حلاوة الدنيا

( 9 )

مع أستمرار دعاية اسما ل احلام بدء زبائن يترددوا ع منزل احلام مما اسعدها ، فى يوم كان فى تجمع اسما مع اصدقائها فى عشا عمل فى احدي المطاعم ، واثناء حديثهم ظهر مراد: - مساء الخير يا شباب
- مساء الخير مستر مراد
- اسف ع التاخير بس كان فى ميتنج online وكان مهم ليا وليكم ..
- خير ان شاء الله ..
- المجله الجديده محتاجين ليها أفكار مختلفه لانه هيبقي عدد رقم ١٠٠ ، فمطلوب منكم تغير شويا plans ونجتهد اكتر ..ممكن ..
- ان شاء الله ..
نظر إلى اسما كانت تنظر فى هاتفها متجاهله وجوده :
- اس ..
- ايوه ..
- محتاج اقعد معاكي علشان ال shots فى كام point محتاج اتكلم معاكي فيهم ..
- حضرتك ممكن تبعتلي e mail بكل إللى عاوز تقوله اعتقد هيبقي أسرع.. مستر محمد كان بتتعامل ب الmails ..
شعر بالاحراج وسط نظرات الجميع :
_ تمام ، طلبتوا الاكل ولا لسه ؟
لاحظ " اسما " وهي بتجمع أغراضها :
- باي يا شباب اشوفك فى اللوكيشن
- علي فين والعشا ..
-اعتقد ان كلام الشغل خلص والعشا فى البيت مستنيني ..
ذهبت اسما ونظرات مراد خلفها .. اتجهت الى مطعم اخر وقامت بشراء عشاء واتجهت لمنزل احلام وفرح :
_ نمتوا ولا ايه ؟
_ لا طبعًا ، نور بس اللى نامت علشان المدرسة
_ مبقتش اعرف اتلم عليكم بقيتو مهمين وعندكم اشغال
_ من بعض ما عندكم .. كنتي فين كده ؟
_ كنت فى شبة اجتماع كان عشاء عمل ، حضرت العمل وجيبت العشاء معايا
ضحكت فرح : فقرية
_ انا قولت اكيد متعشتوش فقولت ناكل مع بعض
_ ايه كل دا ..؟
_ حاجات بسيطه كده ننقفق فيها من الصبح ع سندوتش واحد ,, و ماما وخالو سافروا الاسكندرية يحضروا خطوبه عقبال عندكم كده وحسن فى المستشفي بايت هناك وحمزه سافر وانا لوحدي فى البيت ,,
_ يا حرام يا بنتي ..
_ صعبت عليكم اتبنوني يلا ..
- دا انتى إللى اتبنتينا
- والله ما قادره اوصفلكم فرحتي انكم هنا ,, فى الاوقات دى بكون قاعده فى البيت لوحدي ..
ضحكت "فرح": عدي جمايل ..
_ حاضر ١ ٢ ٣ ٤
يلا قومي يا فرح حضريلنا الاكل دا
- تمام ..
جلسا ع الارض يتناولا الطعام ويتحدثا :
-، عامله ايه فى العياده ؟
_ مرتاحه جدا معامله ذوق من الدكتور عبدالله والزباين بصراحه محترمين جدًا
_ مرتاحة ؟
_ مرتاحه جدا
_ يعني مفيش مضايقات ولا حاجه
- لا الحمد الله كله تمام ..
- طيب كويس ,, واحلام شكلك مبسوطه بزباينك ,,
_ زبابيني دول 2 ..
_ 2 هيجيبوا 2 وهكذا ,, متقلقيش واحده واحده المهم انك تظبطي حاجتهم وانا هعملك جروب ع الفيسبوك هحط فيه اللى بتعمليه واهو مع الوقت يكبر وزبابينك يكتروا ,,
_ انتى تاعبه نفسك يا اسما ..
_ ولا تعب ولا حاجه يا أحلام انا لو ب ايدي اكتر كنت عملت ,, عاوزاكم بس تعرفوا حاجه طول مااحنا مع بعض هنقدر ع اى حاجه ومفيش حاجه ملهاش حل اتفقنا ,,
_ اتفقنا يا ريس ..
تحدثت فرح : فى حاجه يا اسما ..؟
_ ايه ..؟
_ احلام ازاى هتدير الصفحه اللى هتعمليها و..
_ متقلقيش انا االلي هعملها كل حاجه فيها لاني عارفه اخر التكنولوجيا عند احلام هو ريموت التليفزيون ,,
ضحكا البنات : واحده واحده هتعرف كل حاجه ,,
_ ان شاء الله ,,
- بقولكم ايه انا هبرشط عليكم هنام هنا انهارده الشقه فاضيه فوق ..
- علشان كده نازله بالبجامه
- طبعا الإنجاز موجود ..
- يا جاهزه ..

فى عياده الدكتور "عبدالله" اتجهت "فرح" فى موعدها وتجهزت لاستقبال الزبائن ,, بعد انتهاء العمل فى العيادة اتجهت الى مكتب دكتور عبد الله :
_ انا همشي يا دكتور حضرتك محتاجني فى حاجه ,,
_ لا امشي انتى يا فرح ,,
_ عن اذنك ..
_ فرح ..
_ ايوه..
_ ممكن اطلب منك طلب ..
_ اتفضل لو اقدر اكيد ..
_ اختي راجعه بكره من دبي ، وانا عندي ميتنج فى الوقت دا ممكن تستقبليها فى المطار ,, "عايده كانت بتساعدني لما بكون مش فاضي متقلقيش هيكون معاكي سواق ,,
_ تمام مفيش مشاكل ,,
_ شكرا ليكي ..
_ ولا يهم حضرتك
_ انا هقول ل عبد الكريم يمر عليكي الصبح ..
_ تمام ..

فى اليوم التالي استيقظت "فرح" وانتظرت سياره دكتور عبد الله حتى اتت واتجهت الى المطار برفقتها باقه زهور ولافته ترحيب ، انتظرت قليلا حتي بدء خروج الركاب حتي ظهرت امامها فتاه تبلغ من العمر ٢٨ عاما شعرها بني قصير ذات بشره البيضاء والعيون الزرقاء مرتديه بنطال جينز وقميص وكعب عالي ونظاره كبيره وقفت امامها : هاي ..
ابتسمت "فرح": انسه "اميرة " ..
_ ايوه ..
_ انا مساعده الجديده لدكتور "عبدالله",,
_ اها .. اهلا ..
_ حمد الله ع السلامه دكتور عبد الله طلب مني اجي استقبلك ..
_ تمام .. يلا بينا ,,
_ يلا ..
احضروا الحقائب واستقلا السياره وفى الطريق لمنزل عبد الله :
_ قوليلي يا ..
_ فرح ..
_ قوليلي يافرح ,,الورد دا ذوقك صح ؟!
_ ايوه ..
_ ذوقك جميل ..
_ شكرا ..
_ قوليلي ع كده المحل دا عنده ورود حلوه ,,
_ جدااا ,,
_ طيب ممكن اروحه قبل ما اروح البيت ..
_ تمام ..
اتجها لمحل الازهار وكانت محتاره أميرة فى إختيار باقه زهور فساعدتها فرح فى اختيار باقه زهور ، ثم اتجها الى محل ذهب وساعدتها فى إختيار خاتم ..
اثناء العوده ..:
_ شكرا ليكي يا فرح بجد ساعدتيني كتير ..
_انا معملتش اى حاجه انا قولت رأي بس ,,
_ ورايك فرق معايا انا شخصيه متردده جدا وصعب اعرف اشتري حاجه بسرعه وانتى ساعدتيني جداا ، خصوصا الهديه دى لانها مش ل اي حد ؟
- مامتك ..؟
- يعني ممكن تقولي كده ل ام خطيبي ,,
_ اها ,, ان شاء الله تعجبها ,,
- اكيد ..
- انا سعيده جدا انى قابلتك يا "فرح" ..
_ وانا جداا ,,

اتجها لمنزل عبد الله وطلبت اميره من فرح ان تنتظرها قليلا بعد لحظات ظهرت اميره واحضرت لها حقيبه هدايا صغيره :
_ اتمني تقبلي هديتي البسيطه دى
_ ملهاش داعي ..
_ هتكسفيني يعني ,,
_لا ,, بس ..
- دى حاجه بسيطه ممكن تقبليها
- شكرا ..
_ هشوفك تاني اكيد ..
_ اكيد ..
اوصلها السائق الى العياده , و جلست فتحت الحقيبه وجدت زجاجه بريفيوم غاليه وظرف صغير به مبلغ بسيط من المال وكارت مكتوب فيه ( شكرا ع مساعدتك ليا دى هديه بسيطه ) تفاجئت "فرح " بالظرف ,, انتظرت "عبدالله" وقبل ذهابها الى المنزل وضعت امامه ظرف المال :
_ ايه دا ..؟
_ اعتقد اخت حضرتك نسيته فى الشنطه اللى ادتهالي ..
_ اميره .. لا منستش هى حبت تديكي المبلغ دا لكن احرجت فحطيتهولك مع البريفوم ..
_ بس انا معملتش حاجه علشان اخد فلوس ..
- اقعدي يا فرح ..
- ايوه ..
- بصي هى دى "اميره" اختي , لما حد يساعدها بتكافئه لانه من وجهه نظرها انجزلها مهمه مستحيلة واكيد انتى جربتيها انهارده وشوفتي ترددها الفظيع ، اميره لوحدها ممكن فى ٦ ساعات تشتري محفظه من ترددها ، وفكره ان حد معاها ساعدها دا إنجاز، وللعلم كانت مع "عايده" كده ، ف اى حد بيساعدها بتحب تهاديه وتكافئه لما تعرفيها كويس هتلاقي الموضوع عادي متكبريش الحكايه ,,
_ اصل ..
_ اعتبريها هديه ل "نور" مش ليكي ,,
_ شكرا يا دكتور ..
_ اتفضلي انتي علشان متتاخريش ,,
_ حاضر ..

عادت "فرح" للمنزل واحضرت حلويات ل "نور" وسعدت جدا ول اول مره وجدت شخص يتعامل معها بلطف بدون احراج .. ليلا اتت " اسما" وجلست مع فرح وأحلام كانت تنهي بعض الخياطه :
- مالك يا فرح ..
روت لها الموقف :
- اممم باين انها إنسانه ذوق انها تعمل كده
- تدي فلوس دا نص مرتبي ..
- رزق .. هى اهانتك علشانهم
- لا ..
- طلعت ذوق وحطيتها فى شنطه مع برفيوم تمنه اساسا مرتبك كله ، وبعدين بتقولي هي موجوده فتره وراجعه تاني دبي يعني ضيفه .. متركزيش يا فرح واعتبريه رزق بنتك مدام مفيهوش اهانه ولا حوجه ..
- طيب ..

فى اليوم التالي فى العياده وجدت فرح امامها "اميره ":
_ مساء الخير ..
_ مساء الخير انسه اميره ..
_ ازيك يا فرح عامله ايه كويسه ..
_ الحمد الله ..
_ عبد الله فاضي ولا ..؟
_ عنده حاله جوه ,,
_ ممكن ادخله مش هطول ,,
_ تمام اتفضلي اقعدي ولما تخرج الحاله اتفضلي ..تشربي ايه ..؟
_ امممم شربيني حاجه ع ذوقك ..
_ سخن ولا بارد ..
_ لا سخن ..
_ تمام كابتشينو بندق جميل ,,
_ يبقي اشرب كابتشينو بندق الجميل ..
_ جلست اميره تتصفح موابيلها حتي خرجت الحاله واخبرتها "فرح " بدخولها ,, خرجت من عند عبدالله وجلست فى الاستراحه تتنتظر عبد الله حتي انتهاء عيادته ,, بعد انتهاء العياده وبتتجهز "فرح" ل الذهاب ,, اتجهت "اميره" لها :
_ فرح.. انتى هتمشي ..؟
_ ايوه ..
_ ممكن اطلب طلب ..
_ اتفضلي ..
_ ممكن تيجي معايا مشوار ساعه بالكتير ..
_ انا ..
_ محتجاكي ممكن ..
_ تمام ..
اتجهت "اميره" و" فرح" ل احدي المولات وقامت "اميره" بشوبنج بمساعده "فرح" وسعدت جدا "اميره" بصحبه " فرح ,, جلسا يتناولا مشروب :
_ اظهرت ظرف به مال ووضعته امام فرح ..
_ شكرا بجد ..
تفاجئت "فرح" : ايه دا ..؟
_ دا علشان وقتك اللى انا اخدته وبشكرك ..
اعادت الظرف امامها :
_ المره الاولي وقولت عادي لكن مش هقدر اقبله المرادي ,,
_ ليه كده انتى زعلتي انا مقصدش حاجه ..
_ لا ابدا لكن انا معملتش حاجه استحقها انا معاكي لانك انتى اللى طلبتي دا ويادوب اقولك راي بس ,,
_ طيب ايه رايك هقولك ع اقتراح ..
_ اتفضلي ..
_ اعتبريه عربون ..؟
_ عربون ل ايه ..؟
_ انك تكون مساعده ليا لفتره اقامتي هنا فى مصر وهيبقي براتب ثابت حقك يعني ، انا اتكلمت مع عبد الله وطلبت منه يكلمك لكن هو قالي اكلمك انا .. ها ايه رايك ..؟
_ لكن ازاى والوقت ..
_ متقلقيش مش هجهدك قبل العياده بساعتين وبعد العياده بساعتين فرح انا مليش اصحاب هنا فى مصر اصحابي برا فى دبي ، وانتي عارفه اكيد انا هنا علشان خطوبتي هتتعمل هنا غير كده هرجع دبي ف انا محتجاكي معايا الفتره دى ممكن وبالسالاري اللى تقوليلي عليه ,,
صمتت"فرح": اعتبر سكوتك موافقه ..
فكرت فرح فى العرض وجدته دخل أضافي لها ول "نور" مصدر رزق اخر لها وتقبلته بصدر رحب مما لاحظته من معامله طيبه ولطيفه من "اميره" معها ...!

اجتمعا سويا "احلام" و"فرح" و"اسما" فى شقه أحلام وفرح كالعاده :
- وعليكي شويه حمص الشام وصااايه يا أحلام
- الف هنا
- قومي بقي يا فرح هاتي الآيس كريم
- استني شويا هيحصلك تلبك معوي
- لا معدتي متعوده ع العك .. قومي يلا
- ماتقومي انتي
- ونبي يااختي ما قادره العصعوصه بتنقح عليا
- سلامة عصعوصتك
- الله يخليكي منجلكيش فى عصعوصه ابدا ..
ضحكت فرح وإحضار الآيس كريم وتناولاه وتحدثا:
_ عامله ايه يا "فرح" مع اخت عبد الله صحيح ..؟
_ كويسه جدا وطيبه وبتعاملني معامله حلوه ,, بتعاملني اصحاب محسستنيش انى بشتغل عندها براتب
_ والله كويس جدا ..؟
_ بجد يا بخته خطيبها بيها ,, تعرفوا انها اتخطبت صالونات لكن بتحبه جدااا
تحدثت اسما : مفكرتكيش بحاجه دى يا فرح ..؟
_ ب ايه ..
تحدثت أحلام: ب ابو "نور " ,, كنتي هيمانه فيه رغم انك مكنتيش تعرفيه ولا شوفتيه غير يوم ما اتقدم ..
ضحكت اسما : هي كانت من إللى زوجي قره عيني من اول ما رن جرس الباب
- يووووه دى حسيستنا انه كان بينهم قصه حب عظيمه قبل ما يتجوزوا ..
- بتعملوها ازاي .. ازاى حد لا يعرفك ولا تعرفيه يتقدم ويوم الخطوبه يبقي قلبك وعينك ورموشك .. ها ازاي .. اه اتخطبوا وهتعرفوا بعض بس بلاش الدلق دا ..يعني انتى يا فرح لما اتجوزتي حسيتي بكده ..
_ الله يرحمه رغم انى وافقت عليه علشان اهرب من مرات ابويا لكن كان حظي حلو ,, كان رجل طيب ومعاه كنت مش بفكر فى حاجه هى الواحده محتاجه ايه من اللى هتعيش معاه غير المعامله الطيبه ..
مالت لها " اسما": الحوبهان يا فوزيه ..
_ ماهو دا الحب معامله طيبه مفيش تكدير ولا قله احترام بين الاتنين مش كلام اغاني
نظرت اسما اتجاه أحلام:
- طبعا يا أحلام انتى اخرك حب ماما وحب بابا وحب الوطن صح
- تقصدي ايه ؟
- يعني ب امانه كده فى مشوار حياتك يا عيني إللى مشفتيش زيه كتاب ، مفيش حد اعجبتي به ولا حد أعجب بيكي وكده ..
صمتت أحلام واستكملت اسما حديثها ب استعجاب : لا متقوليش انه محصلش خالص
استمرت أحلام فى صمتها ف تحدثت فرح :
- انتي بقي يا استاذة اس اكيد دوبتيهم صح
- هما ايه ؟
- الرجاله .. كميه الخطوبات إللى اتخطبتيلها دي
- بصي يا أخت ام نور .. الارتباط مشروع وأى مشروع فى الدنيا سواء عملي او عاطفي بيكون عباره عن طريق طويل ضلمه .. ايوه ضلمه ملوش ملامح .. ف انتى فى اوله بتاخدي قرار انك هتمشي الطريق دا وهتستحملي إللى فيه من مطبات وحفر علشان لما توصلي ل اخر الطريق ، توصلي للنور هتحسي انك عملتي إنجاز والإنجاز مش فى الوصول لا فى الطريق الل مشتيه واستحملتي للآخر ..ودا مش اى انسان يقدر يعمل كده ، ف الارتباط بقي سهل تقولي كلمتين حلوين لكن صعب تكملي وسط اختلاف الشخصيات والمشاكل الا لو الطرفين ماسكين ايد بعض بنفس القوه وبنفس الإرادة والرغبة وقتها هيقدروا يمشوا الطريق دا للآخر ومن خلال رحلتهم هيكتشفوا فعلا مشاعرهم انها حقيقيه ولا وقتيه وفعلا الظروف قدرت تأثر وتغيرهم ولا خلتهم متماسكين ببعض اكتر .. مش سهل الارتباط زى ما كتير فاكرين مش خطوبه وفستان وفرح .. حاجات كتير تربط الاتنين ببعض اهم ..وللاسف احنا فى مجتمع شكليات ..
- وانتى بقي ملقتيش رفيق الرحله دى ..
- والله يا أخت فرح لم ينجح أحد..
- ليه بقي .. ازاي ولا واحد منجحش ..؟
- علشان ملقتش إللى بدور عليه مع حد فيهم ..
- وانتي بتدوري ع ايه ؟
- العوض
- ايه ..؟
- بدور ع العوض
- انا اسمع إللى بتدور ع الحنيه او ع الأمان او الإستقرار .. لكن العوض جديده دى ؟
- بصي هو انا اكيد زى اى بنت ، عاوزه الحنان والأمان و الإستقرار نينينينيني بتاع الرومانسيات دا ، لكن انا عاوزه شخص ميفكرش فى إللى فات ، وهو معايا ميشغلش دماغه فى بكره نعيش انهارده بكل لحظه ونسبب بكره لبكره ، شخص يقبلني بكل الكلاكيع إللى جوايا ويفكهالي كلكيعه كلكيعه ومعاه تتبخر اى عقده ،ايوه عاوزاه يكون الدكتور النفسي بتاعي ، وجودي معاه مشاكلي تتحل مهما كانت ، مش عاوزه كلام عاوزه احس ب أفعال، عاوزه حد احس انه انا وانا معاه ، يكون مرايتي اللى لا اخجل ولا اتحرج منها ، شخص لما يعرف نقاط ضعفي ميستغلهاش ولا يدوس عليها ولا يقلل منها ، لما يعرف ان انا محتاجاه ميخزلنيش ويسيبني ويقول هتتعود وتنسي ، عاوزاه عوض، عاوزاه يحس باللي عيشته ويبقي العوض عن كل لحظه مرت عليا .. فاهماني انا محتاجه حد عن إللى عيشته وشوفته اقول دا العوض ع إللى فات، حقي اطمن ، حقي القي العوض ..
- يعني ولا حد خالص ..
- اتوهمت مره وبعدها لم ينجح أحد ..
- ع كده مش هتتجوزي ..
-انا مش عاوزه اتجوز لكن لازم اتجوز كلكعه كده متركزيش فيها
- يعني انتي لو حد اتقدم
- ومناسب هوافق طبعا ع خطوبه وقتها اشوف بقي يعدي ولا ينضم ل اخواته ..
- طيب ولاد خالك ايه ....
- ولاد خالي دول comfort zone بتاعتي ، مش شيفاهم غير اخواتي وبعدين حمزه اصغر مني وخاطب وحسن معقد زى حالاتي .. يعني احنا عيله مفيهاش الرجا
- يخربيتك لغبطتيني انا مش فاهمه انتى عاوزه ايه
- عاوزاكي تسكتي انتي ، دا ابو نور اتقدم وافقتي ولا كنتي تعرفيه ..
- بس عرفته بعد الجواز وكان ونعم الزوج وكان هيبقي احن اب ..
_ الله يرحمه ,,
_ الله يرحمه ,, يعني لو فى حد ظهر وعاوز يرتبط هتوافقي ..
- لا خلاص .. انا كفايه عليا نور
- يابت عيني فى عينك كده ..
- اهو .. انا قفلت موضوع الجواز دا من زمان .. انا عايشه لبنتي بس ..
- وانتى يا أحلام.. لو فى حد اتقدم هتوافقي اكيد الوضع اتغير عن زمان مفيش حد مضيقها عليكي ..
- مفيش حاجه اتغيرت .. انا زى ما نا .. بنت مكملتش تعليمها والحاجه الوحيده الل شاطره فيها الخياطه ، لو نزلت الشارع لوحدي اتوه مين يوافق يرتبط ب واحده مش موجوده اصلا ..
- ليه حاطه نفسك بالقليل كده يا أحلام.. فى أسوء منك وانتى مش أسوء حاجه .. فكيها ع نفسك كده مش يمكن اخر صبرك ربنا يعوضك خير ويبعتلك العوض انتي كمان ..
تدخلت فرح : ايوه يا أحلام انت زى الفل وكتير يتمنوكي بس انتى ..
- انا مش عاوزه واتمني بجد متفتحوش الموضوع دا معايا ممكن ..
لاحظت اسما تغير أحلام فغيرت الموضوع : تمام .. المهم يا فرح انك مرتاحه فى شغلك فى العياده ومع اميره ,,
_ بصراحه جدا ,, والذياده نفعاني جدا بصراحه انتى فاهمه ظروفي ..
_ طيب تمام .. واحلام فى الخياطه الدنيا تمام ..
_ نوعا ما كويسه زبونه بتجيب زبونه تمام ..
_ تمام ,,اه صحيح انا بكره مسافره الغردقه اسبوع وراجعه فى تصوير هناك، محتاجين حاجه كلموني انا موبيلي متاح وعبد الحميد موجود وماما وحسن ,,
_ تمام ..
اجبلكم شويا غردقه معايا
_ ودا ازاى
_ اتغردقلكم معايا ..
_ يا عسل
_ هاهاهاهاها ...

وسافرت اسما الى الغردقه ،، فى القاهره كانت "فرح" منشغله مع "اميره" لتحضيرات خطوبتها فكانت تستيقظ باكرا تكون برفقه اميره ثم تذهب الى العياده وبعد العياده تلتقي مع اميره حتي الساعه 11 مساءا ,, فى يوم كانت "احلام" تريد ان تذهب لشراء بعض الاغراض للخياطه فكانت "اسما" او "فرح" يذهبوا برفقتها لانها تجهل الذهاب بمفردها ,, كانت فرح تتجهز للنزول اقتربت منها أحلام :
_ فرح انتى نازله انهارده بدري
_ ايوه اميره هتنزل تشتري حاجات وعاوزاني معاها ماانتي عارفه
_ انا كنت عاوزاكي تنزلي معايا اشتري قماش وخيط ,,
_ مقولتليش من بدري ليه كنت اعتذرت حتي ؛
- يعني ايه ؟
- اسفه يا أحلام مش هينفع البنت خطوبتها قربت ومشغوله معاها ودا شغل ..
_ طيب ,,
- هبقي اظبطها معاكي تمام ..
نزلت "فرح" وجلست احلام حزينه لوجودها بمفردها اتصلت اسما بها :
_ بقولك يا احلام هى ماما قافله موابيلها لما تشوفيها قوليلها انا طول اليوم موبيلي مقفول لان هكون فى مكان مفيهوش شبكه ,,
_ حاضر ..
_ مالك ..
_ مفيش
_ مالك يا احلام فى ايه ..؟
_ عاوزه انزل اشتري حاجات للخياطه لكن فرح مش فاضيه ..
_ عبد الحميد فين ينزل معاكي ..؟
_ تعبان ومش هينفع اقوله خلاص مش مهم
_ مش مهم ايه دا شغل ,, استني هتصرف انا ..
_ هتعملي ايه ..؟
_ اقفلي بس ..؟
اغلقت الهاتف وهاتفت "حسن" :
_ حسن ابو علي يا خفيف الدم حسن ابو علي يا اخف دم .. صباح الفل يا سونه
_ دخلتك ع نهار ربنا مش مريحه عاوزه ايه ..؟
_ انت فين الاول ..؟
_ فى البيت بلبس ونازل المستشفي
_ كويس انى لحقتك ,, طلب صغنن ,, استغاثه انثي
_ استغاثه انثي مين دى انتى ..؟
_ لا .. احلام ..
_ احلام مين ..؟
_ احلام يا حسن ..؟
_ مالها احلام تعبانه يعني ولا ايه ..؟
_ قبل ما تروح مشوارك تروح معاه وسط البلد هتشتري حاجات للخياطه ليها مفيش حد موجود ينزل معاها ..
_ ومتنزلش ليه تشتريهم صغيره ,,
_ مش هتعرف ,, انزل معاها تشتري الحاجه وهترجع ع طول ..
_ اطلبلها اوبر ..
_ لا مينفعش تسيبها لوحدها ,, انزل معاها مش هتاخرك وغلاوتي وغلاوه عبد الحميد وغلاوه السنين
_ بس بس بس ,, خلاص
_ هكلمها تجهز تعدي عليها يلا سلام ..
_ بس .. قفلت بنت الايه .. ماشي يا "اسما " ,,
اغلقت الهاتف وتحدثت مع احلام وسط رفض احلام :
_ هو هياكلك وبعدين دا مش غريب دا حسن ابن عبد الحميد صديقك يابتوع الزرع انتوا ,,
هيوديكي ويرجعك ع طول ..
_ بس ..
_ مفيش بس بقي يلا علشان اتاخرت انا ..
اغلقت الهاتف وتجهزت احلام وجلست من مقربه من باب المنزل فى انتظار حسن ,, رن الجرس وفتحت الباب ابتسم لها :
_ مساء الخير يا احلام
_ مساء الخير يا دكتور ..
_ اعتقد اسما كلمتك و ..
_ ايوه ,,
_ يلا بينا لو جاهزه ..
_ ايوه ..
اتجها للسياره وجلست احلام فى المقعد الخلفي وتعجب "حسن" من تصرفها ,, جلس فى مقعده ونظر فى المرايا وجدها ملامحها خائفه تنظر فى الانحاء ب استمرار :
_ احلام ..
_ ايوةه ..
_ اعتقد الطف لو جيتي قعدتي قدام ولا انتى عاوزه تحسسيني انك فى تاكسي
_ لا ابدا بس ..
_ تعالي قدام اريح وابسط علشان لما تشوفي المحلات تقوليلي اقف انا مش هعرف لوحدي ..
_ ها .. حاضر
خرجت من المقعد الخلفي وجلست بجانبه :
_ تحبي تسمعي اغاني ولا بلاش ..
_ اللى يعجبك ,,
_ لا انتى كمان معايا لازم يعجبني ويعجبك يريحني ويريحك كده يعني ..
_ عادي ..
_ طيب تمام ..

ظلا طوال الطريق فى صمت ,, "احلام" فى حاله من الارتباك و"حسن" من الاستغراب ,, لم يقابل فتاه مثلها فى ارتباكها هكذا ,, وصلا لمنطقه المحدده لشراء الاغراض ,, :
_ محتجاني معاكي انزل يعني ..؟
_ لالالالا ,, انا هنزل لوحدي ,,
_ اللي يريحك ,,انا هستناكي هنا تمام ..
_ تمام .. عن اذنك
_ اتفضلي
تحركت "احلام" من السياره اتجاه المحل وكانت مليئه بالتوتر لانها لم تتعامل بمفردها فى حالات الشراء كانت دائما برفقتها "فرح" و"اسما" او عبد الحميد ,, ولكنها احرجت من "حسن " ان تخبره ,, اتجهت للمحل وبدأت تتحدث وتقرأ ما دونته فى الورقه من طلبات وكان "حسن" يراقبها من بعد وذلك بعدما تلقي رساله من "اسما" بعدم ترك "احلام" بمفردها ,, لاحظ توتر احلام مع البائع فنزل من سيارته واتجه اليها :
_ فى حاجه يا "احلام"؟
_ ها .. لا مفيش ..
_ طيب خلصتي طلباتك ..
_ لسه ..
امسك الورقه وبدء فى طلب الاغراض والفصال مع البائع وعادا الى السياره ,, :
_ كده كل حاجتك تمام ..
_ ايوه ..
- يلا بينا
فى طريق عودتهم للمنزل ابتسم "حسن":
_ شكرا يا احلام ..
_ شكرا ع ايه ؟
- انهارده انتى عيشتيني تجربة تعرفي اول مره افاصل مع بياع وكده ,, تجربه جديده معشتهاش ..
_ بجد اسفه لو سببتلك ازعاج ..
_ لا ابدا ,, المهم انك اشتريتي حاجتك ,,
_ تمام ..
اوصلها للمنزل وغادر ب ابتسامه ع وجهه ، فى نفس اليوم كانت "فرح" قبل ذهابها الى العياده اتجهت لمحل فى مدينه نصر لشراء اغراض ل "اميره" ,, واثناء طريقها الى مكان العياده اتجهت لمحل العصير وقامت بشراء عصير فى طريقها للعياده وفى اثناء سيرها ومراجعه الحقائب فى يداها تصادمت مع شخص وسقط العصير ع الارض وبعض النقط ع ذراع الشخص ,, فى حاله من الذهول :
_ انا اسفه ,,
_ لا ولا يهمك ,,
_ بجد مكنتش واخده بالي ,,
_ بسيطه بسيطه ..
_ ,, بجد اسفه ..
_ ولا يهمك ,,
_ عن اذنك ..
_ هو انتى من هنا ..؟
_ يعني فى حاجه ..؟
_ دا شارع جلال صح ..
_ ايوه ..
_ شكرا ..
_ عفوا ..
اتجهت لمحل مجاور للعيادة لتناول الافطار لمحت نفس الشخص فى المحل لم تعطيه اهتمام رغم نظراته اليها وابتسامته ، بعد قليل اتجهت الى العياده وتجهزت ل استقبال الزبائن وهى جالسه وقف الشخص امامها :
_ ايوه يا فندم ..
تفاجئت "فرح" وتغيرت ملامحها وبدون سؤال هاجمته بطريقه حاده :
_ نعم .. خير.. جي ورايا لهنا هو حضرتك فاكرني ايه لا مش زى ماانت فاكر انا ممكن اعملك فضيحه لكن دا مكان محترم ، اتفضل من هنا قبل ما اطلب الامن واقولهم انك بتضايقني اتفضل ..
_ اسمعيني طيب ..
_ اتفضل برا ..
خرج محرج وجلست بنوبه غضب :
_ ايه الاشكال دى علشان يعني كلمته كلمتين كويسين افتكرني سهله كده حاجه قرف ,,
بعد قليل دخل الدكتور "عبدالله" وبمرافقته الشخص وسمعت حديث دكتور عبد الله ":
_ مدخلتش ليه تستناني فى مكتبي تعالي تعالي ..
وقفت فى ذهول من رؤيه الشخص واقترب دكتور "عبدالله":
_ ملف اللى طلبت يطبع جاهز يا "فرح"
_ ها .. ايوه لحظه
تحدث دكتور عبد الله: مدخلتش ليه مش فاهم هو انت غريب يا " مروان "
شعرت "فرح" بقلق مما سيخبره مما فعلته به وادركت انه ذو معرفه وقرابه من الدكتور عبد الله :
_ اصل ..
بلعت ريقها وزادت دقات قلبها :
_ اصل كنت متلغبط فى عيادتين ف مكنتش متاكد ,,
_ كنت تدخل هنا
_ اتفضل الفايل ..
_ شكرا يا فرح ,, اه نسيت اقولك بعد كده لما "مروان" يكون هنا يدخل ع مكتبي يستناني ,, اعرفك " مروان " خطيب "اميره" ..
شعرت بكم الاحراج والمفاجاءه: حاضر .. اهلا مستر مروان
ب ابتسامه : اهلا فرح ,,
اتجها الى داخل المكتب ودقات فرح تتزايد من الخوف وبدأت تهي نفسها للطرد بعد معرفه "اميره" مما فعلته مع خطيبها ...!

فى الغردقه كانت اسما عائده من موقع التصوير وأثناء وصولها الفندق تفاجئت بوجود "حمزه :
_ بتعمل ايه هنا ..؟
_ انتى ناسيه فى مشروع لشركه هنا وانا احدي الموظفين المسؤؤلين عنه ..
_ مش انت كلمتني امبارح الصبح من نابولي
_ايوه ، و لسه راجع امبارح بليل ولما قولتليلي انك فى الغردقه قولت افاجئك ايه رايك ,,.؟
_ مفاجاءه جميله يا حمزاوي والله ,,
_ اكلتي ,,
_ لا لسه ,, لسه راجعه من الموقع ابعت الصور إللى صورتها وبعدها نتغدا مع بعض اتفقنا ..
_ اتفقنا وانا جهزتلك المكان كمان ..
_ تمام .. اشوفك الساعه 7 ,,
_ تمام ..
اتجهت لغرفتها وجدت بوكس كبير ملئ بالايس كريم وكارت :
_ علشان تبدعي براحتك ,, حمزه ..
ابتسمت واخدت علبه ايس كريم وتناولتها فى سعاده ,,
انهت اسما إرسال الصور واتصل بها "حمزه" لتأكيد موعد العشاء واغلقت الهاتف وبعد انتهائها من عملها وتتجهز للذهاب الى موعدها مع حمزة رن هاتفها من رقم غير معروف :
_ الو ..
_ تسمحيلي اقولك وحشتيني ,,
بسعاده : القبطااان ,,
..
يتبع