Uni
“၂၆ရက်မတိုင်ခင်မရဘူးလား မေမေ။”
“မရဘူး သားရဲ့။ ၂၇ရက်နေ့ကမှ ရက်ကောင်းဆိုတော့လေ။ မေမေက တစ်ခြားမဟုတ်ပါဘူးသားရယ် မင်္ဂလာရက်တွေဆိုတာ တွက်ချက်လုပ်ရတာပဲမဟုတ်လား။ ဒီတော့ လက်ထပ်မဲ့ရက်လေးကိုတော့ မလောစေချင်ဘူး သားတို့ရယ်။ နော်”
မေမေက ဖိတ်စာနမူနာလေးကို စားပွဲပေါ်ချကာ သားနှစ်ယောက်မျက်နှာတွေကို စေ့စေ့ငှငှလိုက် ကြည့်နေခဲ့သည်။ ငြိမ်ကတော့ လက်ထပ်ရက် ဝေးလေကောင်းလေဆိုပေမဲ့ ဘုရင်ကတော့ မျက်နှာသိပ်မကောင်း။ ဒါပေမဲ့ တစ်ပတ်အတွင်းလက်ထပ်ချင်တယ်ဆိုတာရော၊ ငြိမ့်ကို သူ့အိမ်မှာလိုက်နေစေမယ်ဆိုတာထိပါ တောင်းဆိုထား တာမို့ လက်ထပ်မဲ့ရက်ကိုတော့ ဒေါ်မြမွှေးသဘောကို မလိုက်လျောလို့မရဘဲဖြစ်နေခဲ့သည်။ မင်္ဂလာရက်ကို ၂၆ရက် မတိုင်ခင်ဖြစ်စေချင်တာကလည်း သူ့အကြောင်းနဲ့သူ။ တကယ်ဆို သူနဲ့ငြိမ်တို့ကြားမှာ လောစရာအကြောင်း ကြီးကြီးမားမားမရှိဘဲ အလျင်စလိုဖြစ်နေရခြင်းသည်...
“အစ်ကို”
“ဟင်”
“၂၇ရက်နေ့ပဲသဘောတူလိုက်ပါနော်။ တစ်ရက်ပဲကွာတာလေးကို”
“ဪ အင်း။ ဟုတ်ကဲ့ မေမေ။ သားတို့အဲ့လိုပဲလုပ်လိုက်ပါ့မယ်”
ပါးစပ်ကသာ ဟုတ်ကဲ့ပြောနေပေမဲ့ မျက်ဝန်းတွေက အခြေအနေမကောင်း။ ဒါကို ငြိမ်ကလည်း ရိပ်မိနေခဲ့ကာ ၂၆ရက်မတိုင်ခင် လက်ထပ်ချင်ရတဲ့အကြောင်းကို တွေးလိုက်မိသည်။ ၂၆ရက်... ၂၆ရက်လား? သူ နံရံရှိပြက္ခ ဒိန်ကို ဖျတ်ခနဲလှမ်းကြည့်လိုက်သည်။ ၂၀၁၉.၆.၂၆ရက်...။ သူအမှတ်မှားတာမဟုတ်ရင် အဲ့ဒီရက်ဟာ သူကားတိုက်ခံရတဲ့ရက်ပဲ။ သူ ဒီကမ္ဘာကိုစရောက်လာပြီး မှတ်ဥာဏ်တွေပြန်ရတုန်းက ဒီကအချိန်တွေဟာ အရင်ကမ္ဘာထက် နှစ်လလောက်နောက်ကျနေတယ်ဆိုတာ သူသိလိုက်ရတာပဲလေ။ ဒါဆို...။ သူ့ဦးနှောက်က အလိုလိုအလုပ်လုပ်သွားကာ အိပ်မက်ထဲရှိ ဝါကျင့်ကျင့်စာလိပ်ကိုပြန်မြင်ယောင်လာသည်။
“အဆုံးအစ ထပ်ခဲ့တဲ့နေရာ
အဆုံးအစ ထပ်ခဲ့တဲ့အချိန်
YOU ARE READING
Love Zone (Completed)
RomanceUni ကောင်လေးတစ်ယောက်က စာအုပ်ထဲကို ဝိဉာဉ်ကူးပြောင်းသွားပြီးနောက် ကြောက်စရာကောင်းတဲ့ ဇာတ်လိုက်နဲ့ အမှတ်မထင် တွေ့ဆုံခဲ့တယ်။ Zawgyi ေကာင္ေလးတစ္ေယာက္က စာအုပ္ထဲကို ဝိဉာဉ္ကူးေျပာင္းသြားၿပီးေနာက္ ေၾကာက္စရာေကာင္းတဲ့ ဇာတ္လိုက္နဲ႔ အမွတ္မထင္ ေတြ့ဆံုခဲ့တယ္။ Cove...
