October 2017
မှန်ချပ်ရဲ့တစ်ဖက်မှာ နမ်းမဝထိုင်နေ၏။
ဧချင်းမေနှင့်အသည်းအသန်တွေ့ချင်နေသော နမ်းမဝကို ဧချင်းမေကရှောင်ချင်သည်။ ကြားသုံးကြားထဲက မောင်နှမကြားထဲ ဝင်ရပ်နေမိမှာကြောက်သည်။
မိုးတွေအုံ့ကာ ရာသီဥတုကမှိုင်း၏။ စိတ်အစဉ်ကလည်း ထုံထိုင်းနေတော့လေသည်။
ဧချင်းမေသည် ခြေလှမ်းနှေးနှေးနှင့် ကော်ဖီဆိုင်တံခါးကိုတွန်းဖွင့်ပြီး..နမ်းမဝရှိရာဆီခြေလှမ်းတည့်ရသည်။
"ဧချင်း ရောက်လာပြီပဲ ၊ ထိုင်ပါဦးရှင်...''
နမ်းမဝကသွက်လက်စွာ ခုံပါဆွဲထုတ်ပေးသည်။ ဧချင်းမေကို ပြုံးပြပေမဲ့ မျက်ဝန်းတွေကနွမ်းလျော့နေ၏။
ဧချင်းမေကလည်း အပြုံးလေးဖြင့် ထိုင်ခုံတွင် ဖြည်းလေးစွာထိုင်ချလိုက်သည်။
"ဘာကိစ္စရှိလို့လဲ အနမ်း ၊ ''
နိုင်မဝကိုအစပြု၍ ဧချင်းမေဆီဦးတည်လာမှန်းသိပေမဲ့ စကားအသွားအလာကိုထောက်ရှု့ကြည့်ချင်သည်။
"နိုင်နိုင်ကြောင့်ပါ ဧချင်းရယ်...''
မဝံ့မရဲမျက်နှာထားနှင့် အသနားခံမျက်ဝန်းများကြောင့် ဧချင်းမေရင်ထဲသို့ သနားစိတ်ကစီးကျလာသည်။ သံသရာတစ်ကွေ့မှာ ကြုံလည်းကြုံတတ်ပါပေ့ နိုင်မဝရယ်။
ပင်ပျိုချောနှင့် ကြုံဆုံရတယ်လို့ကွယ်။
"ဧချင်း...နိုင်နိုင့်ချစ်သူဆိုတဲ့မိန်းမအိမ်ကိုသိလား..''
"အို... ဘယ်လိုသိရမလဲ အနမ်းရဲ့ ..''
ဧချင်းမေအနေဖြင့် မစားရတဲ့အမဲ သဲနှင့်ပက်တယ်လို့တော့ အဆိုမခံနိုင်ဘူးကွယ် ။ ကိုယ့်ကိုယ်ကိုယ်ဖြောင့်အောင်နေမယ် ။
"ဧချင်းသိနေတယ်ဆိုတာ ဧချင်းမျက်လုံးတွေကပြောနေတယ် ။ကျွန်မတို့လို ဆွေမျိုးရင်းချာနည်းရှာတဲ့မောင်နှမကို မောင်နှမအရင်းတွေလိုသဘောထားပေးပါ ဧချင်းမေရယ်... ဒီတစ်ခုတော့ ကူညီပါနော် ။''
ဧချင်းမေက သက်ပြင်းချကာ စဉ်းစားချင့်ချိန်ပြန်သည်။ နမ်းမဝမှာတော့ မျှော်လင့်တကြီး ကြည့်နေမိ၏..။
YOU ARE READING
အနက်ရှိုင်းဆုံး နဒီ
Short Story"မိန္းမေတြက နဒီနဲ႕တူတယ္... ဒါေပမဲ့ တခ်ိဳ႕မိန္းမမ်ားက်ေတာ့ နဒီကိုသာၿပီး သမုဒၵရာျဖစ္တယ္ ။... အင္း... အနက္ရွိုင္းဆုံး နဒီေပါ့ကြာ...'' ▪▪▪▪▪▪▪▪▪ "မိန်းမတွေက နဒီနဲ့တူတယ်... ဒါပေမဲ့ တချို့မိန်းမများကျတော့ နဒီကိုသာပြီး သမုဒ္ဒရာဖြစ်တယ် ။... အင်း... အနက်ရှ...
