September 2008
ညအမှောင်၌ ဖယောင်းတိုင်မီးရောင်မှိန်မှိန်လေးက သူ့အင်သူ့အားအကုန်သုံး၍ ထွန်းလင်းပေးလေသည်။
နေ့အချိန်၌ နေမင်းသည် သူ့စွမ်းအားကိုအပြည့်သုံးပြီး တောက်ပသည် ။ ညအချိန်၌ လမင်းသည်လည်း သူ့စွမ်းအားကိုအပြည့်သုံးပြီး လင်းထိန်သည်။ပိုးစုန်းကြူးလေးများကလည်း သူစွမ်းသမျှဖြင့်လင်းလက်ပါသည်။သူတို့အားလုံးသည် သူ့နေရာနှင့်သူ အရေးပါအရောက်သည်။
နမ်းမဝအတွက်တော့ နိုင်မဝကပထမအရေးပါသောသူဖြစ်သည်။ဒုတိယကတော့ ဖွားလေးဖြစ်ပြီး...
တတိယနေရာမှာတော့ အဖေနဲ့အမေတို့နေရာရလေသည်။နိုင်မဝဘဝအတွက် နမ်းမဝရဲ့အရေးပါမှုဟာ
လိုအပ်လာလျှင် မီးညှိလိုက်ရုံနှင့်လင်းသော
ဖယောင်းတိုင်လေးသာဖြစ်ချင်ပါသည်။
"အာ့ ''
မနက်မိုးလင်းအရုဏ်တက်တာနှင့် စွင့်ကားပွင့်လန်းမည့် စံပယ်ဖူးလေးများကိုသီကုံးနေရင်း ဖယောင်းတိုင်ဆီအတွေးရောက်ကာ လက်ညှိုးထိပ်ကိုအပ်စိုက်မိလေသည်။စူးခနဲနာလို့အော်မည်ကြံမိပေမယ့် စာကျက်နေသောနိုင်နိုင်ကြားမည်စိုး၍ အသံမထွက်အောင်
ပါးစပ်ကိုလက်နှင့်ဖိပိတ်ရသည်။
"ဘာဖြစ်တာလဲ အငယ်။ အပ်စူးပြီလား...
အိပ်ငိုက်ရင်အိပ်လိုက်ပါလား အငယ်ရာ ။ ''
မကြားရအောင် ကိုယ့်အသံကိုအမီပိတ်လိုက်ပေမဲ့ နိုင်နိုင်ကကြားဖြစ်အောင်ကြား၍ နမ်းမဝသက်ပြင်းရှိုက်မိသည်။အပ်စူးတာကအရေးမဟုတ်။ နိုင်နိုင်က စံပယ်ဖူးတွေကိုဝိုင်းသီနေမှ ခက်တော့မည်။စံပယ်ဖူးတွေကိုဝိုင်းသီနေလျှင် နိုင်နိုင်စာကျက်ပျက်၍ စားမေးပွဲတွင်အမှတ်နည်းလိမ့်မည်။
"အပ်စူးတာမဟုတ်ပါဘူးဟာ။ အပ်စူးတယ်ထင်ပြီး
အော်မိတာ...ကဲကဲ စာဆက်ကျက်လေ ။ ''
"ပြဦး... အငယ့်လက်ကို ''
"ဘာမှမဖြစ်ဘူးဆို နိုင်နိုင်ကလည်း..''
ဘာမှမဖြစ်ဘူးဆိုတဲ့ပါးစပ်နှင့် လက်ညှိုးကအပ်စူးရာက ရှေ့နောက်မညီပေ။
မနက်စောစောနှင့်ညနေပိုင်းတွင် ရေလောင်းရသော အိမ်ရှေ့ရှိစံပယ်ရုံမှ ညရှစ်နာရီထိုးသောအခါ
မောင်နှစ်မနှစ်ယောက် နောက်တစ်နေ့မနက်ပွင့်မည်
စံပယ်ဖူးလေးများကိုရွေး၍ခူးကြရသည်။
ခူးစွတ်ပြီးသောစံပယ်ဖူးများအား
သီကုံးရသောအလုပ်ကို နမ်းမဝကတာဝန်ယူသည်။
ပွဲစားအလုပ်ကိုအယောင်ပြကာအိမ်ပြန်နောက်ကျသောအဖေ့ကို နိုင်မဝကစာကျက်ရင်းစောင့်ပြီး နမ်းမဝကပန်းသီရင်းစောင့်လေသည်။
အဖေပြန်မလာမချင်း ၊ ညဈေးအဝယ်ထွက်သောအမေကလည်းအိမ်မှာမရှိ၍ မောင်နှစ်မနှစ်ယောက်
ဖယောင်းတိုင်မီးကိုအားပြုပြီးနေရတော့သည်။
မနက်မိုးစင်စင်မလင်းခင်မှာတော့ နိုင်မဝက
စံပယ်ပန်းကုံးများကို ပန်းရောင်းသောဦးလေးချစ်ဆီပို့ပေးရပြီး ၊ ထိုအချိန်မှာ နမ်းမဝကထမင်းချိုင့်အတွက် ထမင်းနှင့်ဟင်းချက်ရင်း စာကျက်လေသည်။ တကယ်ဆိုလျှင် နမ်းမဝရဲ့စာကျက်ချိန်သည် နည်းပါးလွန်းပါသည်။ ကျောင်းဆင်းတာနှင့်အမေ့ကိုကူ၍ ဈေးထဲမှာဈေးရောင်းတဲ့အလုပ်ကိုလည်း နမ်းမဝလုပ်လိုက်သေးသည်။
ဤမျှ အလုပ်တွေဆက်တိုက်အောင်လုပ်နေတာကိုပင်၊ ''အငယ်ကစာကျက်ချိန် လုံလုံလောက်လောက်ရပြီးသားပါ နိုင်နိုင်ရာ'' လို့ ပြန်ပြောတတ်သည်။
KAMU SEDANG MEMBACA
အနက်ရှိုင်းဆုံး နဒီ
Cerita Pendek"မိန္းမေတြက နဒီနဲ႕တူတယ္... ဒါေပမဲ့ တခ်ိဳ႕မိန္းမမ်ားက်ေတာ့ နဒီကိုသာၿပီး သမုဒၵရာျဖစ္တယ္ ။... အင္း... အနက္ရွိုင္းဆုံး နဒီေပါ့ကြာ...'' ▪▪▪▪▪▪▪▪▪ "မိန်းမတွေက နဒီနဲ့တူတယ်... ဒါပေမဲ့ တချို့မိန်းမများကျတော့ နဒီကိုသာပြီး သမုဒ္ဒရာဖြစ်တယ် ။... အင်း... အနက်ရှ...
