Love Blossom | Jungkook Centric | Completed

Chapter 21

Soo-yun's View

ජන්ග්කුක් මට ආදරෙයි කියපු වෙලාව තමයි මගේ ජීවිතේ සතුටුම මොහොත..ඒ වෙලාවෙදි ඔම්මයි අප්පයි මාව අනාත නිවාසෙන් හදාගන්න ගත්ත වෙලාවෙ වගේම සතුටක් මට දැනුනා..දැන් මටත් මගේම ආදරයක් තියෙනවා.. ජන්ග්කුක් කවදාවෙනකම් මං ගාව ඉඳීද දන්නෙ නෑ..ඒත් මං ඉන්නවා අන්තිම මොහ‌ොත වෙනකම්ම හැමදාම..මං එයාට පොරොන්දු වුණා..අන්තිම තත්පරය ‌දක්වාම එයාගෙ අත අල්ලාගෙන ඉන්නවා කියලා..

ජන්ග්කුක් මට දීපු මාලෙ..ඒ මාලෙට ඉර එළිය වැටිලා දිලිසෙනවා..අපේ ආදරෙත් එළියෙදි වගේම අඳුරෙදිත් මෙහෙම දිලිසෙනවා දකින්නයි මට ඕනෙ..මොන බාධා ආවත්..මොන හිත් බිඳීම් වුණත්..

"මං හැමදාම ඔයා ළඟින්ම ඉන්නම්..හරියට ඔයා⁣ගෙ හෙවණැල්ල වගේ.."ජන්ග්කුක් කිව්වෙ මාව වැළඳගෙන ඉන්න අතරෙදියි..

"අනී ජන්ග්කුක්..ඔයා මගේ හෙවණැල්ල වෙන්න එපා..මොකද හෙවණැල්ල තියෙන්නෙ එළි⁣යෙදි විතරයි..අඳුරෙදි හෙවණැල්ල නෑ..ඔයා මගේ ආලෝකය වෙන්න..අඳුරු වෙලාවත් එළිය කරන්න පුළුවන්.."මම මිමිණුවා..

"ම්ම්..හරි එහෙනම්..මම ඔයාගෙ ආලෝකය වෙන්නම්..එළියෙදි තවත් දිලිසෙන,අදුර මකලා දාන,හැමදාම ඔයත් එක්කම ඉන්න ආලෝකය වෙන්නම් මම.."ජන්ග්කුක් කිව්වෙ මගේ කම්මුල් දෙකට අත් තියාගෙන..

කොහෙන්දෝ ආපු හුළඟකට පැටළුණු චෙරි මල් අපේ ඇඟට වැටුණෙ හරියට සොබා දහමත් අපේ ආදරේට ආශිර්වාද කරනවා කියන්න වගේ..

"අපි අද ඩේට් එකකට යමු.."ජන්ග්කුක් කිව්වෙ මගෙන් ඈත් වෙලා මගේ කොණ්ඩෙ රැඳිලා තිබුණු මල් පෙති අයින් කරන ගමන්..

" ඩේට් එකක්?? " මං ඇහුවෙ පුදුම වෙලා..

"ඔව්..අද යමු..මං දන්නවා..අපිට කතා කරන්න ගොඩක් දේවල් තියෙනවා..සැලසුම් කරගන්න ගොඩක් දේවල් තියෙනවා.."ජන්ග්කුක් කිව්වා..මම කැමති වුණේ සතුටින්..

"ඔයා කොහෙද යන්න කැමති?" ජන්ග්කුක් ඇහුවෙ මගේ ඇඟිලි එයාගෙ ඇඟිලි එක්ක පටලටගෙන ආයෙත් වාහනේට එන අතරෙ..

"ඔයා එක්ක නිදහසේ ඉන්න පුළුවන් ඕනෙම තැනකට.."මම කිව්වෙ තව ටිකක් ජන්ග්කුක්ට ළං වෙන ගමන්..