حنين بقهر : تخيل وش سوا
,,,,,
قام صلاح ووقف قدام ريم : صح كلامها ؟؟
ريم بخوف : لا
صلاح بعصبية : لا تكذبين
ريم : والل.....
سحب منها التابلت والظرف اللي فيه ال٥٠٠ وحطه بجيبه وصرخ ينادي سمية
وبعد ثواني جات سمية
وبزعل مصطنع : هلا
مد لها التابلت : خذي
انبسطت : الله لي انا اخذتها وصارت تنط
وبكل بزرنه صارت تنط وهي تضحك
خواتها منقلبه وجيههم انقهروا وهم مالهم دخل ابداً ما توقعوا الحركه هذه من اختهم حتى لو انهم يكرهون ريم بس ما توصل كيذا
بلعت ريم غصتها وهي مفجوعه بغض النظر لو جاتها وقالت لها ان بخاطرها فيه عطتها اياه
واصلاً اللي قالته هي كذب في كذب وما احد يدري انها سجلت في المسابقة عدا حنين
,,,,
حنين بألم: ذاك اليوم دخلت غرفتها وقفلتها وصارت تبكي حاولت فيها تطلع لكن ما رضت امك دقت عليها الباب علشان تسوي العشا لكنها ما ردت عليها ولا كلمتها امك ذاك اليوم هي سوته
جابر انكتمت انفاسه بسبب الربو وبضيق صار يكح مو قادر يتنفس حمر وجهه ووقف وهو يكح وطاح من طوله مغمى عليه
حنين بخوف : جابر .. جابر حبيبي قوم جابر بسم الله عليك جابر
وقفت بشكل سريع ودقت على اخوها وقالت له يجي لها وهي ومو عارفة وش تسوي
جاها مسرع وهو منخرش وش صاير .. طاح جابر من طوله
لبست عباتها وطلعت معه وحركوا بسرعه رايحين المستشفى
______
ريم وسيف
ركبوا الطائرة وظلت ريم تناظر في الطيارة باعجاب ولا مره بحياتها ركبت طياره ويوم ركبت ، ركبت طيارة خاصه بسيف
شافت سيف واقف ويأشر لها وبصوت غليظ : اجلسي هنا
ويوم انها جلست انحنى لها ومن انحنائه كتمت ريم انفاسها بخوف سكّر لها الحزام ويوم شافته مسكر وبكل غباء ضربت سيف على كتفه بعصبيه
التفت لها بصدمه وعقد حواجبه : نعم ؟
ريم بعصبيه : ليه؟ ( سكتت فتره ومخها مقفل وبغباء) تربطني ؟
توسعت عيونه بصدمه حاول يكتم ضحكته عدل وقفته وبكل صوته صار يضحك: ههههههههههههههههههههه استغفر الله
سكت وبضحكه: كيذا قوانين الطياره يا عيوني لازم تربطين الحزام ومثل ما تربطين حزام الامان في السيارة تربطين هذا
ريم بفشله عضت شفايفها : اهااا
سيف ابتسم : ما قد ركبتي طياره؟؟
ريم : لا ولا مره شفتها حتى
سيف جلس على الكرسي اللي قبالها وسكر حزامه وبحنية: ان شاء الله بتتعودين عليها
ريم مدت بوزها وبدت نبضات قلبها ترتفع من بدت الطيارة تتحرك : ماابغى اصلاً تخوف
سيف : ما فيه شي يخوف ناظري من الشباك وشوفي كيف راح ترتفعين من على الارض
وحلقت الطيارة متوجهه الى مطار زيورخ احد مدن سويسرا
_________
في المستشفى
وبعد انتظار طال لمدة ساعة ونص
طلع الدكتور فز كل من حنين واخوها يوسف
الدكتور : اهل المريض جابر ؟؟
حنين ويوسف : ايه
الدكتور تنهد: الحمدلله كان عنده ضيق في التنفس وبعد العلاج تحسن راح يرتاح عندنا نص ساعة ثم يقدر يطلع
يوسف هز راسه: يعطيك الف عافيه دكتور مشكور ما قصرت
الدكتور ابتسم : واجبنا يلا الحمدلله على سلامته
حنين : دكتور نقدر ندخل له
الدكتور : ايه بس بدون ازعاج
حنين : ماراح ازعجه
دخلوا حنين ويوسف لعند جابر
مفتح عيونه وصاحي حس عليهم وسكت وما تكلم ومعقد حواجبه واضح انه معصب
جلست جنبه وسكتت ما تكلمت حاسه بشعوره
تكلم بقهر: ليه ما قلتي لي وليه هي ما تكلمت
حنين : جيت بكلمك لكن هي منعتني ماكانت تبيك تعرف مادري وش كان هدفها ( ابتسمت يوم طرى عليها تصرفها) بس ترا اخذت هي حقها بنفسها ،
التفت عليها بقوه : كيف
حنين ابتسمت وضحكت بخفه: دخلت غرفة سمية وكسرت التابلت وراحت لغرفه ابوك واخذت ال٥٠٠
و تصدقت فيها
جابر ابتسم وضحك بقوه : تربيتي فدوه ههههه كح كح ااي ( وبألم ) مع انه ابوي لكن يستاهل
حنين ضحكت : ههههههههه سمية عضت الارض من القهر
جابر : تستاهل
حنين: اما ابوك عصصصب وقام يصارخ يبي يعرف من اللي سرقها والى الان ما يعرف ان ريم هي اللي اخذتها
__________
سيف وريم
~~~
المضيفه: استاذ سيف الان وقت الوجبه وش حاب اجيب للانسه
سيف: انا جيبي لي توست جبن وكوب قهوة
التفت لريم شافها تناظر الشباك وصاخه ومندمجه
ابتسم : ريم وش حابه تاكلين
ريم: ما ابي .. ابي انام
سيف تنهد: لازم تاكلين يلا
ريم ناظرت الاكل وكشرت : والله مالي نفس اكل الله يخليك لا تجبرني
سيف تنهد: طيب
________
بعد ما استقرت الطائرة في مطار زيورخ
وركبوا السيارة
ناظرت باستغراب وهي تشوفه السايق يدخل من بوابة ضخمة لاسوار عالية التفت حتى تشوف حديقة البيت كبيره وواسعه وكلها ورد
وقفت السيارة ونزل السايق ويفتح الباب لسيف نزل سيف ووقف عند الباب : انزلي يلا
نزلت وهي تناظر البيت وقلبها يدق بحماس ودها تركض وتروح تشوف الورد
مسك يدها ومشى معها ودخلوا البيت عقدت حواجبها وسحبت يدها منه : ابعد ابي اروح اشوف الورد
سيف رفع حاجبه : ريم بلا دلع انتي مو طفله خليها بكره
ريم بارتباك : لا ابي الحين اروح
سيف : وجهك واضح عليه التعب وتبين تطلعين بهالبرد
ريم : ااا عادي انا احب البرد
سيف غمض عيونه يحاول يهدي اعصابه : ريييم
قدامي يلا
ريم بعصبيه : ليه تبيني انام انا مو بزر متى ما بغيتني انام رحت نمت ماابي انام الحين
سيف قرب منها بخطوات سريعه ومسك فكها : لا قلت لك امر نفذيه بدون ما ترادديني .. حافظي على سلامتك ،، وصوتك لا يرتفع على صوتي ويا ويلك لو فكرتي تعصين لي امر
ريم غرقت عيونها دموع: لااا احسن اصير عبدة عندك ( مسكت كفوفه وبعدتها عن فكها) بعد عني
صدت عنه وركضت صاعده للدرج ما تعرف وين بتروح لكن بتدخل اي غرفه تشوفها قدامها صارت تركض و اول باب شافته قبالها فتحته ودخلت وسكرت الباب وتسندت عليه تنهدت بقهر وبكت
بخوف من حياتها معه عرفت انها خارج السعودية وفي مدينه اسمها زيورخ يعني هي لحالها وما لها الا هو انسدحت عالسرير وتلحفت وغمضت عيونها
وناامت
__________
دخل المكتب حقه وجلس عالكرسي المتواجد خلف الطاولة اللي كانت باللون البني المحروق
سند راسه للخلف ناظر جواله اللي رن معلن عن وجود مسج مسكه وفتحه وقرأها :
" الرجال بيكون متواجد في متحف بهانفستراس تقدر تقابله هناك الساعه ٩ الصباح .. تبي شي ثاني طال عمرك ؟؟؟ "
ورد فقط بـ لا
——
يتبع
