٢٣/
قرب منها بخوف: وش اللي يعورك ؟ شفيك
بلعت ريقها وحاولت تتماسك: مـ مافيني شي
ولفت عنه وركضت لدورة المياة ومن الألم نست تقفل الباب فسخت القميص
صارت تئن وتشهق وهي تحاول تبرد الحرارة اللي تحس فيها
@@@
عقد حواجبه وهو يسمعها تئن ما تحمل ودخل لدورة المياة وانصدم وهو يشوف ظهرها كيف مجرح والجروح ملتهبة
ابوها بصدمة: مين اللي سوى بظهرك كيذا
شهقت بخوف ولبست القميص بسرعه وهزت راسها : مو أحد
غمض عيونه وشد على اسنانه وبعصبية مكتومة :
البسي وجهزي نفسك باخذك عالمستشفى
جات بتعترض قاطعها : هششش ماابي اي اعتراض بتروحين
@@@@@@@@@
بالمستشفى :~:
: ريم صالح
وقف ووقفت معه ودخلوا عند الدكتورة
شرح لها ايش مشكلتها وبعد الكشف
الدكتورة: الجروح ملتهبة سوف اكتب لها الدواء المناسب وعليها ان تستمر عليه لكي يشفى تماما
ابو ريم : ما هي الاسباب ؟
الدكتورة : النفسية السيئة
____
وصلوا القصر بعد ما انتهوا من المستشفى وصفت لها الدكتورة مرهم تحطه كل يوم
ابوها كان ساكت طول الطريق ما تكلم
والحمدلله ما تدخل وسألها ليه نفسيتها سيئة
جلست عالسرير وخذت نفس وزفرته حست عيونها تثقل وراسها مصدع وقفت وبدلت ملابسها ثم انسدحت ونامت
_______________
صباح يوم ثاني
جلس على طاولة الطعام وسأل الخادمة عن عدم تواجد ريم معه هزت راسها وقالت له انها بتروح تصحيها
دخلت غرفتها وشافتها جالسه عالكنبة وماده رجولها التفتت لها اول ما دخلت وناظرتها بصمت يعني وش تبين
الخادمة: آنستي حان وقت الافطار السيد يريد منك النزول
ريم : قولي له اني لا اريد تناول الافطار
هزت راسها وطلعت من الغرفة
.@.@.@.
دخلت لغرفة الطعام
: ءءء سيدي الآنسة الصغيرة لا تريد تناول الطعام
ابو مشعل: يا صبر ايوب ( وبالانجليزي) اذهبي وقولي لها ان تأتي حالاً
.@.@.@..@
ريم : حسنا سآتي
دخلت لغرفة الطعام وشافته جالس وماسك الايباد
وعالطاولة جواله وبعض الملفات
ريم بحلطمة: هلا
رفع عيونه لها : صباح الخير ..تعالي اجلسي
ريم تأففت : ماابغى
: ادري ما تبين بس تعالي جلسي باتكلم معك في موضوع
جلست بنفس الطاولة تاركة مسافة كرسي يعني بينه وبينها كرسي
ابتسم على حركتها وتركها حط الايباد على جنب وشبك اصابعه ببعض واسند كوعه على الطاولة
: انتي عارفة ان بعد يومين رحلتنا على السعودية باذن الله
ريم: ايه اعرف ان رحلتك بعد يومين ( وشددت على رحلتك)
رفع حاجب : وايش افهم من كلامك انسة ريم
ريم : اللي فهمته انا ماراح ارجع معك السعودية
ابو مشعل : رييم بلا بزرنه وعوار راس ماني راجع وتاركك هنا لحالك
ريم بقهر : تركتني ١٩ سنة لحالي مو صعبة عليك تتركني الان
ابو مشعل بعصبية: رييييم لا تستفزيني دام النفس عليك طيبة بتروحين يعني بتروحين وجهزي نفسك
وشنطتك
وقف واخذ اوراقه وايباده ومشى وطلع من غرفة الطعام رايح للصالة
اما ريم وبعصبية منها اخذت الصحن وبأقوى ما عندها رمته على الارض وخلال لحظات تحول الى اشلاء
..
ابوها وهو ماشي سمع صوت التكسير وبصوت عالي : شوي شوي على الصحون
ريم عضت شفايفها بغيض ونزلت تنظف الزجاج وهي تشيله بعصبية جرحت ايدها تألمت ومسكت يدها بألم سحبت منديل ولفت يدها ورجعت تبي تنظف الا شافت الخادمة جاية وتنظفه خبت يدها بجيب البنطلون وطلعت من غرفة الطعام رايحة لغرفتها
@.@.@.@.
دخلت غرفتها وانصدمت بالخادمة اللي حاطه شنطة كبيرة للسفر وجالسة ترتب الملابس داخل الشنطة
صرخت بقهر : ماذا تفعلين ؟ من امرك بذلك؟ لم اسمح لك بعد بترتيب حقبيتي ابتعدي دفتها بعنف وخذت كل الملابس ورجعتهم للكبت ثم طلعت رايحة للصالة بعصبية وقفت قدامه وبعصبية ما قدرت تمسك نفسها : قلت لك مو رايحة معك ماابي ارجع السعودية ليه مو راضي تفهمني
ابوها ما رفع راسه لها ولا حتى ناظرها ومشغول وساكت عنها
ريم بقهر : انا اتكلم لو سمحت
ابوها بروقان : اذا عرفتي كيف تتكلمين معي باحترام وقتها سمعت لك وحاولت افهمك اما بأسلوبك هذا اسلوب الحيوانات انا لا أسمع ولا أفهم ولا اتكلم تعرفين لغة الحيوانات مجهولة مااقدر افهمها
ريم ناظرته بصدمة: ايش ؟
ابوها مارد عليها
مشت بقهر وجلست ومسحت على وجهها ناسية جرحها وما تذكرته الا لما تلطخ وجهها بخفيف من الدم اللي على كفها : اووففففف
كتم ضحكته ورفع عيونه لها وشاف وجهها ونشف الدم بعروقه وفتح عيونه بصدمة وبهدوء : من ايش هذا؟
رفعت عيونها له وهي تمشح وجهها بالمنديل : حاولت انظف الزجاج اللي انكسر وانجرحت يدي بس
رفع حاجب : بسس ؟
ريم : ايه بس
بهاللحظه دخلت الخادمة تبكي وتشهق ومسويه دراما
عقد حواجبه باستغراب وناداها وسألها : وش فيه؟
: ذهبت لترتيب حقائب الانسه صم بعد دخولها للغرفة صرخت علي ودفعتني واسقطتني ارضاً اهئ ... سيدي انا لا اريد العمل هنا مرة اخرى
جمدت ملامحه بعصبية وانقهر وجه كلامه لريم : صحيح كلامها
انقهرت منها ومن بهاراتها : ايه صح صرخت ودفيتها بس ما ( وبسخرية) اسقطتها ارضاً
ابوها صرخ بعصبية : اعتذري منها حالاً
ريم : ما سويت شيء علشان اعتذر
ابوها بعصبية اكبر : رييييم
نفخت خدودها بقهر : اسفه
ابوها : عيدي اعتذارك بدون حلطمة ونفخة راس
ريم بلعت ريقها : انا اعتذر منك
الخادمة ناظرت ملامح وجهها كيف مقهورة ابتسمت : لا بأس ( ووجهت كلامها لأبو ريم): بالمناسبه هل تريد ان اكمل ترتيب حقائبها
هز راسه لها
جات بتتكلم ريم حط كفه على فمها وتكلم وهو شاد على اسنانه : ولا كلمه
شال ايده من فمها وسألها: حطيتي من الدواء اللي عطتك الدكتورة
انحرجت وتفشلت ولا عرفت وش تقول له وسكتت
ابوها بصبر : ريم
ريم باحراج: ماعرفت احط لي ما أوصل
ابوها ناظرها ثم لف ونادى على ماري
: نعم سيدي
: اذهبي وضعي الدواء على ظهر ريم
: حسناً
وراحت تحط الكريم على ظهر ريم اللي من العصبية والحرارة اللي تحس فيها من القهر زادت عليها وما حست فيها الا لما هدت وتعوذت من الشيطان
——@——@———@
نهاية البارت
تفاااعل ،،❤️💋
