Uni
ငြိမ်တစ်ယောက် ဧည့်ခန်းမှာအေးအေးလူလူထိုင်နေရင်း ဇာတ်လိုက်နဲ့messageပို့နေသည်။ မနက် ကတည်းက ဇာတ်လိုက်က ခန်းမပြင်ဆင်တာတွေအပြီးသတ်ဖို့ဆိုပြီးထွက်သွားတာဖြစ်သည်။ နောက်ပြီး မချောလေးယောက်ရောပေါ့။ မချောတွေကကျတော့ မင်္ဂလာဆောင်မှာဝတ်ဖို့ ဝတ်စုံဝယ်ထွက်တာဖြစ်ကာ ငြိမ်လည်း လိုက်ချင်ပေမဲ့ ဇာတ်လိုက်က ပေးမလိုက်ချေ။ ဒီတော့ ငြိမ်လည်း မေမေနဲ့အတူ အိမ်မှာပဲကျန်နေခဲ့ရသည်။ မင်္ဂလာကိစ္စကြောင့် အဘိုးနဲ့ဖေဖေက တပူးပူးဖြစ်နေရသည်မို့ ဖေဖေလည်းအိမ်မှာမရှိ။ မေမေကတော့ သူနဲ့အတူ တစ်ခုံတည်းမှာပူးကပ်ထိုင်ရင်း သိုးမွှေးချည်နှင့် ပန်းပွင့်အကပ်လေးတွေထိုးနေကာ တစ်ချက်တစ်ချက်လည်း သူနဲ့ဇာတ်လိုက်၏ messages တွေကို လှမ်းရှိုးတတ်သေးသည်။ ငြိမ် မျက်ခုံးပင့်မိသွားသည်။ သူ့အမေက သူနဲ့ဇာတ်လိုက်ကို သဘောတူတာ မဆန်းတော့ပါဘူး။ သူမက အရမ်းကိုခေတ်နဲ့လိုက်မီအောင်နေတတ်နေတာပဲ။
“အန်တီမွှေးရေ.. သမီးလာတယ်”
“ဟယ် အဆင်း။ သမီးခုတလောမလာလို့ အန်တီကတောင် တွေးနေတာ။ ရန်ကုန်ကရောက်လာတဲ့ ကလေးမတွေကို ရှိန်လို့များလားဆိုပြီး”
“အဟင်းဟင်း မဟုတ်ပါဘူး အန်တီရယ်။ သမီးမှာ ကိစ္စလေးတွေရှိနေလို့ပါ။ ခုလာပြီပဲဟာ”
“ဟုတ်ပြီ ဟုတ်ပြီ။ ငြိမ်နဲ့လာတွေ့တာမို့လား သမီး”
“ဟုတ်တယ် အန်တီ”
“ဒါဆို အန်တီ။ အခန်းထဲဝင်ပြီး ခဏနားလိုက်ဦးမယ်။ သားနဲ့သမီး အေးအေးဆေးဆေးနေကြပေါ့”
မေမေက လုပ်နေကျအတိုင်းပဲ သူနဲ့အဆင်းကို နှစ်ယောက်တည်းထားကာ ထထွက်သွားသည်။ အဆင်းက သူ့ကိုလာပြီး ဝုန်းဒိုင်းကျဲခဲ့ပေမဲ့ မေမေ့ရှေ့မှာတော့ အပြုံးချိုချိုလေးနှင့် ဟန်ဆောင်ထားတာမို့ မေမေ့စိတ်ထဲမှာ အဆင်းဟာ အရင်လို ချစ်စရာကောင်မလေးအဖြစ်နဲ့ပဲရှိနေပေလိမ့်မည်။ သူ့ရဲ့ သာယာနေသော မနက်ခင်းလေး သည် ရုတ်ချည်းပျောက်ပျက်သွားကာ စိတ်ပျက်စရာလို့တွေးမိသွားသည်။
သူမကတော့ သူ့မျက်နှာချင်းဆိုင်ခုံကနေ သူ့ကိုလက်ပိုက်ကြည့်နေရင်း ခပ်မိန့်မိန့်ပြုံးသည်။ ငြိမ် စိတ်ပျက်စွာ နှုတ်ခမ်းတွေကို မဲ့ချလိုက်ရင်း
YOU ARE READING
Love Zone (Completed)
RomanceUni ကောင်လေးတစ်ယောက်က စာအုပ်ထဲကို ဝိဉာဉ်ကူးပြောင်းသွားပြီးနောက် ကြောက်စရာကောင်းတဲ့ ဇာတ်လိုက်နဲ့ အမှတ်မထင် တွေ့ဆုံခဲ့တယ်။ Zawgyi ေကာင္ေလးတစ္ေယာက္က စာအုပ္ထဲကို ဝိဉာဉ္ကူးေျပာင္းသြားၿပီးေနာက္ ေၾကာက္စရာေကာင္းတဲ့ ဇာတ္လိုက္နဲ႔ အမွတ္မထင္ ေတြ့ဆံုခဲ့တယ္။ Cove...
