Crown of Light (Daguitan Series #2)

Ikatatlumpo't Anim na Kabanata

Ikatatlumpo't Anim na Kabanata: Letters

Nagpaubaya ako nang alalayan ako ng emcee palabas ng lamesa. Sumama ako papunta sa harap. Until later on, I was surrounded by other women wearing long dresses. Ang puting gown ko lang ang tumitingkad sa lahat.

"Ano raw ang gagawin natin?" I whispered to someone who I had eye contact with. Nahihiya parin ako.

"Susunod lang ako sa kanila e," she smiled after.

Lito ako sa gagawin pero pinaalalahanan ko ang sarili na makisama.

Napatingin ako sa lamesa nina Nelsa nang makita kong pinapatayo na siya. Hindi rin sinasadya ng mata na mahagip ang isang grupo ng mga kalalakihan sa kabilang banda. And all of them were screaming with joy while ours are being shaded by an unfamiliar tension. Inalis ko agad ang tingin sa kanila nang makita si Orly na nakikisama. Diniretso ko ang mata ko sa palapit na ngayong kaibigan. Nahuli ko rin ang bouquet niyang ginamit kanina na inabot sa kaniya.

"Sasaluhin daw natin ang bulaklak," lingon sa akin ng babae kanina.

Nanatili ang tingin ko sa kaibigan. Pinanlakihan niya agad ako ng mata. Nahulog agad ang balikat ko dahil I knew she'll be unfair. At hindi na ako nagtaka nang walang kahirap-hirap na napunta sa akin ang bouquet na hinagis ng walang hiyang bruhilda.

She even acted surprised when she saw my hands.

"Yey! Sabi ko na nga ba! Para sa 'yo talaga 'yang bulaklak na 'yan! Ikaw na ang sunod na ikakasal sa akin!"

Binalingan ko ang mga kasama kong bigo.

"You threw this unfairly!" giit ko.

"Anong 'unfairly' ka d'yan? Sa 'yo nahagis, o! Sa 'yo!"

"Okay, tapos na rin ang mga ladies- and, oh! What a surprise!" Nabawi ang atensyon namin ng kaibigan nang magsalita ang palapit din sa aming emcee. Natagpuan kong nasa bulaklak na hawak ko nakatuon ang direksyon ng kaniyang tingin. "Our bridesmaid got the key to the next game!"

Pareho kaming lumapit ni Nelsa sa kaniya. Ganoon din si Orly, ang asawa ngayon ni Nelsa, at ang lalaking hindi ko inaasahan na sumusunod sa likod niya.

Umupo si Nelsa sa upuan nang tukuyin 'yon ng emcee.

Ako naman ay tumabi kay Novales, na nakababa ang ilang butones ng damit niya at ang sleeve ay naka-tupi hanggang ibabaw ng siko. Binilinan kami ng emcee na panoorin ang gagawin ng dalawa.

"Kukunin ng ating groom ang garter na nasa ilalim ng ating bride. He can be seductive or anything he'd like to do. Tapos kukunin niya iyon pailalim, at pagkatapos ay ibibigay sa ating gentleman." Sabi ng emcee, tinutukoy si Novales. Saglit pa itong napatingin sa amin. "Then our gentleman will give this to his pair, our gorgeous bridesmaid. At siyempre, hindi lang simpleng bigay ang gagawin."

Umikot ito para tingnan kaming dalawa.

"You'll have to slide the garter up to her thigh. Bawal gamitin ang kamay."

Agad lumaki ang mata ko.

Pinandilatan kami ng emcee.

Malinaw rin yata ang sinabi sa mga tao kaya lumakas ang hiyawan nila. Lalo pa ng mga lalaki.

Napatingin ako sa kaibigan an tuwang-tuwa.

I haven't attended wedding receptions. Naisip ko na maybe this too is part of Nelsa's filthy gestures? May mga ganitong laro ba talaga dapat?

Puwede ko namang ayawan 'to kaso espesyal na araw ng kaibigan. Ayaw kong maging kill joy sa kaniya kaya kakainin ko lang muna ngayon ang hiya.

Pero kinabahan ako lalo nang maalala na wala akong stockings na pinambalot ko sa binti. Malaki ang gown, almost identical sa bride. At dahil mainit ang ilalim, hindi na ako nagdagdag ng pabigat sa binti. At mababa lang din ang tights na suot ko. I was confident I'll go to my hotel room early. Kaya hindi na ako nag-abala.