سارة بصدمة: وش كل هذا؟ مين مسوي فيك كيذا ؟؟
ريم بتعب وتتنفس بقوة : سارة تكفين لا تسألين عن شيء مالي خلق اتكلم
وقفت : تمام يا روحي انا خلصت تبين تنامين ؟
ريم ولسانها ثقيل: مـ ماعندي .. ممكان انام فيييه
سارة عضت شفايفها بشفقه : تمام مو مشكلة تعالي نامي معي بغرفتي كبيرة ونفرين وتكفيينا ثنتينا
ريم بضيق وزعل على حالها: مو قادرة اقوم رجولي مو شايلتني
سارة : تمام بروح انادي ابوي
طلعت من المكتب بسرعه وراحت الصالة اول ما شافها ابوها وقف وهو عاقد حواجبه : وش فيه ؟
سارة : بابا ءءء بس ريم ءء تبي تنام ومو قادرة توقف تقول رجولها مو شايلينها
ركض مشعل للمكتب بسرعه اما ابوه تنهد وصار يمشي بخطوات معتدله لانه عارف حالتها هذه من ايش كله من كثرة البكاء
....
دخل المكتب بسرعه وشافها جالسة وتنفسها شوي قوي
رفعت راسها له وبلعت ريقها: ماله داعي بحاول اوقف لحالي
مشعل وقف واستند عالباب وتكتف يبي يشوف نهايتها
اما هي وقفت فجأة حست بخمول برجولها وما قدرت توقف وطاحت على ركبها على دخول ابومشعل للمكتب ضرب مشعل على كتفه : ليه ما ساعدتها
مشعل هز اكتافه: مارضت
ابوه بعصبية: ولا راح ترضى اذا بتاخذ رايها
توجه ابومشعل لها ومسكها من ايديها وساعدها توقف اول ما حس انها وقفت شالها : لا تقعدين تكابرين وانتي مو قادرة اذا ما ساعدوك اخوانك الان متى يساعدونك وعلشان كيذا هم اخوانك اصلاً
ريم بهدوء : نزلني ماابي بمشي لحالي
ابو مشعل ببرود وهو ماشي متوجه لغرفة سارة : تقدرين ؟
عضت شفايفها بقهر واستسلمت كل شيء خامل بجسمها مو قادره تحرك ولا شيء بس تبي تنام كل شيء تجمع عليها تعب السفر والنفسية بالحضيض وألم ظهرها وغربتها وشتاتها ....
دخل لغرفة سارة سدحها عالسرير ولحفها مسح على شعرها: ارتاحي ( سحب يده من شعرها وعطاها الخبر) علماً انك لازم تقومين بكرة الساعة ٥ الصباح تصلين تضبطين امورك تحطين دواك ثم بعد كيذا تخليني اصبح بوجهك الجميل بغرفة الطعام على الفطور وهذا احد القوانين ما احد يتخلف عن أي وجبة سواء كانت فطور او غداء او عشاء الكل يكون متواجد الا بعذر انا اقبله
ريم : من الان اقول لك عذري مااقدر اجلس بالكرسي ظهري يألمني
ابو مشعل مشى وما عطاها وجه : عذر مرفوض
مشعل ابتسم بهدوء وغمز لها : تصبحين على خير
يا روحي
ريم : اووووففف
ابو مشعل طفى اللمبة وسكر الباب عليها
: ساااارة
بهدوء وبدون ما تناظره وزعلانة منه : هلا يبه
ابوها ناظرها وابتسم ثم ضربها بخفه على راسها: على بالك انا اللي مسوي فيها كيذا صح؟
سارة رفعت راسها بصدمة: مو انت ؟
ابوها بسخرية : مو انت ! طبعاً مو انا ( وبجدية) .. هذا اللي كانت عنده جعل ايده تنشل
ووووو وبكيذا انتهى اليوم بكل احداثه وبكل معاناته
________
سارة: ريم ريم
ريم : همممممم
سارة: ريم قومي والله يا ويلك من ابوي قومي تأخرتي كلنا جالسين على الطاولة الا انتي
ريم بنعاس: طيب ابلعوا انتوا انا ما ابي اكل
سارة بضحكة: هههههه ريم قومي والله اذا ما قمتي بكب عليك مويه باردة
ريم قامت بعصبية ونفظت الفراش عنها ونزلت وراحت دورة المياة غسلت وجهها وفرشت اسنانها والمزاج بقدونس وواصلة معها
______
سارة نزلت وهي مبتسمه دخولها لحياتهم بيضيف شوي اكشن على حياتهم المملة
ابوها : وينها ؟
سارة : قامت الان بتنزل
ابوها: وليه الضحكة
سارة تذكرت ورجعت ضحكت بخفه وبصوت خفيف : لا بس ريم وهي نعسانه ضحكتني
ابتسم ابوها فعلا ريم تفصل وقت اللي احد يصحيها من النوم
دقايق حتى نزلت ريم لابسة بنطلون اسود وبلوفر عنابي ورافعه شعرها ذيل حصان وقذلتها نازله وكل ثانية ترفعها وترجع تنزل وتتثاوب ومشيتها مالها خلق لأحد
وصلت لأخر درجة وما انتبهت تحسب انها خلصت الدرج وهي مغمضة عين ومفتحة عين
ابوها بصوت عالي : ريم باقي در...ءءء
ما امداه ينهي جملته الا وريم متكرفسة وطايحة على وجهها تعدلت وجلست على ركبتها كشرت ووقفت بتأفف وبصوت ثقيل: ما ابي اكل شيء
الكل ضحك على طيحتها وعلى شكلها كيف تتكلم وهي ميته نوم
فتحت عيونها بقوة وغمضتها وفتحتها وناظرت ابوها وبقهر: طالما ماعندي كرسي اجلس فيه كـ ءءءء
ابوها ببرود : كرسيك هذا هو جنبي تعالي اجلسي
سارة بضحكة: ريم بسم الله عليك شكلك الى الان بعالم الاحلام هييييه اصحي
ريم بهدوء : صاحية صاحية
مشت وجلست بالكرسي اللي جنب ابوها
: يلا بسم الله
بدأ الكل ياكل الا هي متسنده وعيونها تفتح وتغمض تسمع الصوت بعيييد والرؤية ضبابية حتى استسلمت ونام وهي جالسة عالكرسي
وبينما الكل ياكل ومشغول بسالفة ورا سالفة التفت ابو مشعل يبي يسألها ليه ما تأكل وانصدم وهو يشوفها نايمة وهي جالسة راسها على جنب وفمها مفتوح وغرقااااانه نوم
الكل سكت ووجه نظره لها
مشعل وجه كلامه لسارة : متى نامت امس ؟
سارة: ابد اصلاً بس انسدحت عالسرير نامت على طول انا اللي نمت متأخر وكانت طول الوقت نايمة
تنهد ابو مشعل وبحدة: ريييييييم
فزت وتعدلت بشكل سريع وبفهاوة: هااه ايه قمت .. ايه اكل .. هااه
خالد: هههههههههههههههههههههههه يا فهاوتك
خزه ابوه وبعد كيذا ما انسمع لاي احد صوت
ابو مشعل: قومي غسلي وجهك وتعالي لي هنا
ميلت شفايفها بحلطمة ووقفت بثقل ومشت وراحت للمغاسل وغسلت وجهها اكثر من مرة علشان تتنشط خذت منديل ونشفت وجهها ورجعت معقدة حواجبها ونفسها بخشمها
سحبت الكرسي وجلست : جيت
ابو مشعل : ادري انك جيتي هذا انتي كبر البغل جنبي
ريم: والله ما انت مجبور تخلي واحدة كبر البغل جنبك والا ببيتك كان وديتها حظيرة البغال
رعد ابتسم وبشكل سريع اخفى ابتسامته اما سارة ماقدرت تكتم ضحكتها : ههههههههههههههههههه زين انك معترفة انك واحدة من البغال ههههههههه
ريم كشرت وناظرتها باحتقار: وانتي اختي يعني مثل ما انا بغلة فانتي بغلة
بتهديد: ريم وسارة ووجع ان شاء الله لا احترام ولا تقدير لوجودي بينكم ما ابي اسمع ولا همس
...
بعد كلامه وحدته بالكلام الكل سكت حتى اصوات الملاعق هجدت
ابو مشعل بعصبية: ريم .. سبق وقلت لك كلامي من قبل قوانين البيت تلتزمين فيها بدون اي استهتار تأخيرك اللي اليوم اتمنى ما ينعاد واستعدي بكرة راح تبدأين تداومين مع نور بنفس المدرسة
ريم بهدوء: بس انا ما ابي ادرس
ابو مشعل تنهد وتأفف بقوة : يا صبر ايوب ( وبعصبية) ريم لا قلت الكلمة ما ابي اعيدها بتروحين يعني بتروحين غصباً عنك انا ما اشاورك انا جالس اعطيك خبر فقط لا غير
ريم : طيب تبي شيء ثاني
ابو مشعل : ايه الان بلعي لك اكل لان لك ثلاثة ايام ما بلعتي لك حاجة
الكل كان ساكت ومحترم عصبيته ومتعودين عليها وواضح ان ريم زودتها معه من كثر اعتراضاتها عدا ريم اللي كان قلبها يرجف من الخوف
وقف مشعل : الحمدلله
( باس راس ابوه ) يلا مع السلامة يبه توصي شيء
ابومشعل: سلامتك بحفظ الله
ريم مدت يدها ومسكت الشوكة وغرزتها بخياره وحطتها بفمها وصارت تاكلها ببطء شديد
شافت ابوها ياخذ من صحن البيض ويحطه بصحنها ناظرته وسرحت تذكرت كيف كان شعورها لما كانت تشم ريحة البيض او تشوف شكله يوم كانت حامل كانت تحس بشعور يقرف حتى انها وهي بس تتذكر قلبت عليها كبدها وقفت بسرعه وحطت يدها على فمها ودخلت دورة المياة واستفرغت كل اللي في معدتها اللي كلته توها
عقد حواجبه وغمض عيونه بصبر : لا حول ولا قوة الا بالله
سارة وقفت : انا اشوفها بابا
راحت لدورة المياة وصارت تدق الباب وسمعتها تبكي وتستفرغ وتكح
انتظرتها لحتى تهدى معدتها دقايق فتحت ريم الباب وشافت سارة قدامها انفجعت سارة من وجه ريم كيف صار احمممر وكأن الدم كله احتبس في وجهه عيونها حمراء دامعه معرقه
غسلت وجهها بالمغاسل وغسلت رقبتها بموية بارده
سارة : بترجعين تجلسين عالطاولة؟؟
ريم برجاء: تكفين تقدرين تروحين تشيلين البيض عن صحني وبعيد عني الله يخليك اكرهه وما احب اشوف شكله
سارة هزت راسها : ان شاء الله
..........
: ليه
سارة : ما تحب البيض تحوم كبدها منه
ابوها عض شفايفه : طيب شيليه ثم ناديها خل نشوف نهايتها
_____
راحت لعند دورة المياة وما شافتها موجودة
استغربت وراحت دخلت داخل وانفجعت من اللي شافته وبأعلى صوتها صارت تصرخ برعب
.@..@.@،.@.@.@
الكل سمع صراخها اول واحد وصل كان عبد العزيز وقف عند دورة المياة وانصدم من اللي يشوفه ريم طايحة عالارض ويدها مجروحة جرح عميق ودمها مالي المكان
وصل ابو مشعل ودخل للحمام وفتح عيونه بصدمة
ريم طايحة وعبد العزيز يحاول فيها يصحيها
شاف مرايا المغسلة مكسورة وزجاجة منها قريبه منها اكيد هي اللي جرحت نفسها فيه ابو مشعل بسرعة : عبدالعزيز شيلها بسرعة خل نوديها المستشفى بسرعة
_________
بعد نص ساعة وقفت السيارة قدام المستشفى نزل ابو مشعل بسرعة من السيارة وشالها وترك عبدالعزيز يركن السيارة
دخل : لو سمحتوا بنتي
ساعدته الممرضة وحطها عالسرير وصاروا يدفونها وبنفس الوقت يجاوب على الاسئلة اللي تسألها اياها ومشى حتى دخلوها لغرفة الفحص
______
وووووو
..
...
....
.....
........
انتهى البارت
تفاعل؟ ❤️❤️❤️
كومنتات؟ ❤️❤️❤️
