عالتليفزيون .
الخدامة عملت الاكل وطلعت لدارين اللي رفضت تاكل اي حاجة بس مع الحاح الخدامة ع دارين عشان تاخد الادوية بتاعتها دارين كلت توست وشربت العصير وبعدين الخدامة اديتها الادوية بتاعتها ونزلت .
بعد 4 ساعات ديجا جت وطلعت ع اوضة دارين لقتها نايمة قربت منها ونطت جنبها عالسرير .
ديجا : بت يادودي قومي احكيلك ايه اللي حصل النهاردة مش هتصد....
ديجا لمست دارين كانت متلجة ديجا اتفزعت .
ديجا : دارين اصحي دااااارين داااارين اصحيييي .
ديجا بتشيل الغطا من ع دارين لقت دم بالهبل عالسرير وع هدوم دارين ديجا صرخت جامد كاميليا طلعت تجري ع فوق رؤى ابتسمت بثقة كاميليا طلعت وشافت المنظر اتصدمت اتصلت بسليم وقالتله زعق فيها تطلب الاسعاف قفلت وطلبت الاسعاف وجم خدوا دارين ونقلوها عالمستشفى سليم وادم وسامر وعائشة حصلوهم و وراهم ميريام وكريم .
الكل ف حالة قلق غير طبيعية وادم لسه اصلا ف كوكب تاني مش مستوعب اللي حصل بعد 4 ساعات الدكتور خرج اتلموا عليه كلهم .
الدكتور بحزن : للاسف الجنين نزل وهي حالتها خطيرة جدا ونزفت دم كتير احنا محتاجين فصيلة (...) عشان ننقلها دم والفصيلة دي نادرة لازم ننقلها دم تعويض للدم اللي خسرته .
ادم بتوهان : انا يادكتور انا نفس الفصيلة .
ميريام وديجا بصوله بقرف وعايزين يعترضوا بس ميقدروش الفصيلة نادرة ومفيش غيره نفس الفصيلة وعائشة وسامر شايفين نظرات الكره من ديجا وميريام لادم بس مش فاهمين ف ايه .
الدكتور لادم : طب حلو اوي حضرتك تعالى معايا وانا هاخد من حضرتك دم .
واخد ادم وراحوا ياخدوا منه دم عشان ينقلوه لدارين وتم نقل الدم خلاص وادم خرج ودايخ قعدوه طبعا والدكتور طلب انه يشرب سوائل كتير عشان يعوض الدم اللي خدوه منه .
كاميليا لادم : معلش ياحبيبي هتفوق دلوقتي معلش.
ديجا : يفوق ولا يغور ف داهية طظ المهم دارين تبقى كويسة.
سامر : ايه ياديجا عيب كدة ف ايه مالكم ومال ادم ده جوزها يابنات عملكم ايه بس !.
ميريام : عايز تعرف يابابا البيه المحترم عمل ايه . ميريام بصت لسليم .
ميريام : اقول يا انكل ولا حضرتك تقول ؟
سليم حط راسه ف الارض .
سامر : تقوليلي ايه ياميريام ف ايه ايه اللي حصل ؟
ميريام : البيه المحترم اتجوز ع دارين الزبالة اللي كان عايز يتجوزها وحكتله اللي حصل .
^طبعا ميعرفوش ان رؤى هي اللي اجهضت دارين^
سامر اتصدم هو وعائشة اللي اصلا كانت منهارة من غير حاجة ع بنتها اللي ممكن تضيع منها سامر بص لسليم .
سامر : هي دي الامانة ياسليم !! ابنك يعمل كدة ف بنتي ده لو جوزتها لكلب ف الشارع كان هيراعي ربنا فيها .
سليم مش قادر يتكلم سامر قرب من ادم وبصله بقرف ورفع ايده وضربه بالقلم .
سامر : بنتي لما ضربتك بالقلم كانت غلطانة انها مضربتكش 10 اقلام بدل الواحد اللي ضربتهولك.
سامر بعد عنه وقعد وحط راسه بين ايديه ودموعه بتنزل ع بنته .
ميريام وكريم وديجا راحوا للدكتور المكتب .
كريم : دكتور احنا عايزين نطمن ع دارين ايه حالتها دلوقتي بعد مانقلتولها دم ؟.
الدكتور : لسه يا استاذ كريم مش هنعرف دلوقتي احنا هنعرف كل حاجة بعد 24 ساعة بس...
ميريام : بس ايه يادكتور مالها اختي ف ايه ؟
الدكتور : بصوا بصراحة انا شاكك ف حاجة .
كريم : شاكك ف ايه يادكتور ؟
الدكتور : اللي حصل لمدام دارين مقصود هي اكيد اتعاطت حاجة تنزل الجنين واكيد هي عارفة انها هتتأذي معاه يعني هدفها تنهي حياتها هي والجنين .
ديجا : لا طبعا مستحيل يادكتور لحد امبارح دارين كانت حابة الجنين ده ومكانتش عايزة تتنازل عنه ابدا.
الدكتور : يبقى اكيد حد عطاها حاجة واحنا عندنا طريقة نعرف بيها الموضوع ده .
ميريام : ازاي يادكتور ؟
الدكتور هناخد عينة منها وهنعرف اذا كان اخدت حاجة فعلا او لا !.
كريم : ماشي يادكتور اللي حضرتك شايفه اعمله بس اتمنى الموضوع ميطلعش بينا هنا .
الدكتور : اكيد يا دكتور كريم .
كريم قام سلم عالدكتور وخرجوا
ديجا : مش معقول دارين تنزل الطفل انا سالتها لو عايزة تجهضه وهي رفضت رفض تام .
ميريام : معاكي حق هي اصلا بتعشق الاطفال.
كريم : انا مصدقش اصلا انها تنزله عالعموم هنعرف لو خدت حاجة او لا ولما تقوم بالسلامة هنعرف لو فعلا خدت الحاجة دي هي خدتها برضاها ولا غصب عنها ؟
ميريام : تقصد ايه ياكريم !
كريم : الانتي فهمتيه ياميريام .
ديجا : معقول معقول توصل بيك الحقارة يا ادم تجهضها !!
ميريام : بس انتي لما روحتي مكانش ف غير رؤى وطنط كاميليا ادم كان ف الشغل .
ميريام وديجا بصوا لبعض وكأنهم اخيرا وصلوا لمين عمل كدة .
ميريام : اه يابنت ال..... تعملي كدة ف اختي انا!!.
ديجا : واكيد الاستاذ عارف ماهي مبتعملش حاجة من وراه.
كريم : اهدوا بس باجماعة احنا مش متاكدين اصلا اذا كانت خدت حاجة او لا ؟
رجعوا ووقفوا مع العيلة وكل واحد فيهم بيفكر ف هل ياترى فعلا حد ادى لدارين حاجة تجهضها ؟؟
عدت ال 24 ساعة بصعوبة عليهم وسامر مبيكلمش سليم وسليم من كسفته مبيحاولش يتكلم مع سامر .
الدكتور طلب كريم وديجا وميريام وراحوله .
كريم : خير يادكتور ؟
الدكتور : نتيجة التحليل وصلت يادكتور كريم .
كلهم بصوا لبعض وبصوا للدكتور.
ميريام : وايه هي النتيجة ؟
الدكتور اعطى لكريم ملف التحليل وبصلهم
الدكتور : للاسف خدت حاجة فعلا تجهض والمادة اللي اخدتها مادة قوية جدا مبتتصنعش هنا اصلا .
كريم وديجا وميريام بصوا لبعض بصدمة واتاكدوا ان رؤى وادم ورا الموضوع.
كريم : ياولاد ال.....ازاي يعملوا فيها كدة لا والحيوان رايح يتبرعلها بالدم مش عايز يتكشف .
الدكتور : حضرتك تقصد ان حد اداها المادة دي طب لو حضرتك فعلا عارف كدة لازم تبلغوا .
ميريام : ده اللي هيحصل يادكتور بس نطمن ع دارين الاول .
الممرضة دخلت
الممرضة : الحق يادكتور مدام دارين فاقت .
كلهم قاموا بسرعة وراحوا ع اوضة دارين كانت العيلة دخلتلها وهي فايقة وباصة قدامها ومش بتبص لحد ولا بتعيط ولا بتعمل اي حاجة الدكتور خرجهم كلهم وكشف عليها وخرج .
الدكتور : اطمنوا ياجماعة هي اتعدت مرحلة الخطر خلاص بس عليكم بقى وع العلاج النفسي .
سامر : يعني نقدر نشوفها يادكتور .
الدكتور : اكيد بس ........
سليم : بس ايه يادكتور اتكلم
الدكتور : هي مش عايزة تشوف حد طلبت بس مني تشوف مدام ميريام وانسة خديجة .
كلهم بصوا لبعض ديجا وميريام مستنوش وجريوا بسرعة ع اوضة دارين وقفلوا الباب وقربولها مسكوا ايديها .
ميريام : دارين حبيبتي انتي كويسة ؟
دارين مبتردش ومش بصالهم
ديجا : دارين ارجوكي بصلنا خدي الفون اهوه اكتبي اعملي اي حاجة بس طمنينا عليكي ارجوكي بقى ؟
دارين ع وضعها زي ماهي ميريام وديجا باصين لبعض ودموعهم بتنزل بعد دقيقتين دارين رفعت نظرها ليهم بصتلهم .
دارين : .............انا هطلع من هنا هسافر اميركا مش عايزة اي مخلوق يعرف انا هسافر فين فاهمين !!
ديجا وميريام بصوا لبعض ومصدومين وبدوا يضحكوا.
ديجا بدموع الفرحة : دارين انتي اتكلمتي بجد !!
ميريام : دارين اتكلمي تاني اتكلمي ارجوكي عايزين نسمع صوتك صوتك وحشنا اوي .
دارين : فااااااهمين اللي قولته !!
ديجا وميريام بصوا لبعض ..... وف صوت واحد
ديجا وميريام : فاهمين ....
نهاية الفصل السابع .