واقفة قدام القصر بجمود وصدمة ما نطقت ولا حرف ولا تحركت بـ ولا كلمة حست بالباب الخارجي ينفتح من خلفها لفت حتى تشوف واحد طويل وعريض لابس بدلة رسمية تعرف هو وش وظيفته بس وش يبي منه تكلم بشكل رسمي : انستي تفضلي بالدخول
تحرك واخذ الحقيبة الكبيرة اللي جنبها ومشى متوقع انها راح تلحقه لكن عدّا من الحديقة ووصل لباب القصر الداخلي التفت وشافها لا زالت برا وواقفه بجمود تام تنهد بملل ودخل داخل القصر ونادا على الخادمة وقال لها تروح وتخليها تدخل ومثل ما قال لها مسكت يدها وسحبتها معها وريم تمشي بكل طواعية معها لكنها ساكته وعيونها ثابته دخلت للقصر وثم لغرفة الضيوف دخلتها لدورة المياة وخلتها لحالها علشان تسبح
مشت بهدوء مميت وشغلت الموية وحطته عالبارد
ودخلت داخل البانيو تحت الموية شهقت شهقات متتالية بسبب برودة الموية ومع سهقاتها بدت تبكي وتنهار ظلت تبكي وتفرغ كل صدمتها بكت وبكت حتى حست قلبها يذوووب بين ضلوعها
_\____________
السعودية ..~... بيت عبدالرحمن
......
مشعل: يبه تبي اروح معك
الاب : لا ماادري وش راح تكون ردة فعلها اذا شافتني علشان كيذا ابي اروح لحالي وبجيبها هنا
مشعل: وهذ الرجال الللي لقاها لك شلون عرفها ؟
الاب عقد حواجبه : يقول انه لقى اسمها اللي عطيته اياه مسجل في واحدة من المدارس فعرف انها بنتي هنا
مشعل رفع حاجبه: يعرف انك مو هناك يروح ياخذها ويحطها عند باب بيتك ليه ؟
تنهد: انا قلت له يقنعها ويخليها تجلس هناك
مشعل: طيب متى بتقول للباقي ؟
: اذا جيت اروح بكرة
هز راسه مشعل وتنهد واخيراً بيرجع كل شيء لأصله وأخيرا لقوا القطعة الناقصة
______________
قضت ريم يومها بدون اكل فقط واقفه على البلكونة وتناظر القمر بتأمل وتفكر بمليون فكرة ليه تركها وليه يطلقها بهالطريقة وليه يقتل طفلها ويكسرها بهالشكل عقدت حواجبها وحاولت تركز وتسوي عصف ذهني لذاكرتها هي وش سوت ذنب علشان يحطمها بهالشكل حتى البيت اللي هي جالسه فيه ما تعرف بيت مين هو بس يلا شكله اشفق عليها وجابها هنا لانه يعرف انها مالها احد هنا ولا حتى في السعودية
غمضت عيونها وتذكرت ايامها اللي قضتها بدونه
وبغيابه اشتاقت لذيك الايام بشكل مميت
تحس انها الان عايشة جسد بلا روح
دخلت لداخل الغرفة وانسدحت عالسرير وغمضت عيونها وظلت فترة سااكنة ومو متحركة حتى غفت عينها وسرقها النوم لعالمه
_______________
تركض وصوت تنفسها عالي
ناظرت وراها وشافت كلاب تلحقها ومسعورة صرخت بخوف وزادت من سرعتها بالركض من الخوف صارت تركض وتركض فجأة حست نفسها تطيح بحفرة عميقة اول ما حست نفسها طاحت فزززت بقوة وهي تشهق من النوم مرتعبة وتنفسها عالي ومعرقة : بسم الله .. كابوس ...
غطت وجهها بايديها وبكت البيت كبييييير وموحش وهادي بشكل مخيف ومظلم
حست بكره عظيم لسيف كيف يتركها بمكان مرعب مثل هالمكان قامت وتعوذت من الشيطان ونزلت من السرير وراحت لدورة المياة وتوضت سحبت المصحف من على الطاولة وفتحت وصارت تقرأ واحداث الكابوس المرعب تمر على بالها ومرعبتها
/////———/////
صباح يوم ثاني
فتحت عيونها على صوت الخادمة تصحيها
استعدلت بجلستها وسمعت الخادمة وهي تأشر لها على صينية الفطور اللي محطوطة على الطاولة اللي بالبلكونة نزلت من السرير فرشت اسنانهت واستعدت وطلعت عن البلكونة وجلست حاطة يدها على خدها وتناظر الحديقة بشكل فاارغ تماما
شدّها الفوضى والخدم رايحين جايين لفت نظرها المرأة اللي دخلت للقصر ومتجهه الى باب صغير بجانب الباب اللي دخلت منه كللهم مشغولين
بترتيب القصر لسبب تجهله ريم
_______
الليل .. الساعة ١٠
على نفس جلستها وعلى نفس وضعيتها ما غيرتها لا اكل ولا شرب فقط الوجبات تتغير على حسب الموعد فطور او غداء او عشاء وقفت بتعب وهي تفرك عيونها ورمت نفسها عالسرير باهمال ونااامت
بعرض السرير بدون اهتمام
@@@@@@@@
