————
طلع من عند ابوه والجمود كاسي ملامح وجهه تقدم من امه وباس راسها واشر لريم تلحقه
وعند الباب ..~...
: انا بطلع ( ومد لها مبلغ) : في حال احتجتي شيء واذا بغيتي شيء ثاني دقي علي
ريم : ءء غازي . اممم
غازي يشجعها: ايوا؟
ريم: عادي توديني بيت اهلي
غازي سكت فترة ثم تنهد : يلا بسرعة روحي البسي عباتك انتظرك بالسيارة
____________
بيت ابو مشعل
باست راس ابوها وسلمت على الموجودين كلهم
بعدها صعدت تركض لسارة
فتحت الباب ودرعمت : هذا انا جييت
التفتت عليها : وجعع احد يدخل كيذا
: يوجع العدو ان شاء الله
وقفت وحضنتها وبحنية: شخبار عروستنا؟
ريم بحيا: الحمدلله ماعليك مني قولي لي وش فيك؟
سارة ابتسمت : انخطبت
ريم كفختها على راسها: مالت عليك يا قليلة الحيا وتقولينها كيذا وانتي مبسوطة استحي شوي
سارة بابتسامة: المهم توقعي مين؟
ريم: مين ؟
سارة ابتسمت وقلبها يرقص : حاتم ولد عمي
ريم : وطيب
سارة تنهدت: انا كنت احبه بيني وبين نفسي وما قلت لأحد دعيت ربي يجمعني فيه وربي استجاب دعائي يا ريم مو مصدقة ابداً
ريم ضحكت من حماسها: وحضنتها : مبروووك
سارة : باستخير وبظل كيذا يعني اني مستحية
بعدين بقول لهم
ريم : جايبتني من بيتي الى عندك علشان هالخبر كان قلتي لي بالجوال
سارة ضربتها على كتفها: انطمي هذا وانا ابيك تفرحين معي وتشاركيني شعوري
ريم ابتسمت: ومين قال ما فرحت الله يسعدك ويوفقك يارب
طلت جالسة معهم حتى دق جوالها وكانت من غازي يقول لها انه عند الباب ولازم تطلع له
_______-
بالطريق وهم رايحين للبيت
غازي : انبسطتي ؟
ريم : ايه الحمدلله
غازي : الحمدلله تعشيتي ؟
ريم هزت راسها : ايه اكلت
غازي : طيب ، ايوا شسويتي هناك؟
ريم : ما سويت بس جلست وسولفت مع خواتي
غازي : حلو طيب مجرد ما نوصل ننام علشان ورانا قومه الصبح طيارتنا ان شاء الله
ريم : نسافر ؟
غازي : اييه ليه لا ؟
وصل وقفل السيارة : يلا انزلي
ريم تكلمت : بس استغربت ان بنسافر
غازي : عادي مثل كل زوجين يسافرون مافيها مشكلة
_\_______________
...~...
بعد مرور اسبوعين ..~..
قضت فيها ريم ايام رجع لها استقرارها وشعورها بالأمان معه لا زال يحاول فيها واذا رفضت يطلع معصب ويرجع وهو مهدي نفسه ويحاول يكون لطيف ، اكتشفت قد ايش جموده اللي يظهره وراه بحر من الحنية واللطافة
لها يومين من رجعوا من السفر
طلب منها تصحى تسوي له الفطور كل صباح وتجهز له ملابسه
@@@@
ريم وهي تطلع الشماغ حقه وبحلطمة : كأنه بزر اجهز له ملابسه ما كن عنده ايدين لفت بتحطهم عالسرير واصدمت بصدره العريض : ااه
وعيونه بعيونها : ايوا ؟
ريم ابتسم ابتسامة المذنب : ءءءء شسمه ( رفعت الشماغ ) طلعت لك هذا
سحبه من يدها ورماه عالسرير رفع راسها من ذقنها ونزل نفسه لرقبتها رفعت ايدها وحطتهم على كتفه لما حسته يبوس رقبتها: ءءء غـ غازي
غازي: هممم
ريم : العمل حقك والفطوور على الفرن
غازي بعد عنها وبلل شفايفه وهو يتنهد همس قريب من اذنها : عندك الى ان ارجع للبيت الساعة ٣ ونص تجهزين نفسك ،، اتوقع تعودتي علي مو
ريم بارتباك وجسمها كله يرجف ومعدل تنفسها مرتفع بعدت عنه وطلعت تركض للمطبخ
زفر بقهر ومسح على شعره مرجعه على ورا
وصد يكمل يجهز لشغله
.........."@@@@@@" .....
___________
من طلع من الجناح وهي تحس بقلبها يرقع ومتوترة حيل
تنهدت بقهر وانسدحت عالسرير بعد ما ركبت المنبه عالظهر تصلي الفرض وتبدأ تسوي له الغدا
وبعد مرور ساعات عجزت ريم فيها تنام تتقلب تدور النوم مو راضي يجيها ناظرت الساعة شافتها جات ١١ وهي باقي ما نامت وقفت وتروشت وجسمها يرتجف من السهر طلعت من دورة المياة بعد ما خلصت من الشاور لبست ثم نزلت للمطبخ ظلت تحووس بس ما قدرت تنجز شيء جلست عالكرسي وحطت راسها على الطاولة وتأففت بصوت عالي مقهورة وقفت ولبست جلالها وكبرت تصلي استخارة لعل وعسى ينفع وترتاح من كثرة التفكير
انتهت وجوارحها كلها هجدت
غيرت ملابسها بشورت لنص الفخذ وبدي علاق
وطلعت راحت المطبخ وبدأت تسوي لها شيء خفيف تاكله وكاس شاي
...@....@.....
ظلت جالسة قدام التلفزيون اكلت وشبعت وظلت تضيع وقت بتفرفرها فيه غمضت عيونها وشوي شوي سرقها النوم على الكنبه والجهاز بيدها
__
مرت ساعة ساعتين ثلاث كانت غرقانه بالنوم لكن صوت جوالها اللي عجز يرن صحت على طول وركضت بسرعة تبي تلحق ترد شافت المتصل وبلعت ريقها بخوف تنهد بضحر وردت : هلا
رفع حاجب : صوتك مليان نووم ، ايش صار على اتفاقنا
ريم بنفسها( ماكان اتفاق الا كان امر من اوامرك الشاطحة) : اعرف بس نمت شوي
غازي : اهااا يلا احهزي سريع سريع وفيه السايق ينتظرك برا اطلعي له
ريم : ءءء بسس
غازي : مع واحدة من الخدم ما عليك يلا ما اتركك لحالك معه
ريم وقلبها يدق : طيب
&&&@@@&&&&&&&&&&&&&&&
ختمت كشختها بفردتين حلق حطتهم على اذانها
ناظرت شكلها بالمراية عااادية جداً ولا تعرف هل هذا هو اللي يقصده باجهزي والا لا
مسكت عطر من عطوراتها وحطته بالشنطة وسحبتها ومعها العباية ولبستها وطلعت للسايق اللي برا
ما تدري كم مر وهم يمشون حتى وصلوا لفندق قليل عليه كلمة فخمة التفتت وشافته واقف بثوبه وشامغه طاح قلبها ببطنها وهي تشوفه لابس نظاراته الشمسية نزولاً ليده اللي تزينها ساعة من ماركة عالمية وبيده سبحة سوداء ما زادته الا هيبة
فتح لها السايق الباب وهي رافعه حاجبها شهالبطرة
مشت بهدوء وهو مشى لعندها مسك ايدها ومشى متوجه لداخل الغرفة اللي بالفندق
...
دخلت للغرفة وفسخت عباتها وعلقتها
جلست عالكنبه ونزلت راسها لايدينها اللي تلعب فيهم بتوتر
اما هو فتح لها الباب ونزل لتحت عند صالة الاستقبال وجلس يشرب قهوته اللي طلبها علشان يعطيها فرصة تتنفس فيها
.
عندها :
وقفت وسحبت عطرها ورشت منه ورجعته وقفت وصارت تتمشى بالغرفة وتحاول قدر المستطاع تصرف نظرها عن السرير المزين بطريقة رومنسية
جلست على كرسي التسريحة اللي قدام السرير
وهي تناظر ملامح وجهها ولبسها وكيف هي فتحة الصدر
حقته ساتر من الظهر بما انها ما تقدر تفتحه لكثرة الاثار اللي فيه وما تبي تشوفه ابد
شعرها ستريت وهذا اللي قدرت عليه مكياجها حداً بسييط ماحبت تثقله ويصير اوڤر
طااح قلبها ببطنها وهي تسمع صوت الباب ينفتح وقفت وصارت تدور حول نفسها بتوتر ثواني هي وحست فيه يحضنها ويلصق ظهرها بصدرها باس راسها وبهمس : اهدي ،، ليه كل هذا التوتر؟
ريم بتوتر: ءء انت جيت .. ءءء شسمه
غازي وهو ينزل ويدفن وجهه برقبتها ويقبلها وهمس: هشششش حاولي تسترخين
ظل حاضنها لحتى حس باكتافها تسترخي بهدوء
غازي بهمس في اذنها : يا حظي فيك ..
قشعر جسدها برجفة ناظرت عيونه كيف يناظرها بحنية
غمضت عيونها وهي تحسه يقبلها بعمق
واستسلمت له
______
ابو مشعل وبيده الجوال: الله يحييك ويبقيك... ايه ابشر ابشر ... عاد ما يصلح عالجوال ،،، هههههههه نجتمع في بيت ابوي .. طيب طيب يلا مع السلامة في امان الله
_______________________
صباح يوم ثاني ..~..
فتحت عيونها وظلت فترة تستوعب هي وين رفعت يدها ومسحت على عيونها وتفاجئت وهي تشوف اساور الذهب حول معصمها التفتت وشافته واقف عند البلكونه لابس بنطلون اسود جينز بدون قميص استحت وهي تشوفه يلتفت ويتأملها بحنية
شب وجهها وسحبت البطانية واندست فيها
غازي وهو يمشي لها: هههههههه قومي
دق قلبها وهي تحس بخطواته تجي لعندها رفعت عيونها له لما سحب البطانية وبانت له من تحت المفرش بقميص النوم الكحلي وهي منكمشة على نفسها ومستحية منه
غازي رجع لحفها : يعني بتظلين كيذا مستحية مني ؟
ريم بنعومة : اصبر علي شوي طيب
غازي انحنى لها وبهمس وهو ذايب : ومن يقدر يصبر عن العسل ؟
ريم : ههه انا مو عسل انا ريم
غازي: ههههههههههههه واحلى ريم ، يلا قومي يا حلوة على ما يفوتنا الفطور يلا
ريم بحيا تناظره بعيون ناعسة : شكراً على الهدية
غازي ما تحمل ونزل وقبّل شفايفها وابتسم وهو يشوفها سكتت وحمرت : المفروض اقول لك صباحية مباركة يا عروس بس من شفت شكلك تلبكت وذبت يلا قومي الان لا اسوي شيء ما يعجبك
ريم : لا لا بقوم بس تكفى روح علشان اقدر اقوم انا
غازي تنهد: بروح بروح وهذا التصرف السليم اصلاً
_________________
بالسيارة ..
انتهوا من الفطور وشالوا اغراضهم كلها وطلعوا من الفندق
متوجهين لبيت ابو غازي ..~..
وبعد وصولهم جلسوا وسلموا على ام غازي وابوه
وظلوا معهم ضحكت ريم بقد الوقت اللي ما ضحكت فيه بحياتها انبسطت كثيير مع نجود وفراس اللي جلس شوي بس ثم طلع علشان ريم تاخذ راحتها اما مع منار كانت جداً رسمية ومتحفظة اتجاه ريم بالرغم انها تكتم ضحكتها على بعض المواقف الا انها من تشوف ملامحها تذكر كلام رغد المسموم عنها فتكشر وتصد وهذا اكبر غلط سوته بحياتها انها حكمت على ريم بدون ما تعطيها فرصة تعبر عن نفسها وعن كيانها وشخصيتها تعشوا وبعد القهوة والشاي اشر لها غازي بانتهاء وقتهم مع اهله وهذا الوقت اللي بيصعدونه فيه لفوق لجناحهم الخاص صعدت لفوق وهي مستغربة جمود ملامحة وانعقاد حواجبه وانقلاب مزاجه عن قبل
...—.————
ريم بابتسامة وهي تزيل حلقات اذنها والاساور والعقد وتحطهم في مكانها : مرره انبسطت مع خواتك كيوتيين ما شاء الله عليهم
غازي وهو واقف عند طاولة متعود يحط فيها اغراضه الشخصية : هممممم
ريم التفتت له باستغراب : ايه صح شفيك عصبت ؟ صار شيء ؟
غازي بجمود : اخلصي بنام
ريم عقدت حواجبها : طيب
مسحت مكياجها بسرعة وبدلت ملابسها ومشت وطفت انوار الغرفة وجات بتطلع الا انها ارتجفت بخوف من سمعت صوته الحاد يأمرها ترجع ولا تعدي خطواتها لبرا
ريم بارتباك : وش ؟ قلت انت بتنام هذا انا سكرت النور وبطلع ؟
غازي بحدة : ومين قال لك تطلعين ؟ يلا تعالي نامي
ريم تخصرت : شرايك بعد انت اللي تقرر متى ادخل الحمام ومتى ما ادخل
غازي : ريييم لا تختبرين صبري وخلصيني تعالي
ريم بعصبية : ماني جاية واعلى ما بخيلك اركبه
صدت وجات بتطلع ما حست الا بيد شديدة تحيط بذراعها وتسحبها لورا اصطدمت بصدرة العريض رفعت راسها والتقت عيونها بعيونه اللي تناظرها بكل عصبية العالم
وتوترت وزاد ارتجافها
غازي من بين اسنانة المشدودة بغضب: لا قلت لك الكلمة سمعيها ونفذيها بدون لف ودوران
ريم بارتباك : بس انا مو عبدة عندك تعاملني بهالشكل وش سويت طيب ؟
غازي بعصبيه : وش سويتي ؟ اذكرك كيف كنتي ماخذة راحتك بسوالفك مع فراس اخوي ( مسك ذراعها وشد عليها بكل عصبيه وهو يهزها ) مو مسموح لك ابداً تتكلمين مع اي احد مو محرم لك ابداً
ريم : بس عادي هو كان اذا تقابلنها يكلمني وانا ارد عليه ما سويت شيء غلط هذا انا كلمته وانا متحجبة ومتسترة وكلها بحدود الاحترام ما زودتها ولا غازلته
شهقت بخوف من لما شد على رقبتها وصار يرجع ويدفها لحد ما ضربت بالجدار بكل عنف وتكلم وهو شاد على اسنانه وعروق رقبتها وضحت : وتقولينها كيذا بدم بارد
تبيني اذبحك ؟
ريم زادت معدل ضربات قلبها بخوف : ءءء لا لا اسفه والله ما اعيدها
غازي بهمس حاد فاقد سيطرته بسبب غضبه وقهره اللي كتمه طول ماهو كان يشوفها تسولف مع فراس وتضحك معه : أنتي كلك على بعضك لي أنا ،، ما فيه احد له حق انه يسمع صوتك او ضحكتك غيري انا ... لا اعاد اشوفك تسولفين مع غير محارمك لا اقطع رقبتك وارميها للكلاب
انتهى من كلامه ومجرد ما انتهى وبعد رجع بشكل سريع يحمي جسدها من الارتطام بالارض بسبب فقدانها لوعيها
_________
انتهى البارت
تفاااعل
سووووري على التأخييير وطول المدة بسبب ظروف قاسية جداً .. ( الجامعة) ..💔💔
