ريم : هــــئ
ابو مشعل بغضب وهو شد عليها وبقسوة: ما عندك ام .. امك انتحرت ورمتك علي ... ما بغتك
حاولت تجهضك لكن ربي كاتب لك حياة
عرفتي ليه اسكر على موضوعها
بغضب رفع عيونه لعيونها وجمدت ملامحه وهو يشوفها تنزل دموعها بصمت وواضح مصدومة مايدري انها جالسة تعد المحاولات اللي حاولتها تبي تنتحر ضحكت بسخرية وبصوت باكي مجروح: هه اقلب الجرة على فمها تطلع البنت لأمها
خفف مسكته لها وقام عنها وهي لفت وانسدحت على جنبها اليمين وغطت راسها بالمفرش وهي تشهق وتبكي
تنهد بقهر وطلع من الغرفة تارك الباب مفتوح
انتهى العقاب
\_\____\______\_\_____
يوم ثاني
دخلت دورة المياة وتروشت ثم صلت وقفت وفتحت الباب وشافته مفتوح تنهدت وبداخلها
"اخيييييراً" نزلت تحت ودخلت لغرفة الطعام وشافتهم كلهم مجتمعين ياكلون راحت جلست بجمود وبدون ما تتكلم
رعد : داخله على يهود ما تسلمين،؟!
ريم ميلت شفايفها بضجر: السلام عليكم
الكل رد عليها السلام
نور بنعومة: هاه ريم بتجين معانا بيت جدي ؟
ريم بتساؤل: بيت جدك؟ جدك الى الان عايش
سارة : ههههههههه قوية يا ريم بسم الله على جدي الله يطول بعمره
ريم بملل: ماني رايحة مالي خلق اقابل احد
عبدالعزيز واول مرة يكلمها من لما تكلم معها بهذيك القسوة ومن لما طلعت من المستشفى :
يوووووه والله يا عمتي خلود بتنتفك اذا ما جيتي مرة متحمسة لك وجالسة تجهز وتطبْخ لعيونك
ريم كشرت وناظرته باحتقار ونزلت عيونها لصحنها اللي فيه شوي خيار وطماطم وقطعة جبنه وتوست مدهونة بمربى
انقلبت ملامح عبدالعزيز وتفشل وحز بخاطره
مشعل: خير الاخت حاقدة وش في خاطرك ؟
ريم ببرود: لاا بس انا مكبرة الموضوع وزين ان ابوي ما رماني بالشارع لكنه رماني عند ناس وخير يا طير جداً عادي اللي صار
عبدالعزيز صفر وجهه وزرّق وبخفوت وهو يتنهد : انا اسف .. كم مرة اعتذرت لك
عضت شفايفها بقهر وسكتت عنه ولا ردت
رغد بقرف : يععع ولا قلب ناقه
رفعت عيونها ريم بحدة لها خلت رغد تقمط ام العافية
رغد بارتباك : انا بروح المدرسة
ابو مشعل بضحكة: تبين مصروف
رغد بقهر انهم يضحكون عليها: لا وبعدين مافيه شيء يضحك
خالد : ههههههههه اعترفي انك خفتي يالخوااافة
رغد بقهر وفقدت اعصابها: هذا اللي ناقص اخاف من هالمطلقة
شهقت سارة و نور بصدمة من كلامها وعضت شفايفها من لما شافت ريم تهجم على رغد وتشدها من شعرها وريم وبكل تهور صارت تضرب فيها بكل مكان تصيده يدها بصدمة من ابوهم مسك ريم وبعدها عن رغد اللي تبكي وتحاول تحمي نفسها ريم ومن محاولاتها انها تنفلت من بين ايدين ابوها شمخت رقبته ضربته بس هو مو راضي يتركها
ابو مشعل: رغد انقلعي غرفتك الان
ريم بقهر وعصبية تكملت وفضحتها بشيء تعرفه عنها: مطلقة ولا واحدة راعية شباب رخيصة للي يسوى واللي ما يسوى
ضربها ابوها على فمها بعصبية علشان تسكت وهو يرفع عيونه لرغد اللي ارتبكت وشهقت بخوف صدت بتروح غرفتها لكن
ابو مشعل بصرخه: لا اشوفك قدامي حالياً روحي لغرفتك وانا جاي بعد شوي الحساب معك عسير خلني اكتشف ان ريم صادقة وعطيني جوالك الان
هجدت ريم وناظرتها بتوعد بتجيها لين عندها وبتوريها شغلها
رغد بكت: والله
ابو مشعل: رغد
مشت وقربت من عنده اول ما قربت رفعت ريم رجلها ورفستها على بطنها بكل قوتها وبعصبية: قايلة لك لا تتعرضيني وهذه الثانية وما تتوبين
هذا اخر تحذير ( وبجنون) وان عدتيها والله اذبحك واشرب من دمك يا حيوانة
الاخوان والبنات وزوجات ابو مشعل كانوا مصدومين من اللي يصير
انسدحت رغد وهي تمسك بطنها بوجع وتصيح
ابو مشعل مسك فك ريم وبحدة وهو راص على اسنانه: ليه مو ناوية تهجدين ؟
ريم ببرود: الان هجدت فك ايدينه عنها ومسكها من ذراعها وراح لغرفتها ودفها لداخل وبتهديد: لا اشوف وجهك اليوم كله
____________
ابو مشعل بعصبية : وش اللي تقصده ريم؟
رغد برجفه: تكذب كذابة ما فيه شيء صدق من اللي قالته
مشعل: طيب طالما هي ماسكة عليك هالشيء معناته فيه شيء مسويته انتي والا ؟
ابو مشعل بجمود وبيده جوالها : مين حبيبي ؟
جمد الدم بعروقها وبارتباك : ءء هذا صديقتي ملقبين بعض كيذا
مشعل بصبر يحاول يكتم عصبيته : رغد .. لا تكذبين ولا تستغفلينا اكثر من كيذا وتكلمي ( وبعصبية وصراخ) مييين
رغد بكت وصارت تشهق: هـ هذا اخو صديقتي يحبني واحبه وناوي يخطبني
ابو مشعل بسخرية: صدق والله ... بعد عمري والله ( وبحدة) وانتي مصدقة نفسك طبعاً
رغد : ايه طبعاً هو يحبني وغير عن الشباب الباقي
ابوها : اييه وش اثباتاتك حضرة جنابك
رغد ببكى: هو جهز شقته علشان اذا جهزت بيجي ويخطبني
ابو مشعل بتطنيش وبعصبية: طلعتي معه ؟
رغد بخوف: لا لا والله العظيم ما رضيت بس مكالمات اااااه
ضربها كف على وجهها ماقدر ماقدر بكل وقاحة تقول له انها كانت تكلمه ولا خافت من ربها قبل لا تخاف منه
شد على يده بقهر وقلبه ينبض بقوة من القهر والغبنة وبقهر تكلم: اخر عمري تحين تعفسين سمعتي بحركة طايشة منك ... عض شفته وناظرها بنظرات حادة مخيفة : قومي انقلعي غرفتك وخلي
والتفت على مشعل : مشعل قفل الباب عليها وجيب المفتاح ( ونبرته بدت تضعف ) مافيني حيل
مشعل انقههههر واخوانها دمهم يغللي من العصبية لكنهم محترمين وجود ابوهم
ابو مشعل: نور
نور بخوف : سم
ابو مشعل: روحي نادي لي ريم
نور: ان شاء الله
________
بعد فترة جاه صوتها المبحوح : هلا
ابو مشعل : من متى تعرفين وكيف عرفتي ؟
ريم بلعت ريقها: من فترة بسيطة وكيف عرفت سمعتها وهي تتكلم معه
ابو مشعل: وليه ما قلتي لي
ريم رفعت اكتافها ونزلتهم وبدون اهتمام : ما يهمني والموضوع مالي دخل فيه
ابو مشعل رفع حواجبه : سمعة اختك ومصلحتها ماتهمك؟؟؟
ريم: مو عن سمعة او مصلحة بس هذا شيء خاص فيها انا وش دخلني احشر نفسي واعلمك
ابو مشعل : لك دخل ولو انها راحت وطلعت معه وش كنتي بتسوين
ريم بقهر: وش تبيني اسوي لها يعني اجلس اترجاها تكفين لا تتكلمين معه وبعدين وان طلعت معه ترا هي ماهي بزر عقلها براسها وتعرف الصح من الغلط انا وش دخلني الان تتكلم معي بهالطريقة
ابو مشعل بحدة : ريم اقصري الشر ولا ترادديني
ريم ناظرته بحقد وصدت بوجهها بسرعه ما تبي تناظره بمثل هذه النظرة من لما تذكرت استاذتهم وهي تقول لهم: {حتى نظراتكم الغاضبة او القاسية لهم تعتبر من العقوق فالافضل تحاولون قدر المستطاع تناظرونهم برحمة ورفق )
ابو مشعل تنهد وهو يشوف برقبتها شمخ على طولها من اظافر رغد
ابو مشعل تنهد : لا حول ولا قوة الا بالله
( وجه كلامه لأم رغد): هذا المفتاح تروحين لها وقت الوجبات تحطين لها الوجبة ثم تطلعين عنها وقولي لها من اليوم ورايح مدرسة ما فيه وخليها تنساه وتمحيه من عقلها وقلبها
______________
بعد ثلاث ايام
وبهذا اليوم تكون جمعتهم المعتادة يحضرون فيها كل العائلة من الاجداد والعمات والاعمام وعيال العم وبنات الاعمام او العمات
الكل كان جالس والبنات جالسين ومتحجبات بجهة والعيال بجهة
____
الجد: وين اخوكم عبدالرحمن تأخر
جراح : كلمته يقول بالطريق ،، كل هذا حماس لبنت ولدك الجديدة
الجد ناظره بحدة وصد وهو يخفي ابتسامته
جراح ضحك : هههه انا افدا خشمك عاد الا وزعلك ( وقف وباس راس ابوه ورجع جلس )
.....
دقايق هي حتى يدخل عبدالرحمن هو وعياله ويسلم بصوت عالي
الكل راح يسلم اللي على الجد ثم الجدة ثم الاعمام وبالاخير بقى عبد الرحمن مع ريم اللي وقفت وهي ترتجف بخوف من كثرة الاشخاص اللي موجودين في هالمجلس
مسك يدها ابوها وشد عليها وسحبها
باس راس ابوه : يبه وهذه ريم وجبناها تتعرف عليك وتسلم
الجد ابتسم : يا الله حيهم .. اسفرت وانورت
ريم بهدوء وطلع صوتها ناعم انصدم ابوها منها يختلف اختلاف شددييييد عن اللي كانت تلعلع فيه : منور بوجودك يا جدي
الحد ابتسم لما باست راسه سحبها وحضنها له وتكلم مع عبد الرحمن : قرت عينك بهالزين
عبدالرحمن ابتسم: بعين نبيك
قربت من الجدة وبكل حنانها احتضنتها وهي مبسوطة عليها وهي متحجبة ووجهها طالع بيبي فيس مع عيونها الواسعة وشفايفها المليانه بشكل جذاب : يا بعد حيي .. وش هالزين والجمال ما شاء الله تبارك الرحمن حصني نفسك يا بنتي
ريم ابتسمت باحراج ولا عرفت ترد عليها وبأي طريقة تتعامل معها ففضلت الصمت
سحبها ابوها قدام جراح اخوه لترفع راسها وانصدمت وطلع صوتها عالي بصدمة الطبيعي اللي يلعلع: اننننتتتتتت
________
انتهى البارت
تفاعل؟
كومنتات ؟؟
ايش رايكم بالبارت ؟
