គំនុំស្នេហ៍សងសឹក

គំនុំស្នេហ៍ សងសឹក ២

                 រឿង គំនុំស្នេហ៍សងសឹក
ភាគទី ២

@ ថ្ងៃបន្ទាប់

ថ្ងៃនេះជីអ៊ុន បានដើរចូលមកសាលារៀនដោយភាពជឿជាក់ហើយសង្ឃឹមថា គ្រប់យ៉ាងនៅក្នុងថ្នាក់រៀនរបស់នាងនិងប្រសើរជាងមុន សង្ឃឹមថាគ្រប់គ្នានៅក្នុងថ្នាក់រៀននេះនិងចូលចិត្តនាង ។ ពេលនោះដែល ជីអ៊ុន ស្រាប់តែឆ្ងល់ប្លែកក្នុងចិត្តថា ហេតុអ្វីក៏ស្រីៗក្នុងសាលានេះ ធ្វើខ្លួនដូចជាជ្រួលជ្រើមនឹងរឿងអ្វីមួយអញ្ចឹង ដោយសារតែការចង់ដឹង នាងក៏បានបញ្ជ្រៀតខ្លួនចូលទៅមើល នឹងគេដែរថាគេកំពុងតែមើលអ្វី
<< សិស្សច្បង...ដុងវ៉ុក...ពិតជាស្អាតខ្លាំងណាស់>> ពេលនោះដែរ ក៏មានសិស្សស្រីនិយាយគ្នាពីសិស្សច្បងណាមិនដឹង ធ្វើឲ្យជីអ៊ុន ក៏កើតចិត្តចង់ឃើញនឹងគេដែរ ថាសិស្សច្បងនោះស្អាតដល់កម្រិតណាទៅ បានជាសិស្សស្រីក្នុងសាលារៀននេះ មើលទេជ្រួលជ្រើមនឹងគេខ្លាំងម្លេះ ។ ពេលនោះនាងក៏បានឃើញ សិស្សប្រុសមួយក្រុមបានដើរមក ហើយក៏ឃើញប្រុសម្នាក់ដែលលេចធ្លោជាងគេក្នុងក្រុម ។
<< អួយ...>> ជីអ៊ុន ដែលកំពុងតែភ្លឹកមើលសិស្សច្បងនោះ ក៏ស្រាប់តែមាននរណាម្នាក់មករុញនាង បណ្ដាលឲ្យនាងដួល នៅកណ្ដាលហ្វូងុ ស្រីៗដែលរង់ចាំមើលសិស្សច្បងនោះ ។ ជីអ៊ុន ពេលនេះនេះនាងមានអារម្មណ៍ថាខ្មាស់គេជាងខ្លាំង ព្រោះគ្រប់គ្នានៅទីនេះនាំគ្នាសម្លឹងមើលមកកាន់នាង ហើយខ្សឹបខ្សៀវគ្នានិយាយពីរឿងនាង
<< នាងមិនអីទេមែនទេ...>> ពេលនៅដែលដុងវ៉ុក គិតថា នេះជាឱកាសល្អរបស់គេហើយ សម្រាប់ការធ្វើជាទេវបុត្រជិះសេះស នឹងចាប់ផ្ដើមហ្គេមរបស់គេដើម្បីឱ្យឆាប់ចប់ ។ អញ្ចឹងហើយ ទើបគេធ្វើជា បន្ទន់ជង្គង់សួរទៅកាន់ស្រីរូបអាក្រក់ ដោយសំឡេងរាក់ទាក់និងស្នាមញញឹមព្រាននារី
<< ខ្ញុំ...មិនអីទេ...>> ជីអ៊ុន និយាយដោយសំឡេងរដាក់រដុប នៅពេលដែលសិស្សច្បងដែលគ្រប់គ្នារង់ចាំមើលនោះ បន្ទន់ជង្គង់នៅខាងមុខនាង ហើយនិយាយជាមួយនាង ធ្វើឲ្យបេះដូងនាងលោតញាប់ស្ទើរតែធ្លាយចេញក្រៅហើយ
<< បើអញ្ចឹង...នៅអង្គុយដល់ណាទៀត...ឆាប់ក្រោកឡើងមក...>> ដុងវ៉ុកមិនត្រឹមតែនិយាយ ប៉ុណ្ណោះទេថែមទាំងហុចដៃ ឲ្យនាងចាប់ដើម្បីងើបឡើងទៀត ធ្វើឱ្យស្រីស្រីក្នុងសាលានេះ នឹកច្រណែននឹងជីអ៊ុន ជាខ្លាំងដែលបានចាប់ដៃ សិស្សច្បងកំពូលស្នេហ៍នេះ ។ ពេលនោះដែរ ស៊ូជីន ដែលជាមិត្តភក្កិជិតស្និទ្ធរបស់ហារ៉ា ក៏បានត្រឡប់ទៅថ្នាក់រៀនវិញយ៉ាងលឿនដើម្បីប្រាប់ដំណឹងនេះទៅកាន់មិត្តភក្កិរបស់ខ្លួន ហើយនឹកគិតក្នុងចិត្តថា ប្រាកដជាមានរឿងល្អមើលជាក់ជាមិនខាន
<< អរគុណហើយ...សិស្សច្បង...>> ជីអ៊ុន បានចាប់ដៃដុងវ៉ុក ដើម្បីងើបឈរហើយ ក៏មិនភ្លេចនិយាយអរគុណគេ
<< លើកក្រោយ...ឲ្យចេះប្រយ័ត្នប្រយែងផង...ខ្ញុំទៅសិនហើយណា...>> និយាយចប់គេក៏ដើរចេញទៅជាមួយនឹងមិត្តភក្កិរបស់គេ ក្រោមការសម្លឹងមើលដំណើរចាកចេញទៅរបស់គេរបស់ជីអ៊ុន